ཞོགས་པ་སྔ་མོ་ནས་བཟུང

ངའི་ལག་མགོའི་ཆུ་ཚོད་རྒྱུན་མི་ཆད་པར་འཁོར་གྱིན་འདུག

གནས་ཚུལ་འདི་འདྲའི་འོག་ནས

ཁྱོད་ཀྱི་བསམ་ཡུལ་ལས་འདས་པའི

ཡ་མཚར་པའི་ལྐོགས་གྱུར་གྱི་ཆོ་འཕྲུལ་སྒྱུ་མའི་ཟློས་གར་ཞིག་ལ་བསམ་བློ་བཏང

དེའི་རྗེས་སུ་མི་འདོད་བཞིན་དུ་འཐབ་འཛིང་ཡང་ཅི་དགར་བརྒྱབ

ཅིས་ཀྱང་བརྗེད་མི་རུང་བ་ནི་རང་རང་གི་འདས་ཟིན་པ་སྟེ

དུར་ཐང་གི་མྱ་ངན་ཁྲོད་དུ་ཉལ་བའི་གཤིན་པོའི་དྭངས་གཙང་གི་རྣམ་ཤེས

རྣམ་ཤེས་དེས་ད་དུང་ཡང་སྔར་བཞིན

ཁྱོད་ཀྱིས་ཕྱིར་དུ་དབུགས་ཀྱི་རྒྱུ་བས་ཨུ་ཚུགས་ངང་རྒྱུན་བསྲིངས་འདུག

འཁྲུག་ཆ་དོད་པའིདུས་རབས་འདིའི་རུམ་དུ་འཛུལ་ཏེ

ཁྱོད་ཀྱིས་མཛེས་སྡུག་ལྡན་པའི་མོ་མཚར་བ་ཅི་ཞིག་མཐོང་བྱུང

མ་འོངས་པའི་ཆ་རྒྱུས་བྲལ་བའི་རོལ་རྩེད་དེ་དག་གམ

དེ་རིང་དང་ཁ་སང་གི་མེ་ལོང་སྟོང་བ་ཞིག་གི་ནང་དུ་འཆར་ཞིང་ཡན་པའི

ལོ་ན་གཞོན་པའི་ཁེར་རྐྱང་གི་ན་ཆུང་མ་ཞིག

ན་ཆུང་མ་དེའི་མིང་གཞན་ལ་རྙོག་མར་བསྲེས་པའི་ལོ་རྒྱུས་ཀྱང་ཟེར

འདིའི་སྐབས་སུ

ན་ཆུང་མ་དེ་གྲིབ་མའི་འོག་ནས་ཡོལ་བའི་རྒྱབ་ཏུ་བསྐུངས་ཡོད་ཕྱིར

ཁྱོད་རང་ཅི་ལྟར་ཉེ་བར་བཅར་ཡང་གསལ་བོར་མཐོང་ཐབས་བྲལ

དེ་ནི་ཡོད་ཚད་ཀྱི་ཡོད་ཚད་འཕྱིས་དྲགས་སོང་བ་ཡིན་ནམ

གང་ལྟར     ངའི་ལག་མགོའི་ཆུ་ཚོད་རྒྱུན་མི་ཆད་པར་འཁོར་གྱིན་འདུག

༡༩༨    ༢     ༡༤ཉིན་ཆུ་སྔོན་ནས་བྲིས

རྩོམ་ཁུངས། ཡུལ་ལ་ལོག་པའི་ལམ་བར་དུ།