ལ་གཞས་མཐུན་པ་དྲུག་སྐོར་ལས། མཐུན་པའི་སྐོར།༨

 


༡༠༦
རྟ་འགོ་མའི་འགོ་མ་རྒྱུག་དུས་ན།།

སྒ་བེ་ཤིང་ཁོང་རྒྱུན་སྲ་དགོས།།

གཞུའི་ནང་ལུང་འབྲོང་རྭ་འབྲུག་རེད།།

དགྲ་ཐུབ་པའི་ཡིད་ཟོན་ཡོད་དགོས།།

 

རོགས་འགོ་མའི་འགོ་མ་རྩེ་དུས།།

ཚིག་བཙན་པོ་མནའ་ཡིས་གནོན་དགོས།།

གླིང་མི་ཁས་སྡེ་བར་འུར་ན།།

ཁྱིམ་ཆུང་མར་ཡིད་ཟོན་ཡོད་དགོས།།

 

༡༠༧སྟོད་བྲག་དམར་བྱ་ཚང་ནང་ལ།།

མདའ་འཕེན་ནི་ཅན་ཞིག་ང་མིན།།

ཐབས་མེད་ལ་འཕེན་དགོས་ཟེར་ན།།

་སྨྱུག་མ་སེར་བོའི་མདའ་དགོས།།

ཐང་དཀར་རྒོད་ཀྱི་སྒྲོ་དགོས།།

མདའ་མི་ཆག་ཁས་ལེན་བྱོས་དང་།།

མདའ་མཐེབ་ལ་ལེན་ན་ངས་འཕེན།།

 

ས་སྡེ་ཆེན་རྩེད་ར་ནང་ནས།།

རོགས་རྩེ་ནི་ཅན་ཞིག་ང་མིན།།

ཐབས་མེད་ལ་རྩེ་དགོས་ཟེར་ན།།

ངའི་ཡིད་ལ་འཛིན་རྒྱུའི་ཚིག་དགོས།།

འགྲོགས་རྔ་མ་སྐྱོང་རྒྱུའི་མནའ་དགོས།།

ཁྱིམ་བཟའ་བ་ཁས་ལེན་བྱོས་དང་།།

ཚིག་དོན་ཅན་བཤད་ལ་ང་རྩེ།།

 

༡༠༨རྨ་ཕ་རིའི་ཚྭ་མཚོའི་ཁ་ན།།

དུང་ལེན་རྒྱུ་མེད་ནི་མིན་མོད།།

ནུབ་ཕྱོགས་གཡུ་མཚོའི་ཁ་ཡི།།

དུང་གཡས་འཁྱིལ་ཞིག་ལ་དུངས་ནི།།

 

སྡེ་ཆེན་པོ་རངསྡེའི་གྲས་ན།།

ང་རྩེ་ས་མེད་ནི་མིན་མོད།།

ས་སྡེ་ཆེན་དཀྱིལ་གྱི་རོགས་ལོར།།

ཞེ་བསམ་པས་འགྲོགས་ན་འདོད་གི།

 

༡༠༩དགུང་སྔོན་པོ་ཐང་ཡངས་ཐང་རྒྱ་རེད།།

འབྲུག་ཕོ་ཆུང་ཁ་རྒྱལ་མགོ་རྒྱལ་ཡིན།།

ཆར་ཇི་ལྟར་འབེབ་ན་རང་ལག་ཡིན།།

 

ས་སྡེ་ཆེན་ཐང་ཡངས་ཐང་རྒྱ་རེད།།

རོགས་ངེད་ཚོ་ཁ་རྒྱལ་མགོ་རྒྱལ་ཡིན།།

རོགས་ཇི་ལྟར་རྩེ་ན་རང་ལག་ཡིན།།

 

