༢༠༠༧ལོར་གྱེས་པ།
རླུང་ལྡང་འི་དུས་སྐབས་འདི་ལ
ཁོ་མོ་ཡང་སྨྱོས་པ་ལྟར་གྱུར་ནས
འཇིག་རྟེན་འདིའི་འོག་ཏུ
སྦྲུམ་མ་ཡིན་ནྰལི་ཧྲ་བཞིན་ཁུ་སིམ་མེར་གྱུར་སོང
ལོ་ཟླ་ཞིག་གྱང་ངོས་ནས་སིལ་བུར་ཐོར
བར་སྣང་ནས་སྒྲ་དང་མེའང་སིལ་བུར་ཐོར
སྐྲ་འདབས་སུ་རིམ་གྱིས་ཟེགས་ཀྱིན་པ་ནི
མེ་ལོང་ནང་གི་ལང་ཚོ་དག་ལས་གཞན་ཅི
རླུང་དང་ཁ་ཐག་རིང་སོང
ཁ་ཞིག་ཀྱང་དལ་གྱིས་བབས་ནའང
ཕྱི་རོལ་ན་སུའང་འཇབ་ཀྱི་མེད་མོད
ངས་ཐོས་པ་ནི་ཕྱིར་དྲན་གྱི་གོམ་སྒྲ་ཁོ་ན་ཡིན
ཕ་ཡུལ་དུ་གླུ་བ་འགའ་འཛོམས་བྱུང
ངོ་གདོང་མང་བོ དགོད་སྒྲ་མང་བོ
མེ་འོད་ཀྱི་ངོགས་སུ་འཛོམས་ནའང
འདོར་མི་ཐུབ་པ་རེ་གྲགས་མེད་དུ་གྱེས་བཞིན་པས
ང་རང ན་ནིང་རྒྱབ་གཟུགས་ཁྲོད་དུ་ལུས་པར་སྣང
རྩོམ་ཁུངས། ༢༠༠༨ལོའི་གངས་རྒྱན་མེ་ཏོག