རལ་གྲིའི་ཡང་རྩེར་འཛེགས་ཟིན་པའི།
ཚེ་སྲོག་གི་གོང་བུ་ཞིག་སྟེ།
ད་ནི་འགུལ་པ་ཙམ་གྱིས་ཀྱང་འཐོར་ཞིག་ཏུ་འགྲོ་སྲིད།

ཁྱོད་ལ་དྲི་མ་ཐམས་ཅད་ཀྱིས་མ་གོས་པས།
གཞོན་ནུ་མའི་ཁ་རླངས་ཀྱིས་ཀྱང་ཁྱོད་ལ་རེག་པར་མི་ཕོད།
ཁྱོད་ཉིད་སྒྲིཔ་པ་ཐམས་ཅད་དང་བྲལ་པས།
ཕྱི་ནང་ཐམས་ཅད་ཁོར་ཡུག་ལ་གསལ་ཞིང༌།
ཁོར་ཡུག་མ་ལུས་ཕྱི་ནང་ལ་གསལ།

ཆེས་མཐར་ཐུག་གི་དྭངས་མ་ནི།
ཆེས་འཇིག་པར་སླ་བ་ལགས།
ཁྱོད་ནི་འཚང་རྒྱ་ཁ་མའི།
སྐད་ཅིག་གི་མངོན་སྟངས་ཤིག་སྟེ།
མཚམས་འདིར་བསླེབས་ཚེ།
ཅིས་ཀྱང་འོད་ལུས་སུ་དྭངས་དགོས

རྩོམ་ཁུངས།