ནམ་མཁའ་རལ་བོ་འདིའི་ཕ་རོལའགྱིག་བཟོས་ནམ་མཁའ་ཞིགལུ་གུ་དང་རྟེའུངེས་མེད་དུ་བྱིང་པའི་དུར་ཁྲོད་ཅིགཁྱོད་འགྲོ་སའི་ལམ་བུའགུལ་གྱིན་པའི་གྲོག་མའི་སྒལ་གཞུང་ཡིནཁྱོད་ཀྱི་ལག་སྣེར་ཐོགས་པའི་འཇོརརྐང་འོག་ནས་མེ་སྟག་མཆེད་པའི་གཞུང་ལམ་ཡིནམྱུ་གུ་མ་སོན་པའི་ལྕང་མབང་རིམ་གསལ་བའི་སྤྲིན་པ་ནག་པོཁྱོད་ཀྱིས་སྐེད་པར་དཀྲིས་པའི་ཁུག་མསྦྲ་ནག་གི་བཀར་ཤིང་ཡིན་པ་དགེ་ཆོས་ལ་དྲིས་ཤིགགཉོམ་དུང་གི་གླུ་སྐདག་ལེར་འཁྲིལ་བའི་མིག་ཞགསཔང་གདན་གཡོ་བའི་རླུང་བུརྩྭ་རྐང་གཅིག་གི་རྣམ་ཤེས་ཡིནགོམ་འགྲོས་འདིསྟག་ཤར་གྱི་རྟ་ཁ་དཀྱུ་བའི་ཁ་བཏགས་ཡིནགོམ་འགྲོས་འདིབག་གསར་གྱི་ཞྭ་མོ་ལེན་པའི་སྙན་ངག་ཡིནམཛུབ་རྩེ་ནས་མ་ཎི་བཞུར་བའི་ཨ་མཕྲེང་བའི་སྲོག་སྙིང་ཟོས་པའི་ཨ་ཕཁྱོད་བདག་གི་ནམ་མཁའ་ཡིན            ༢༠༡༠ལོའི་ཟླ་༥པའི་ཚེས་༡༡ཉིན་རྨེའུ་རུ་མའི་སློབ་ཆུང་དུ་བྲིས།

རྩོམ་ཁུངས། ངེད་དྲ་བ།