སྔ་བསམ་ཕྱི་མནོ་དང་།།

རྗེས་ཡོང་སྔོན་དྲན་དགོས།།

སྔ་ལབ་མ་ཉུང་བ་དང་།།

ཕྱི་ལབ་མ་མང་བ་དགོས།།

སྔ་སྐྱེས་རྣ་མཆོག་དང་།།

ཕྱི་སྐྱེས་རྭ་ཅོ།།

སྔ་རྗེ་མ་སྤོངས།།

ཕྱི་རྗེ་མ་འཚོལ།།

སྔ་དྲོ་ལངས་པའི་སྔ་མ་དང་།།

ཕྱི་དྲོ་ཉལ་བའི་རྟིང་མ།།

སྔ་ཆར་མ་ཆད་པར་དགོང་ཆར་བབས།།

སྔ་མ་རྡབ་ཆག་ཤོར་སར།།

ཕྱི་མ་གད་མོ་མ་དགོད།།

སྔ་དྲོ་བླ་མ་ལས་དལ་བ།།

ཕྱི་དྲོ་ཉེ་གནས་ལས་བྲེལ་བ།།

སྔར་བསྲོས་པའི་ཉི་མར་དྲོད་མེད་ན།།

སླད་བསྲོ་རྒྱུའི་ཉི་མར་དྲོད་མི་ཡོང་།།

སྔར་ཐུག་ཆུ་མི་ཉན་པར།།

ད་ཇ་ཆུ་ཉན་གྱི་མ་རེད།།

སྔར་གྱི་ལམ་དང་།།

རྗེས་ཀྱི་ཤུལ།།

སྔར་བྱ་ཉལ་ས་ལ།།

ད་བྱིའུ་མི་ཉལ།།

སྔར་ཁྲལ་མར་ཁལ་ལས།།

ཕྱི་ཁྲལ་སྟེང་ཚྭ་ལྗི་བ།།

སྔར་དུག་སྦྲུལ་ནག་པོས་སྲོག་བཅད།།

ད་ཐི་གུ་ཁྲ་ཁྲར་ཡ་ང་།།

སྔར་གཏམ་གོག་པོས་འགྲམ་སོ་བཅག།

སྔར་བྱས་རྒྱབ་བསྐྱུར་དང་།།

ཕྱིན་ཆད་པང་ལེན།།

སྔོ་ཐམས་ཅད་ཟ་ཉན་དོགས་མེད།།

མི་ཐམས་ཅད་བློས་འགེལ་དོགས་མེད།།

སྔོན་ཆད་འདྲིས་པའི་གྲོགས་པོར་གཞུང་མ་བསྲངས་ན།།

ཕྱིན་ཆད་གྲོགས་པོ་བཙལ་ཀྱང་རྙེད་པར་དཀའ།།

སྔོན་ཆད་མེ་ལོང་བྱས་པས་ན།།

ཕྱིན་ཆད་ཅི་ཡོང་ཤེས་རྟོགས་ཐུབ།།

སྔོན་པོའི་གོས་ཆེན་ལ།།

དྲང་པོའི་ཐིག་རྒྱག་དགོས།།

སྔོན་ལ་བཏོན་ན་ཇུས་ཡིན།།

རྗེས་ལ་བཏོན་ན་འགྱོད་པ་ཡིན།།

སྔོན་པོའི་ཆུ་ལ་མེ་འབར།།

སེར་རོང་ལྕགས་ལ་འབུ་ཞུགས།།

དངོས་སུ་མཐོང་བའི་བྱ་བ་ཡང་།།

བདེན་པ་ཡིན་པའི་ངེས་པ་མེད།།

དངོས་གྲུབ་མེད་ཀྱང་།།

མཛོག་མགོ་གློད་རོགས།།

དངོས་ཟོག་ལེགས་ཉེས་བསྡུར་ན་ཤེས།།

བྲོ་བ་ལེགས་ཉེས་མྱངས་ན་ཤེས།།

དངོས་པོ་ཆེ་ན་སྡུག་བསྔལ་ཆེ།།

དངོས་པོ་ཆུང་ན་སྡུག་བསྔལ་ཆུང་།

རྩོམ་ཁུངས། བོད་ལྗོངས་མི་དམངས་དཔེ་སྐྲུན་ཁང་གིས་པར་དུ་བསྐྲུན་པའི