སང་ཉིན་ནས་བཟུང༌། ང་ནི་བདེ་སྐྱིད་དང་ལྡན་པའི་མི་ཞིག་བྱེད་འདོད།

རྟ་མཆོག་གཉོར་བཞིན།

འབུད་ཤིང་འཐུ་བཞིན།

ཁྱོན་ཆེ་བའི་འཛམ་གླིང་ལ་ཡུལ་བསྐོར་དུ་འགྲོ་ངེས།

སང་ཉིན་ནས་བཟུང༌།

ངས་འབྲུ་རིགས་དང་སྔོ་ཚོད་སོགས་ལ་གཅེས་སྐྱོང་བྱེད་ངེས།

ང་ལ་ཁང་བ་ཞིག་ཡོད།

མཚོ་མོའི་ཁ་གཏད་དུ།དཔྱིད་ཀྱི་མེ་ཏོག་དྲོད་སྣང་གིས་བཞད།

སང་ཉིན་བཟུང༌། བདག་གིས་ཉེ་དུ་ཐམས་ཅད་ལ་འཕྲིན་རེ་སྤྲིངས་ཏེ།

ང་ཡི་བདེ་སྐྱིད། ཁོ་རང་ཚོ་འཆད་དུ་འཇུག་འདོད།

གློག་འོད་བཞིན་འཁྱུག་པའི་བདེ་སྐྱིད་ཀྱིས་བཤད་ཟིན་པ་ཐམས་ཅད།

ངས་ཀྱང་མི་རེ་རེ་མ་ལུས་གསལ་པོར་བརྗོད་ངེས།

གཙང་བོ་དང༌། རི་སྒང་རེ་ལ།

ངས་མིང་སྙན་མོ་རེ་བཏགས་ཤིང༌།

དེ་སྔ་རྒྱུས་མེད་པའི་ཁྱོད་ལ་ཡང་ངས་འདི་ནས་ཁྱེད་ལ་རྟེན་འབྲེལ་བྱེད།

ཁྱོད་ལ་མཐིང་མདོག་གི་ལམ་བུ་ཞིག་ཡོད་པར་སྨོན་ཞིང༌།

ཁྱོད་རང་སྙིང་ནས་དུངས་པའི་མི་དེ་དང་མཉམ་དུ་འདུག་ཐུབ་པར་སྨོན།

འཇིག་རྟེན་གྱི་ཁམས་ཆེན་པོ་འདི་ན།

ཁྱོད་ལ་རང་གི་ཚོད་ཀྱི་བདེ་སྐྱིད་ཅིག་ལྡན་པར་ཤོག

                                                      ༢༠༠༩ལོའི་ཟླ༡༠པའི༢༩

རྩོམ་ཁུངས། ངེད་དྲ་བ།