༡             
བདག་གི་སྙིང་ཉེ་ལགས  འདས་སོང་གི་ལོ་ཟླའི་ཁྲོད                                                                                  
ཁྱེད་ཀྱི་སྙན་ངག་པས   ལོ་རྒྱུས་ཀྱི་རུས་རྐང་ན་འཛགས་པའི 
དཔའ་བོའི་རྔུལ་ཁྲག་གི་མཛད་བྱང་དྲོན་མོ  སྙན་ངག་གི་སྨྱུག་རྩེར་དྲངས་མྱོང
          ༢
ཨ་ཁ  བག་མེད་ཀྱི་བར་གླགས་དེ་ནས   
ངས  ཁྱེད་ཀྱི་རྐང་གདུབ་གྱི་སིལ་སྒྲར་རྡོག་པས་སྣུབ་སྟེ 
ཁྱེད་ལ་འཇགས་མེད་ཀྱི་ན་ཟུག་བསླངས   
            ༣                                            
སྙན་གྱི་དབྱངས་སུ་འཐིམ་པའི་འགྱུར་ཁུག་དེ   
ཁྱེད་ཀྱི་རྡོག་སྣེ་རུ་ལྷོད་ཀྱིས་འཐོར
            ༤
གཡུལ་ས་རྙིང་མའི་མཛོད་ཀྱི་བདག་གི་དངོས་ཟོང་ཡོད་ཚད 
དགོད་སྒྲའི་རླབས་ཀྱིས་སྤུར་ཏེ  
མིག་ཀོང་གི་མཆི་མར་བརླན་ཞིང་སིམ
             ༥
ཕམ་ཁ་འདི   ཁྱེད་ཀྱིས                                              
གློ་བ་ཉེ་ཉེ་ཡི་ངང   ང་ལ་ཕུལ་བ་ཡིན་ཀྱང་སྲིད                      
ང་ཡི་སྙིང་ཉེ་ལགས
             ༦
གལ་ཏེ  ངའི་རེ་སྙེག་གི་དུང་ཞེན་དེ 
འཆི་བདག་གིས་ལྷག་མེད་དུ་བཅོམ་རྗེས  
གཏན་དུ་ཡལ་བ་མེད་པའི་སྙན་གྲགས་སུ་འཁྲི་ན              
ཚེ་སྲོག་གི་གསོན་ཤུགས་འདི་ཉིད  ད་ལྟ་རང་ནས      
སྙན་གྲགས་ཀྱི་རྒྱུ་རུ་བསྔོ་རོགས
               ༧
ངས  ཐོབ་ཤོར་འདིའི་སླད་དུ
ཕམ་ཁ་ཡི་མྱ་ངན་མི་གྱོན         
    ༼ན་བུན་གྱིས་བསྒྱུར༽       

རྩོམ་ཁུངས། ངེད་དྲ་བ།