༡༡༠ཁྱོད་མི་སྐྲག་རྒྱུ་ལ་སྐྲག་གོ་གི།།

ནག་མོ་ནོར་ལ་སྐྲག་གོ་གི།།

སྒོ་ཁའི་ཤོག་ལ་ཅི་སྐྲག་རྒྱུ།།

སྐྲག་ངོ་མ་བྲེ་སེར་འབྲོང་ལོ་རེད།།

ཁྱོད་མ་དགོས་ང་ཡང་འཇིགས་སྣང་སྐྱེ།།

 

ཁྱོད་མི་སྐྲག་རྒྱུ་ལ་སྐྲག་གོ་གི།།

ངའི་ཞེ་མཐུན་རོགས་ལོར་སྐྲག་གོ་གི།

མ་ཅོ་ཐོ་ཅན་ལ་ཅི་སྐྲག་རྒྱུ།།

སྐྲག་ངོ་མ་ཁྱོད་ཀྱི་རོགས་ལོ་རེད།།

ཁྱོད་མ་དགོས་ང་ཡང་འཇིགས་སྣང་སྐྱེ།།

 

༡༡༡རི་ལྷུན་པོའི་གཞི་བདག་ལྷ་རེད།།

ཆང་མཆོད་ལ་ངོ་སོ་བསྟོད་དང་།།

ཤྭ་གསོ་གི་གནང་བ་སྟེར་ར།།

 

མ་ངེད་ཚོའི་མགོ་བདག་མི་ཡིན།།

ཚིག་ཤོད་ལ་ངོ་དགའ་བྱོས་ལ།།

རོགས་རྩེ་བའི་གནང་བ་སྟེར་ར།།

 

༡༡༢ཁྱོས་བཤད་ནོ་གྲམ་པའི་ཆུ་རེད།།

ཆུ་རྡོ་སྲུབས་ཉུལ་གི་ཨེ་ཡོད།།

ངས་བཤད་ནོ་སྐྱི་བསེར་རླུང་ཡིན།།

རླུང་གཡུག་གི་མེད་ནོ་འདི་རེད།།

 

ཁྱོས་བཤད་ནོ་བྱི་ལི་ང་རེད།།

ཁྱོད་ཕྱི་བསྣུར་བྱེད་གི་ཨེ་ཡོད།།

ངས་བཤད་ནོ་བྱི་མོ་ཁྱོད་རེད།།

ཁྱོད་བསམ་ནས་བསྡད་ནོ་འདི་རེད།།

 

༡༡༣བོའུ་རྭ་རིང་མིག་དཀར་སོ་བ་ཅན།།

ཕྱི་མི་འགྱུར་ལྕགས་ནག་དགུ་རྡུང་ཡིན།།

ནང་མི་འགྱུར་མེ་ནག་དགུ་རྫོངས་ཡིན།།

དེ་ཡིན་ཀྱང་བོའུ་ལོ་འགྱུར་སོང་ན།།

བོའུ་འཁུར་བའི་སྔོན་ལས་མེད་ནི་རེད།།

 

ས་སྡེ་ཆེན་གྲོང་གི་རོགས་ལོ་ཁྱོད།།

ཕྱི་མི་འགྱུར་ཁ་ཚིག་ཁ་བརྡ་ཡིན།།

ནང་མི་འགྱུར་འུ་གཉིས་མནའ་ཚིག་ཡིན།།

དེ་ཡིན་ཀྱང་རོགས་ལོ་འགྱུར་སོང་ན།།

རོགས་རྩེ་བའི་སྔོན་ལས་མེད་ནི་རེད།།

 

༡༡༤ཁྱོད་ཁྲ་རིང་བོའུ་ལོ་ཟེར་བ།།

ངས་ཁྲ་ཡག་རྫ་ལ་ཐེངས་གསུམ་འཕེན།།

ཐེངས་གསུམ་པོར་འགྱུར་ལྡོག་མ་བྱུང་ན།།

ཁྱོད་གནམ་ལྕགས་ཐོག་གི་སྤྲུལ་བ་རེད།།

ངའི་དམར་ཆུང་སྲོག་གི་སྐྱ་ཡ་ཡིན།།

 

