མི་ཕམ་ལྷ་མོ།
--W。Lཕུལ་བ།
རྒྱང་བཞུད་ཁར། གཙང་བོར་མིག་ཆུ་བྲུག
གཡོར་གྲུ་དེ། ཡོམ་ཡོམ་འདར་བྱུང༌། ཡོམ་ཡོམ་འདར་བའི་ངའི་བྲང་གཞུང་དུའང༌། ན་ཟུག་གི་རྨ་ཁ་གས་འོང༌།
མི་ཕམ་ལྷ་མོ། སྐབས་དེ་དག་ནི་ཁྱེད་རང་དྲན་པའི་བདག་གི་ས་སྲོད་ཡིན།
རྒྱུས་ཡོད་རྒྱུས་མེད་པྱི་སྐར་ཆེན་མང་པོ། ངའི་མཚན་ངོགས་སུ་ལམ་ལམ་འཕུར་ཞིང༌། ཟུར་མིག་གི་འོད་གཤོག་རྣོན་པོས། ངའི་སྙིང་ཁ་འབེན་དུ་བཙུགས།
ངས་ཁྱེད་ཀྱི་སྐར་ཆེན་ཡ་ནས་མི་རྙེད། ལག་སྙོམ་དུ་མའི་རྗེས་སུ། འཁྱག་སོབ་སོབ་ཀྱི་མལ་གཞི་ན་འཁྱག་སོབ་སོབ་ཀྱི་དྲན་པ་འདི་ལས། དྲོད་ལམ་ལམ་གྱི་གཏམ་རྒྱུད་ཅི་ཞིག་འདུག
ཕྱི་མིག ནམ་ཡང་རང་ཉིད་ལ་བཏང་བའི་མནར་གཅོད་ཅིག
གཙང་པོ་རྒྱང་ལ་བཞུར་རྗེས། དྲན་གདུང་གི་ཀོ་གྲུ་ཁེར་རྐྱང་གིས་རྒས་ཤིང༌། བརྩེ་དུངས་དང་ཚེ་སྲོག་གི་མར་མེ་རླུང་ཁར་འཕྱོ།
ངས་ནམ་ཡང༌། ས་སྲོད་ཀྱི་རྐྱང་ཟླ་སེམས་གསོར་རུམ་ནས། ཁྱེད་ལ་སྐར་ཚོགས་ཀྱི་མགུལ་རྒྱན་བསླེས་མྱོང༌། མི་ཕམ་ལྷ་མོ་ལགས།
༢༠༠༠。༡༡。༣༠
རྩོམ་ཁུངས། ༢༠༠༢ལོའི་གངས་རྒྱན་མེ་ཏོག༣