སྦྲང་ཆར་ཟིམ་ཟིམ་བབས་ན་ཡང

མེ་ཏོག་ཅིག་འདེབས་པའི་བློ་རྒྱ་ཡོད་མ་མྱོང

ནམ་རྒྱུན  རང་གི་རྐང་རྗེས་ལ་ལྟ་བཞིན

ཐག་རིང་དུ་ཕེབས་མེད་པ་གློ་བུར་ཚོར་ཐེངས་རེར

རེ་སྨོན་དང་སྐྱོ་ཤས་ལྷན་ཏུ་འདྲེས་འགྲོ

ལག་པ་ག་ལེར་བརྐྱངས་འོངས་ནས

དྲོད་འབར་བའི་ཐ་སྙད་སྣ་ཚོགས་དང

ནང་སེམས་ཀྱི་འགྱུར་བ་ཟབ་མོ

སྤང་ངོས་ཀྱི་ལུག་ཁྱུ་བཞིན་བསྲེས་ཐེངས་རེ་ལ

ཕྱུག་པོ་སྟོབས་ལྡན་ཞིག་དངོས་གནས་ཡིན་སྙམ

མེ་ཏོག་གི་འདབ་ལོར་བཀྲ་བའི་ཟིལ་ཐིགས་དྭངས་མོ

ལྗོན་ཤིང་གི་ཡལ་གར་དཔྱངས་པའི་ལོ་མ་སེར་པོ

རླུང་བསིལ་མོ་ཞིག་གིས་ག་ལེར་འཁྱེར་བའི་སྣང་ཚུལ་ཡང

ཚེ་སྲོག་ཅིག་གི་གཏམ་རྒྱུད་ལ་རྟོག་བཟོ་བྱས་པས

མིག་ཆུ་སེམས་སུ་ལྷུང་བ་ཐེངས་གཅིག་མིན

ཨ   སྙན་ངག་པ   སྐྱོ་ཤས་ལ་ཟད་མཐའ་ཡོད་དམ

རྩོམ་ཁུངས། ༢༠༠༢ལོའི་གངས་རྒྱན་མེ་ཏོག