སྐྱས་སྤོར་བའི་གཏམ་རྒྱུད།

           ༡
  དཔྱིད་ཀའི་དྲི་བཞོན་སྣུམ་པོས་རྩྭ་ཐང་ལ་མཛེས་སྡུག་གསར་བ་བསྐྲུན། ནོར་འཛིན་མའི་འཕག་འཚག་རྒོད་པོས་འཇིག་རྟེན་ཧྲིལ་བོར་གཡོ་འགུལ་བྱུང་། དུས་གཏན་དུ་ལྷིང་འཇགས་ཀྱི་ལུང་ཁུག་ཅིག་ན། སློག་ཧྲུལ་གྱི་ལྷན་པ་ལྟར་གྲུ་ཚུགས་ས་མེད་འགུལ་མེད་དུ་ལུས་པའི་རུ་སྡེ་ཁྲ་མོ། གློ་བུར་བའི་སྟ་གོན་ཞིག་གིས་ལམ་ལ་ཆས།
          ༢
  འུར་ཟིང་ཧ་འདུ་འཛིའི་ཁྲོད་ནས་ན་གཞོན་ཕོ་མོ་ཚོ་ལམ་ཕྲན་གྱ་གྱུའི་མའི་ཐག་སྣེར་འཇུས་ཏེ། ཁལ་མ་ནུར་བོ་ཞོག་དང་ལུག་ཁྱུ་སྒོར་སྒོར་གྱི་བཞུར་སྒྲ་བཀླགས། ཉི་མ་རི་སྐེད་ལ་འགོས། སྤངས་ལྗོངས་སོ་མ་དེའི་ཁྱིམ་ནས་བསིལ་རྩྭ་འཇམ་པོ་ཞིག་གི་མངར་ཁ་ཡོད་ལ། མེ་ཏོག་སྣ་ཚོགས་ཤིག་གི་དྲི་བསུང་འཐུལ།  ད་དུང…………
གཡང་དཀར་ལུག་ཁྱུ་མཚན་ལྗོངས་ཀྱི་སྐར་ཚོགས་ཇི་བཞིན། ཁྲ་ལམ་མེར་ཡུལ་ལྗོངས་འདིའི་རུམ་ལ་འཐོར། མཚེར་ས་སོ་སོ་ནས་བརྡོལ་བའི་དུ་བ་སྔོན་པོ་ལ་ལུང་ལ་འཇབ། འདི་ལས་ལྷག་པའི་ཡུལ་གྲུ་གཞན་ཞིག་ལ་གདུང་འབོད་དང་རེ་སྙེག་བྱེད་པའི་གསར་བུ་ཚོས་ད་རུང་རྟ་སྒ་བླངས་མེད།
         ༣
སྟོང་ཞིང་ཁུ་སིམ་པའི་མཚེར་ཤུལ་ན། སྐྲ་ཚོགས་ཀྱི་ཁ་བ་དཀར་པོའི་ལོ་ལོན་རེ་འགའི་དཔྲལ་གཉེར་གྱི་ལྟེབ་མར་ཆུ་ཐིགས་རེ་འཛུམ་ཞིང་། ལྐོག་ཏུ་ལྷུང་བའི་མིག་ཀོང་ལས་ཧ་ཅང་ཡིད་ཚིམས་པའི་འོད་ཞགས་ཕྲ་མོ་རེ་འབུས་ཏེ། ཡིག་དྲུག་གི་དབྱངས་རྟ་གྱེར་བཞིན་མཛུབ་རྩེ་ནས་བགྲང་བའི་ཕྲེང་གོག་རེ་རེར། རང་གི་མཚེར་ས་སྲུང་བའི་དམ་བཅའ་སྦྲུམ།
  བེའུ་ཁྲ་བོ་དང་། འབའ་འབའ་ལུ་གུ ད་དུང་མེ་ཏོག་གི་མགུལ་རྒྱན་སོགས་ལ་སེམས་པ་ཤོར་བའི་བྱིས་པ་པྲ་ཚགས་ཚོས། དབྱར་སར་སོང་བའི་ཕུ་བོ་དང་ཨ་ཅེ་ལ་རེ་སྒུག་བྱས་ཏེ་རྡེའུ་བསྒྲིགས་ཏེ་ཉི་མ་བརྩི་ཞིང་། དབྱར་སའི་ཕྱོགས་ལ་ཤོར་བའི་མིག་ཟུང་ནམ་ཡང་ཕྱིར་སྡུད་ཐུབ་མ་བྱུང་། བར་སྣང་ན་སྐོར་གཡེང་བྱེད་བཞིན་པའི་ཐང་དཀར་གྱིས་ཁོ་ཚོའི་རེ་སྨོན་དང་འདུན་པ་མཁའ་ལ་ཁྱེར།
 