རོགས་ཆུང་ལོ་སྙིང་ལ་རྗེ་བོ།།

ཁ་མི་ཁའི་བར་ནས་ཚིག་གསུམ་བཤད།།

ཚིག་གསུམ་པོར་འགྱུར་ལྡོག་མ་བྱུང་ན།།

ཁྱོད་ཞེ་མཐུན་རོགས་ཤིག་ཡིན་ནི་རེད།།

ཚེ་གང་བོར་རང་གི་རྩེ་རོགས་བྱེད།།

 

༡༡༥ང་རྔོག་ཐོགས་ཐོར་མོ་ཟེར་བ།།

རྒྱུག་ཨེ་ཡོད་མི་ཡོད་འདོད་ན།།

སྟོད་སྤང་དཀར་ཀླད་ནས་ཐེངས་གསུམ་ཁྱེར།།

ཐེངས་གསུམ་ལ་འགྱུར་ལྡོག་མ་བྱུང་ན།།

ཁྱོའི་བློ་རྟ་མ་རེད་ཅི་ཞིག་རེད།།

 

ས་སྡེ་ཆེན་དཀྱིལ་གྱི་རོགས་ལོ།།

ཁྲེལ་ཨེ་ཡོད་མི་ཡོད་འདོད་ན།།

ཁ་མི་ཁའི་བར་ནས་ཐེངས་གསུམ་འགྲོག།

ཐེངས་གསུམ་ལ་འགྱུར་ལྡོག་མ་བྱུང་ན།།

ཁྱོའི་ཚེ་འགྲོག་མ་རེད་ཅི་ཞིག་རེད།།

 

༡༡༦ང་འདོ་སེང་གྲོ་རྒྱ་གཡུ་ལོ།།

རྟ་བཟང་ངན་བཤད་རྒྱུ་ཅི་ཡོད་མོད།།

ཤ་ངན་པར་ཁས་ཤིག་རྒྱག་ན་ཐང་།།

རྟ་ཨེ་ཉོ་མི་ཉོ་མེད་ན།།

དེའི་ས་ནས་ཁན་ཞིག་ངས་འཇོག།

 

ས་སྡེ་ཆེན་གྲོང་གི་རོགས་ལོ་ང་།།

བུ་ཞིག་ལ་བཤད་རྒྱུ་ཅི་ཡོད་མོད།།

ཡག་མེད་པར་ཁས་ཤིག་རྒྱག་ན་ཐང་།།

རོགས་ཨེ་རྩེ་མི་རྩེ་མེད་ན།།

དེའི་ས་ནས་ཁིས་ཤིག་འཁུར་དགོས།།

 

༡༡༧རྟ་སྤུ་ག་ཅན་ཞིག་ང་མིན།།

སྒ་གྲུ་བཞི་མ་ཞིག་སྟོད་ལ།།

ས་བྱང་ལམ་བསྐོར་ལ་རྒྱུགས་དང་།།

རྟ་བཟང་འདུག་དེ་ནས་ཤེས་རྒྱུ་རེད།།

 

རོགས་མོ་སྒོ་ཅན་ཞིག་ང་མིན།།

ཁ་དགོད་ལ་ཚིག་གསུམ་ཤོད་ལ།།

ངའི་ཕྱོགས་ལ་བློ་རྩེ་གཏོད་དང་།།

འགྲོགས་རྔ་མ་ཅན་ཞིག་ང་ཡིན།།

 

༡༡༨ཁྱོ་རྔོག་ཐོག་འདོ་བ་ཟེར་བ།།

ས་སྤང་དཀར་ཀླད་ལ་ཤོག་དང་།།

རྟ་མ་རྒྱུག་དུས་ན་ཁྱོད་ཡིན།།

སྒ་མ་བསྟན་དུས་ན་ང་ཡིན།།

 

