རྣ་གཤོག་རིང་མོ   ལྡེམ་ལྡེམ  ལྡེམ་ལྡེམ

མིག་ཟུང་སྒོར་མོ      ཅེ་རེར  ཅེ་རེར

 ཚེ་སྲོག་ཆུང་ཆུང་ལྔ   རེས་སྐུང་རེས་མངོན   གཅིག་ལྡིང་གཉིས་ལྡིང་མགོ་བོ་ཀྲོག་ཀྲོག་གིས་སྡོད་ཅིང་ལག་སུག་འདར་འདར་གྱིས་འབྲོ   དགོ་ཁྱུ  གནའ་ཁྱུ  རྐྱང་ཁྱུ  འབྲོང་ཁྱུ་་་ ་་་ རེ་རེ་བཞིན་གཤར་ཤུལ་ཏུ   སྐྱ་སོག་སོག་གི་རྩི་གསེབ་དང་སྟོང་སིང་སིང་གི་རི་ཐང་ལ  ཆེས་མཐའ་མཇུག་གི་སུག་རྗེས་རེ་རེ་ཕབརྩྭ་ལྗང་གི་ཞིམ་ཤ་བཙལ་གྱིན   རྫ་ཆུའི་དྭངས་བསིལ་སྙེག་གིན  གཅིག་ལྡིང་གཉིས་ལྡིང  རེས་སྐུང་རེས་མངོན་གྱིས་འགྲོ་བའི་ཚུགས་ཀ་ནི་ཇི་འདྲའི་ཉམ་ཆུང་ཞིང་སྙིང་རྗེ་བ་ཞིག་རེད་ཨངས་སྲོད་ཀྱི་མཇུག་མཐའི་ཉི་ཟེར་འོག་ཏུ  མེ་མདའ་གཅིག་གི་རྒྱབ་ན་རྔོན་པ་དྲུག  འདོད་ཧམ་ལིང་ལིང   རྐང་འཇབ་ལག་འཇབ་ཀྱིས་འོངནག་ཀྲོང་ཀྲོང་གི་མེ་མདའི་སོ་ཁ་ན  དམར་རྗེན་རྗེན་གྱི་སེམས་པ་དྲུག་གི་ཉམ་ཐག་པའི་ངང་གཤིས་ལྷང་ངེར་མངོན་ལ  སྐྱབས་མེད་དཔུང་མེད་ཀྱི་ཚེ་སྲོག་ཉམ་ཆུང་ལྔ་ཡི་འཕར་འགུལ་ཡང་གསལ་ལེ  གསལ་ལེ

  སྐག-སྐག་སྐག -སྐག-

སྐྱ་ལོག་ལོག་གི་བེམ་པོ་ཆུང་ཆུང་ལྔ     རྣ་གཤོག་རིང་མོ  ལྡེམ་མེར  ལྡེམ་མེར

མིག་ཟུང་སྒོར་མོ་ཅེ་རེར  ཅེ་རེར

  ས་སྲོས   མཚམས་སྤྲིན་ཁྲག་ལྟར་དམར་བའི་ས་སྲོས་སུ  རྩྭ་ཐང་གི་ལྷིང་འཇགས་སྙིང་ལ་གཟན

རྩོམ་ཁུངས། ༢༠༠༤ལོའི་དུས་རབས་ཀྱི་ང་།