རྡུལ་རྣམས  འདི་ཚོ་གང་ནས་འོངས་པ་རེད
རྨི་ལམ་ཆུང་ཆུང་དེ  མུན་པའི་ཁྲོད་མགོ་བོ་སྨད་ཅིང
དབེན་སིམ་པའི་ཚུལ་གྱིས་བསྡད་པ་དེ
རྡུལ་རྣམས   རྨི་ལམ་དེ་སྤྲུགས་སྤྲུགས་ཤིག་གྱིས་དང
མུན་པའི་ཁྲོད་མིག་ཟུང་ནག་རིལ་རིལ་ངང
རྨི་ལམ་བརྟོལ་ཏེ   རྨ་ཁ་ཞིག་བཟོས་ཏེ  རྨ་ཁ་ལས་ཕྱིར་ཐོན་ཏེ
ཐག་རིང་གི   རྟ་ཕོ་ཞིག་གི་རྨི་ལམ་ལ་སྙེག་གིན་འདུག

རྡུལ་རྣམས  རྩི་ཤིང་ཞིག་གི་ཡལ་གར་ཁེན་འདུག
ལྷགས་རླུང་གིས་དུས་ཚོད་ཀྱི་ཤོག་ལྷེ་ཞིག་སློག་སོང
ཤོག་ལྷེ་དེ་ཡལ་ཟིན་ནའང  དོན་དག་ཅི་ཡང་མ་བྱུང

དོན་སྙིང་རྣམས་སྔར་གྱི་ཁ་མལ་ན་ལུས་འདུག

རྡུལ་རྣམས   ཆེས་འཁུར་དུ་མི་བཟོད་པའི་ཕྲ་རབ་དེ
རྡུལ་རྣམས   ཕྱོགས་བཞི་ན་འཕུར་གྱིན་པའི་ཚོར་བ
རྡུལ་རྣམས   དྲན་ཤིང་གི་ལོ་འདབ་སྟེང་གི་རི་མོ་དག

འདར་ཤིག་ཤིག་ངང་དཔྱིད་ཀའི་ཁྲོད་ན་གནས་པ་དག
                               ༢༠༠༡.༥.༡༣ཉིན་པེ་ཅིང་དུ།

རྩོམ་ཁུངས། སྙན་ངག་དེབ