ས་སྡེ་ཆེན་དཀྱིལ་གྱི་རོགས་ལོ།།

གྲོང་རྩེ་བའི་ཁྲོམ་ལ་ཤོག་དང་།།

རོགས་མ་རྩེ་དུས་ན་ཁྱོད་ཡིན།།

ཚིག་མ་བཤད་དུས་ན་ང་ཡིན།།

 

༡༡༩ང་དམར་བོ་མེ་ལྕེ་ཟེར་བ།།

མེ་ལ་འབར་ས་ཞིག་མེད་གི།

ཁྱོས་དལ་ཐལ་ཟེར་ནི་ཨེ་གོ།

ཁྱོར་དེ་འདྲའི་གོ་མྱོང་ཨེ་ཡོད།།

 

ང་ཕྱི་སྡེ་ཁ་འཁྱམ་བྱི་ལི།།

རོགས་མ་འགྲོགས་ས་ཞིག་མེད་གི།

རོགས་འགལ་ཐལ་ཟེར་ནི་ཨེ་གོ།

ཁྱོར་དེ་འདྲའི་གོ་མྱོང་ཨེ་ཡོད།།

 

༡༢༠ལྷ་མ་མཇལ་ལྷ་ཞིག་མེད་གི།

ལྷ་མ་མཇལ་ལྷ་ཕྲུག་ཁྱོད་རེད།།

གཅིག་མཇལ་སྡིག་སྒྲིབ་དག་དགོས།།

གཉིས་མཇལ་བར་ཆད་སེལ་དགོས།།

 

རོགས་མ་རྩེ་རོགས་ཤིག་མེད་གི།

རོགས་མ་རྩེ་བྱི་ལི་ཁྱོད་རེད།།

གཅིག་རྩེ་སྣང་བ་མཐུན་དགོས།།

གཉིས་རྩེ་རྔ་མ་སྐྱོང་དགོས།།

 

རྩོམ་ཁུངས། མཚོ་སྔོན་མི་རིགས་དཔེ་སྐྲུན་ཁང་གིས་པར་དུ་བསྐྲུན་པའི

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ལ་གཞས་མཐུན་པ་དྲུག་སྐོར་ལས། མཐུན་པའི་སྐོར།༨

2009-05-19 བོད་མི་དམངས། ཀློག་གྲངས། མཆན ཡོད།

 


༡༠༦
རྟ་འགོ་མའི་འགོ་མ་རྒྱུག་དུས་ན།།

སྒ་བེ་ཤིང་ཁོང་རྒྱུན་སྲ་དགོས།།

གཞུའི་ནང་ལུང་འབྲོང་རྭ་འབྲུག་རེད།།

དགྲ་ཐུབ་པའི་ཡིད་ཟོན་ཡོད་དགོས།།

 

རོགས་འགོ་མའི་འགོ་མ་རྩེ་དུས།།

ཚིག་བཙན་པོ་མནའ་ཡིས་གནོན་དགོས།།

གླིང་མི་ཁས་སྡེ་བར་འུར་ན།།

ཁྱིམ་ཆུང་མར་ཡིད་ཟོན་ཡོད་དགོས།།

 

༡༠༧སྟོད་བྲག་དམར་བྱ་ཚང་ནང་ལ།།

མདའ་འཕེན་ནི་ཅན་ཞིག་ང་མིན།།

ཐབས་མེད་ལ་འཕེན་དགོས་ཟེར་ན།།

་སྨྱུག་མ་སེར་བོའི་མདའ་དགོས།།

ཐང་དཀར་རྒོད་ཀྱི་སྒྲོ་དགོས།།

མདའ་མི་ཆག་ཁས་ལེན་བྱོས་དང་།།

མདའ་མཐེབ་ལ་ལེན་ན་ངས་འཕེན།།

 

ས་སྡེ་ཆེན་རྩེད་ར་ནང་ནས།།

རོགས་རྩེ་ནི་ཅན་ཞིག་ང་མིན།།

ཐབས་མེད་ལ་རྩེ་དགོས་ཟེར་ན།།

ངའི་ཡིད་ལ་འཛིན་རྒྱུའི་ཚིག་དགོས།།

འགྲོགས་རྔ་མ་སྐྱོང་རྒྱུའི་མནའ་དགོས།།

ཁྱིམ་བཟའ་བ་ཁས་ལེན་བྱོས་དང་།།

ཚིག་དོན་ཅན་བཤད་ལ་ང་རྩེ།།

 

