ད་ལོ་དགུན་ཁར  ཁ་བ་མེ་ཏོག་གི་ཟོལ་གྱིས་མ་བབས

ད་ལོ་དགུན་ཁར   མེས་པོ་ཁ་བཞིན་ཞུ་སོང

ཚ་ལམ་ལམ་གྱི་འོ་ཇ་སྣུམ་པོ   ད་དུང་ཀུ་རེ་དང་དགོད་གཏམ

དགུན་ཁ་འདིར   ང་ཁྱིམ་ཚང་ཞིག་གི་མགྲོན་པོ་ལ་གཞི་ནས་དུངས་བྱུང

ད་ལོ་དགུན་ཁར  དབུས་ལ་འགྲོ་བའི་མཇལ་བ་མང

ད་ལོ་དགུན་ཁར  དབུས་ཀྱི་རྡོ་ལམ་བདེ་མོའི་ལྕགས་ལམ་རེད

ད་ལོ་དགུན་ཁར   སྐུད་བསྐུར་ལེ་ཚན་ནང་དུམགྲོན་པོ་མང

ཉེ་དུ་ཚང་མ་ཁ་སང་ལམ་ལ་ཆས་ནས   དེ་རིང་དབུས་ལ་འབྱོར་ཡོད་ཟེར

ཀྭ་ཡེ་མེས་པོ  དགུན་ཁ་འདིར

སྟོད་དབུས་ལམ་ཕྲ་མོ་རིང་སོང་མ་བསམ

ད་ལོ་དགུན་ཁར  ང་ཡི་ལས་གྲོགས་ཚོས

འཚང་ཁ་ཤིག་ཤིག་གིས་བྱིས་པ་ཡང་བཙས་བྱུང

ཁྱིམ་ཚང་རེ་རེའི་སྡུག་བསྔལ་ཕྲན་བུར་ཡང་སེམས་ཁུར་བྱེད་ཀྱིན

ངས་ཆུང་མའི་ཚོགས་ལ

སྔོན་ཆད་ང་ཚོ“ཇག་གྲོགས”ཡིན་པའང་ཁས་མ་བླངས

ད་ལོའི་ཁ་བ་མེད་པའི་དགུན་ཁ་འདི

ས་བོན་ཡོད་ཚད་ལ་འབྲས་བུ་སྨིན་པའི་སྟོན་ཀ་ཡིན་ནམ

ཡང་ན  འབྲས་བུ་ཡོད་ཚད་ས་རུ་འཐིམ་པའི་གཏམ་རྒྱུད་ཡིན

རྩོམ་ཁུངས། ༢༠༠༥ལོའི་གངས་རྒྱན་མེ་ཏོག