སྒྲུང་བ་བླ་བྲང་ནས་ཆས་ཤིང་སྒྲུང་བ་བླ་བྲང་ལ་ལོག
སྒྲུང་བས་གེ་སར་གྱི་དམག་དཔུང་ཁྲིད་ནས་ཡུལ་སྐོར་གནང་ལ
སྒྲུང་བར་སློག་པ་མནབས་པའི་ལྷག་བསམ་དག་གི
འཛུམ་མདངས་ཐོབ
སྒྲུང་བ  ངའི་ཁ་གཏད་དུ་སྡོད་པའི་གྲོགས་པོ་དཀྱུས་མ་འདི

ལས་སྐལ་གྱི་གཙང་བོའི་འགྲམ་ངོགས་ནས་སླར་ཡང་ཕྲད་ཅིང
ཁྱོད་ཀྱིས་རས་པ་ཚོའི་བརླ་རྐང་དང
ཆར་རླུང་གི་ལོ་ཟླའི་ཞིབ་ཆ་འཚོལ་དུས
ངས་ཀྱང་ཁ་བ་བབས་དྲགས་པའི་དབྱར་གཞུང་དེ་གླེང་བར
རྒྱུ་མཚན་ལོས་ཡོད
(འོ་ཇ་དང་ སྦི་རག  ད་དུང་གློག་ཐབ་ཡོད་པས
ཉི་མ་ཧ་ཅང་ཐུང)

སྒྲུང་བས་བདུད་དང་ཁྲོ་ཐུང་དངོས་སུ་མཐོང་མྱོང་ཟེར
ཐག་རིང་ནས་སུ་ཞིག་གིས་སྣ་སྦྲིད་རྒྱག་སྲིད་དམ
དབུ་ཁྱུད་ལས་སྔ་བའི་སྡོམ་ཚིག་ཅི་ལ་མཁོ
སྐྱོ་ངལ་དང་རེ་སྒུག་ཁུར་བའི་མཚོ་ཇག  ང་ཚོ
མི་ཚེ་བྲིས་པའི་དར་ལྕོག་ཤུགས་ཀྱིས་འཕྱར་དགོས་ན
ཕུགས་བསམ་གྱི་གླིང་ཕྲན་ད་དུང་རྒྱང་ཐག་རིང
སྒྲུང་བའི་སྒོ་རྟགས་ཨང་གྲགས200ཡིན

རྩོམ་ཁུངས། སྙན་ངག་དེབ