༡༠༨རྨ་ཕ་རིའི་ཚྭ་མཚོའི་ཁ་ན།།

དུང་ལེན་རྒྱུ་མེད་ནི་མིན་མོད།།

ནུབ་ཕྱོགས་གཡུ་མཚོའི་ཁ་ཡི།།

དུང་གཡས་འཁྱིལ་ཞིག་ལ་དུངས་ནི།།

 

སྡེ་ཆེན་པོ་རངསྡེའི་གྲས་ན།།

ང་རྩེ་ས་མེད་ནི་མིན་མོད།།

ས་སྡེ་ཆེན་དཀྱིལ་གྱི་རོགས་ལོར།།

ཞེ་བསམ་པས་འགྲོགས་ན་འདོད་གི།

 

༡༠༩དགུང་སྔོན་པོ་ཐང་ཡངས་ཐང་རྒྱ་རེད།།

འབྲུག་ཕོ་ཆུང་ཁ་རྒྱལ་མགོ་རྒྱལ་ཡིན།།

ཆར་ཇི་ལྟར་འབེབ་ན་རང་ལག་ཡིན།།

 

ས་སྡེ་ཆེན་ཐང་ཡངས་ཐང་རྒྱ་རེད།།

རོགས་ངེད་ཚོ་ཁ་རྒྱལ་མགོ་རྒྱལ་ཡིན།།

རོགས་ཇི་ལྟར་རྩེ་ན་རང་ལག་ཡིན།།

 

༡༡༠ཁྱོད་མི་སྐྲག་རྒྱུ་ལ་སྐྲག་གོ་གི།།

ནག་མོ་ནོར་ལ་སྐྲག་གོ་གི།།

སྒོ་ཁའི་ཤོག་ལ་ཅི་སྐྲག་རྒྱུ།།

སྐྲག་ངོ་མ་བྲེ་སེར་འབྲོང་ལོ་རེད།།

ཁྱོད་མ་དགོས་ང་ཡང་འཇིགས་སྣང་སྐྱེ།།

 

ཁྱོད་མི་སྐྲག་རྒྱུ་ལ་སྐྲག་གོ་གི།།

ངའི་ཞེ་མཐུན་རོགས་ལོར་སྐྲག་གོ་གི།

མ་ཅོ་ཐོ་ཅན་ལ་ཅི་སྐྲག་རྒྱུ།།

སྐྲག་ངོ་མ་ཁྱོད་ཀྱི་རོགས་ལོ་རེད།།

ཁྱོད་མ་དགོས་ང་ཡང་འཇིགས་སྣང་སྐྱེ།།

 

༡༡༡རི་ལྷུན་པོའི་གཞི་བདག་ལྷ་རེད།།

ཆང་མཆོད་ལ་ངོ་སོ་བསྟོད་དང་།།

ཤྭ་གསོ་གི་གནང་བ་སྟེར་ར།།

 

མ་ངེད་ཚོའི་མགོ་བདག་མི་ཡིན།།

ཚིག་ཤོད་ལ་ངོ་དགའ་བྱོས་ལ།།

རོགས་རྩེ་བའི་གནང་བ་སྟེར་ར།།

 

༡༡༢ཁྱོས་བཤད་ནོ་གྲམ་པའི་ཆུ་རེད།།

ཆུ་རྡོ་སྲུབས་ཉུལ་གི་ཨེ་ཡོད།།

ངས་བཤད་ནོ་སྐྱི་བསེར་རླུང་ཡིན།།

རླུང་གཡུག་གི་མེད་ནོ་འདི་རེད།།

 

