༡
མཚོ་མོ་ཡིས་བདག་གི
ཐུར་དུ་དཔྱངས་ཏེ་ཤི་ཟིན་པའི་མགོ་བོ་གསལ་བར་བྱས།

              ༢
བདག་ནི་ས་སྲོས་སུ་བདེ་བར་བཞག་པའི་གདུང་ཁྲི་ལགས་ཏེ་འཁོར་ལོ་ཡིས་བདག་གི་ངོ་ཚ་བའི་སྣང་བརྙན་འགེངས་པར་བྱས།
ཉི་ནུབ་ཀྱིས་མཚལ་དམར་བྱུགས་པའི་གཙང་ཆུ་ནི་ཁྲག་དམར་ཁོལ་གྱིས་འཕྱུར་  འོངས་བ་དང་མཚུངས།

             ༣
རླུང་ལྡང་བྱུང༌།
ཉི་མ་ཡི་རོལ་དབྱངས།   ཉི་མ་ཡི་རྟ་མཆོག

              ༤
རྒྱང་རིང་རྒྱང་རིང་གི་གངས་རིས་གཡོགས་པའི་གཉེན་ཉེའི་དཀྱིལ་དུ།
ཁོ་ཡི་སླད་དུ་འབྲས་བུ་རི་མོར་འབྲི།  མྱོས་བུམ་ཟུང་ཡང་རི་མོར་འབྲི།

               ༥
ནད་ཡམས་ཁྲོད་ཀྱི་ཆང་བཅུད་ནི།
མིག་འབྲས་ནག་པོ་ཆ་གཅིག་ལགས།

                ༦
ནུ་མོ་ཞར་སོང༌།  འོན་ཀྱང་ཁོ་མོ་ལ་མཛུབ་མོ་དྲུག་ཡོད།
ཧི་མས་ཁོ་མོ་པང་དུ་བླངས་ནས་ཡོད།

                ༧
ཞི་འཇགས་ལ་ཤིན་ཏུ་དགའ།
གློག་དམར་ཁྲོད་ཀྱི་རྔོན་པ།

1986---1988
            (ལྡོང་བུས་བསྒྱུར)
  

རྩོམ་ཁུངས། ངེད་དྲ་བ།