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

སྐྱས་སྤོར་བའི་གཏམ་རྒྱུད།

2013-01-10 ལྷ་མགོན། ཀློག་གྲངས། མཆན ཡོད།

           ༡
  དཔྱིད་ཀའི་དྲི་བཞོན་སྣུམ་པོས་རྩྭ་ཐང་ལ་མཛེས་སྡུག་གསར་བ་བསྐྲུན། ནོར་འཛིན་མའི་འཕག་འཚག་རྒོད་པོས་འཇིག་རྟེན་ཧྲིལ་བོར་གཡོ་འགུལ་བྱུང་། དུས་གཏན་དུ་ལྷིང་འཇགས་ཀྱི་ལུང་ཁུག་ཅིག་ན། སློག་ཧྲུལ་གྱི་ལྷན་པ་ལྟར་གྲུ་ཚུགས་ས་མེད་འགུལ་མེད་དུ་ལུས་པའི་རུ་སྡེ་ཁྲ་མོ། གློ་བུར་བའི་སྟ་གོན་ཞིག་གིས་ལམ་ལ་ཆས།
          ༢
  འུར་ཟིང་ཧ་འདུ་འཛིའི་ཁྲོད་ནས་ན་གཞོན་ཕོ་མོ་ཚོ་ལམ་ཕྲན་གྱ་གྱུའི་མའི་ཐག་སྣེར་འཇུས་ཏེ། ཁལ་མ་ནུར་བོ་ཞོག་དང་ལུག་ཁྱུ་སྒོར་སྒོར་གྱི་བཞུར་སྒྲ་བཀླགས། ཉི་མ་རི་སྐེད་ལ་འགོས། སྤངས་ལྗོངས་སོ་མ་དེའི་ཁྱིམ་ནས་བསིལ་རྩྭ་འཇམ་པོ་ཞིག་གི་མངར་ཁ་ཡོད་ལ། མེ་ཏོག་སྣ་ཚོགས་ཤིག་གི་དྲི་བསུང་འཐུལ།  ད་དུང…………
གཡང་དཀར་ལུག་ཁྱུ་མཚན་ལྗོངས་ཀྱི་སྐར་ཚོགས་ཇི་བཞིན། ཁྲ་ལམ་མེར་ཡུལ་ལྗོངས་འདིའི་རུམ་ལ་འཐོར། མཚེར་ས་སོ་སོ་ནས་བརྡོལ་བའི་དུ་བ་སྔོན་པོ་ལ་ལུང་ལ་འཇབ། འདི་ལས་ལྷག་པའི་ཡུལ་གྲུ་གཞན་ཞིག་ལ་གདུང་འབོད་དང་རེ་སྙེག་བྱེད་པའི་གསར་བུ་ཚོས་ད་རུང་རྟ་སྒ་བླངས་མེད།
         ༣
སྟོང་ཞིང་ཁུ་སིམ་པའི་མཚེར་ཤུལ་ན། སྐྲ་ཚོགས་ཀྱི་ཁ་བ་དཀར་པོའི་ལོ་ལོན་རེ་འགའི་དཔྲལ་གཉེར་གྱི་ལྟེབ་མར་ཆུ་ཐིགས་རེ་འཛུམ་ཞིང་། ལྐོག་ཏུ་ལྷུང་བའི་མིག་ཀོང་ལས་ཧ་ཅང་ཡིད་ཚིམས་པའི་འོད་ཞགས་ཕྲ་མོ་རེ་འབུས་ཏེ། ཡིག་དྲུག་གི་དབྱངས་རྟ་གྱེར་བཞིན་མཛུབ་རྩེ་ནས་བགྲང་བའི་ཕྲེང་གོག་རེ་རེར། རང་གི་མཚེར་ས་སྲུང་བའི་དམ་བཅའ་སྦྲུམ།
  བེའུ་ཁྲ་བོ་དང་། འབའ་འབའ་ལུ་གུ ད་དུང་མེ་ཏོག་གི་མགུལ་རྒྱན་སོགས་ལ་སེམས་པ་ཤོར་བའི་བྱིས་པ་པྲ་ཚགས་ཚོས། དབྱར་སར་སོང་བའི་ཕུ་བོ་དང་ཨ་ཅེ་ལ་རེ་སྒུག་བྱས་ཏེ་རྡེའུ་བསྒྲིགས་ཏེ་ཉི་མ་བརྩི་ཞིང་། དབྱར་སའི་ཕྱོགས་ལ་ཤོར་བའི་མིག་ཟུང་ནམ་ཡང་ཕྱིར་སྡུད་ཐུབ་མ་བྱུང་། བར་སྣང་ན་སྐོར་གཡེང་བྱེད་བཞིན་པའི་ཐང་དཀར་གྱིས་ཁོ་ཚོའི་རེ་སྨོན་དང་འདུན་པ་མཁའ་ལ་ཁྱེར།
 

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།