ཁྱོས་བཤད་ནོ་བྱི་ལི་ང་རེད།།

ཁྱོད་ཕྱི་བསྣུར་བྱེད་གི་ཨེ་ཡོད།།

ངས་བཤད་ནོ་བྱི་མོ་ཁྱོད་རེད།།

ཁྱོད་བསམ་ནས་བསྡད་ནོ་འདི་རེད།།

 

༡༡༣བོའུ་རྭ་རིང་མིག་དཀར་སོ་བ་ཅན།།

ཕྱི་མི་འགྱུར་ལྕགས་ནག་དགུ་རྡུང་ཡིན།།

ནང་མི་འགྱུར་མེ་ནག་དགུ་རྫོངས་ཡིན།།

དེ་ཡིན་ཀྱང་བོའུ་ལོ་འགྱུར་སོང་ན།།

བོའུ་འཁུར་བའི་སྔོན་ལས་མེད་ནི་རེད།།

 

ས་སྡེ་ཆེན་གྲོང་གི་རོགས་ལོ་ཁྱོད།།

ཕྱི་མི་འགྱུར་ཁ་ཚིག་ཁ་བརྡ་ཡིན།།

ནང་མི་འགྱུར་འུ་གཉིས་མནའ་ཚིག་ཡིན།།

དེ་ཡིན་ཀྱང་རོགས་ལོ་འགྱུར་སོང་ན།།

རོགས་རྩེ་བའི་སྔོན་ལས་མེད་ནི་རེད།།

 

༡༡༤ཁྱོད་ཁྲ་རིང་བོའུ་ལོ་ཟེར་བ།།

ངས་ཁྲ་ཡག་རྫ་ལ་ཐེངས་གསུམ་འཕེན།།

ཐེངས་གསུམ་པོར་འགྱུར་ལྡོག་མ་བྱུང་ན།།

ཁྱོད་གནམ་ལྕགས་ཐོག་གི་སྤྲུལ་བ་རེད།།

ངའི་དམར་ཆུང་སྲོག་གི་སྐྱ་ཡ་ཡིན།།

 

རོགས་ཆུང་ལོ་སྙིང་ལ་རྗེ་བོ།།

ཁ་མི་ཁའི་བར་ནས་ཚིག་གསུམ་བཤད།།

ཚིག་གསུམ་པོར་འགྱུར་ལྡོག་མ་བྱུང་ན།།

ཁྱོད་ཞེ་མཐུན་རོགས་ཤིག་ཡིན་ནི་རེད།།

ཚེ་གང་བོར་རང་གི་རྩེ་རོགས་བྱེད།།

 

༡༡༥ང་རྔོག་ཐོགས་ཐོར་མོ་ཟེར་བ།།

རྒྱུག་ཨེ་ཡོད་མི་ཡོད་འདོད་ན།།

སྟོད་སྤང་དཀར་ཀླད་ནས་ཐེངས་གསུམ་ཁྱེར།།

ཐེངས་གསུམ་ལ་འགྱུར་ལྡོག་མ་བྱུང་ན།།

ཁྱོའི་བློ་རྟ་མ་རེད་ཅི་ཞིག་རེད།།

 

ས་སྡེ་ཆེན་དཀྱིལ་གྱི་རོགས་ལོ།།

ཁྲེལ་ཨེ་ཡོད་མི་ཡོད་འདོད་ན།།

ཁ་མི་ཁའི་བར་ནས་ཐེངས་གསུམ་འགྲོག།

ཐེངས་གསུམ་ལ་འགྱུར་ལྡོག་མ་བྱུང་ན།།

ཁྱོའི་ཚེ་འགྲོག་མ་རེད་ཅི་ཞིག་རེད།།

 

༡༡༦ང་འདོ་སེང་གྲོ་རྒྱ་གཡུ་ལོ།།

རྟ་བཟང་ངན་བཤད་རྒྱུ་ཅི་ཡོད་མོད།།

ཤ་ངན་པར་ཁས་ཤིག་རྒྱག་ན་ཐང་།།

རྟ་ཨེ་ཉོ་མི་ཉོ་མེད་ན།།

དེའི་ས་ནས་ཁན་ཞིག་ངས་འཇོག།

 

