དགུན་དུས་འདིར་ཁ་བ་བབས་མ་བྱུང༌།
ང་རང་མཚོ་ངོས་ལས་མཐོ་ཚད་མུས་སུམ་སྟོང་གི་ས་རུ་འགྲེང་སྟེ
རྒྱུས་ཡོད་པའི་གྲོང་རྡལ་གྱི་མཁའ་དབྱིངས་སུ་ཅེར་དུས
ཁྱོད་ཀྱི་གདོང་ལ་ཅི་འདྲའི་སྐྱོ་ཉམས་ཀྱིས་ཁེངས་ཨང
ངས་ལག་གཉིས་ཟླ་ལྔ་བའི་མཛེས་སྡུག་ལ་འཁྱུད་ཀྱང
ཁྱོད་ཀྱི་གདོང་ལ་ད་དུང་སྐྱོ་ཉམས་དེ་ལས་ཅི་ཞིག
ངའི་དུངས་འདང་གི་ལྷག་མ
ཁྱོད་ཀྱི་འདས་ཟིན་པའི་རྣམ་ཤེས་ཀྱི་རྒྱུན་ཏེ
མཚན་མོ་ཡོངས་བཀླུབས་པའི་འདབ་མ་དཀར་པོར་ཐོགས
དེ་ཡིས ཡིད་ཀྱི་སྐྱོ་བ་དྭངས་བར་བྱེད་ཐུབ་པས
འོན་ཀྱང དགུན་དུས་འདིར
ལས་ཀྱི་དབང་གིས་ཁ་བའི་མེ་ཏོག་བཞད་མ་སོང
རྩོམ་ཁུངས། ༢༠༠༩ལོའི་འོད་འབར།