བརྩེ་བར་འཇུས་པའི་སེམས་ཀྱི་ཚིག་གྲུབ་ཁ་ཤས
ཤ་རུས་ཀྱི་གསེང་ནས་འཐོར་ཞིང་བཞུར་ནས་སོང་བ
བདག་གི་དྲན་པར་བརྒྱུས་པའི་སྨྲ་བརྗོད་ཀྱི་བདེན་པ་ཡིན་ཡང་ཨང

ས་སྲོད་ཀྱི་གྲིབ་གཟུགས་འཁུར་ནས་རྒྱང་ལ་ཆས་པ་ཁྱོད་ཡིན་ནམ
རྨི་ལམ་གྱི་གནས་ལམ་བསྐྱུར་ནས་རླུང་དང་འགྲོགས་པ་ཁྱོད་ཡིན་ནམ
ཡང་ན  སྐད་ཆ་དག་གི་རྒྱབ་ལྗོངས་སུ་རྨ་ཁ་འདེབས་མཁན་དེ་ཡང
སྒྱུ་འཕྲུལ་གྱི་བདག་མོར་བསྐོས་པའི་ཁྱོད་རང་ཡིན་ནམ

བདག་གིས་སྔ་མོ་ནས་ཤེས་ཡོད
འོད་ཟེར་གྱི་ཕྱི་ནང་ལ་མིག་ཆུ་གླན་པའི་མཚན་མོ་དེའི་ངོ་གདོང
རྒྱབ་འགལ་ཁྲི་ཕྲག་གི་དབྱངས་རྟ་བསྐྱོར་ནས་འགྱེལ་ལ་ཉེ་བའི
དུས་ཚིགས་ཀྱི་པགས་ཤུན་རལ་བོ
ནག་ཐོམ་ཐོམ་གྱི་ཤོག་བུ་དག་ལག་པས་བཟུང་ན
ངས་ཁྱོད་ཀྱི་འཆི་བ་དང་སུན་སྣང་གི་རོལ་དབྱངས་དྲན་སྲིད
དེ་ནི་སུ་ཡི་དཔུང་བར་སྦྲེལ་བའི་ལྐོག་གྱུར་གྱི་མཆོད་པ་ག་ལ་ཡིན

རྩོམ་ཁུངས། ༢༠༠༩ལོའི་གངས་རྒྱན་མེ་ཏོག་དེབ༤བ།