ས་སྡེ་ཆེན་གྲོང་གི་རོགས་ལོ་ང་།།

བུ་ཞིག་ལ་བཤད་རྒྱུ་ཅི་ཡོད་མོད།།

ཡག་མེད་པར་ཁས་ཤིག་རྒྱག་ན་ཐང་།།

རོགས་ཨེ་རྩེ་མི་རྩེ་མེད་ན།།

དེའི་ས་ནས་ཁིས་ཤིག་འཁུར་དགོས།།

 

༡༡༧རྟ་སྤུ་ག་ཅན་ཞིག་ང་མིན།།

སྒ་གྲུ་བཞི་མ་ཞིག་སྟོད་ལ།།

ས་བྱང་ལམ་བསྐོར་ལ་རྒྱུགས་དང་།།

རྟ་བཟང་འདུག་དེ་ནས་ཤེས་རྒྱུ་རེད།།

 

རོགས་མོ་སྒོ་ཅན་ཞིག་ང་མིན།།

ཁ་དགོད་ལ་ཚིག་གསུམ་ཤོད་ལ།།

ངའི་ཕྱོགས་ལ་བློ་རྩེ་གཏོད་དང་།།

འགྲོགས་རྔ་མ་ཅན་ཞིག་ང་ཡིན།།

 

༡༡༨ཁྱོ་རྔོག་ཐོག་འདོ་བ་ཟེར་བ།།

ས་སྤང་དཀར་ཀླད་ལ་ཤོག་དང་།།

རྟ་མ་རྒྱུག་དུས་ན་ཁྱོད་ཡིན།།

སྒ་མ་བསྟན་དུས་ན་ང་ཡིན།།

 

ས་སྡེ་ཆེན་དཀྱིལ་གྱི་རོགས་ལོ།།

གྲོང་རྩེ་བའི་ཁྲོམ་ལ་ཤོག་དང་།།

རོགས་མ་རྩེ་དུས་ན་ཁྱོད་ཡིན།།

ཚིག་མ་བཤད་དུས་ན་ང་ཡིན།།

 

༡༡༩ང་དམར་བོ་མེ་ལྕེ་ཟེར་བ།།

མེ་ལ་འབར་ས་ཞིག་མེད་གི།

ཁྱོས་དལ་ཐལ་ཟེར་ནི་ཨེ་གོ།

ཁྱོར་དེ་འདྲའི་གོ་མྱོང་ཨེ་ཡོད།།

 

ང་ཕྱི་སྡེ་ཁ་འཁྱམ་བྱི་ལི།།

རོགས་མ་འགྲོགས་ས་ཞིག་མེད་གི།

རོགས་འགལ་ཐལ་ཟེར་ནི་ཨེ་གོ།

ཁྱོར་དེ་འདྲའི་གོ་མྱོང་ཨེ་ཡོད།།

 

༡༢༠ལྷ་མ་མཇལ་ལྷ་ཞིག་མེད་གི།

ལྷ་མ་མཇལ་ལྷ་ཕྲུག་ཁྱོད་རེད།།

གཅིག་མཇལ་སྡིག་སྒྲིབ་དག་དགོས།།

གཉིས་མཇལ་བར་ཆད་སེལ་དགོས།།

 

རོགས་མ་རྩེ་རོགས་ཤིག་མེད་གི།

རོགས་མ་རྩེ་བྱི་ལི་ཁྱོད་རེད།།

གཅིག་རྩེ་སྣང་བ་མཐུན་དགོས།།

གཉིས་རྩེ་རྔ་མ་སྐྱོང་དགོས།།

 

རྩོམ་ཁུངས། མཚོ་སྔོན་མི་རིགས་དཔེ་སྐྲུན་ཁང་གིས་པར་དུ་བསྐྲུན་པའི

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།