____མ་ཡུམ་ལ་ཕུལ་བ།
ངས་ནམ་རྒྱུན་བརྗེད་ཐབས་མེད་པའི་ཤོག་བུ་ཞིག་ཉར་སྟེ
གྲུ་ཆུང་རེ་རེ་ལྟེབས་ཤིང
གྲུ་ཁ་ནས་མཚོ་མོའི་ཀློང་དུ་འཕང

ལ་ལ་རླུང་གིས་གཙབ་སྟེ       གྲུ་ཡི་སྒེའུ་འགྲམ་དུ་མཆོད
ལ་ལ་མཚོ་མོའི་རླབས་ཀྱིས་བརླན་པར་བྱས་ཏེ   གྲུ་ཁར་སྦྱར
ང་སྔར་བཞིན་ཡིད་མ་ཆད་པར་ཉིན་རེར་ཤོག་གྲུ་རེ་ལྟེབས་ཤིང
ནམ་ཞིག་ན་ཤོག་གྲུ་དེ་མ་ཡུམ་གྱི་མདུན་དུ་ལོག་པར་རེ

མ་ཡུམ་ལགས       གལ་ཏེ་ཁྱེད་ཀྱིས་རྨི་ལམ་ནས་ཤིན་ཏུ་ཆུང་བའི་
ཤོག་གྲུ་དཀར་ པོ་ཞིག་མཐོང་ན
ཁྱེད་རང་ཧང་སངས་མི་དགོས་ལ
རྨི་ལམ་ལ་བར་ཆད་ཀྱང་བཟོ་རུ་འཇུག་མི་ཉན
དེ་ནི་ཁྱེད་ཀྱིས་ཆེས་གཅེས་པའི་བུ་མོ་མིག་ཆུས་ལྟེབས་ཤིང
བརྩེ་བ་དང་སྡུག་བསྔལ་ཁུར་ནས་རི་ཆུ་སྟོང་ཕྲག་བརྒལ་ནས་འོང་བ་དེའོ
         ༼སྲིན་པོས་བསྒྱུར༽
 

རྩོམ་ཁུངས། ངེད་དྲ་བ།