《ང་རོ》ལོ་དེབ་ཏུ་རྩོམ་ཡིག་བསྡུ་བའི་གསལ་བརྡ།
རྒྱ་ཆེའི་སྨྱུག་ཐོགས་པ་རྣམ་པ་ལགས།
༼ང་རོ༽ནི་ཀྲུང་དབྱང་མི་རིགས་སློབ་གྲྭ་ཆེན་མོའི་བོད་རིག་པ་ཞིབ་འཇུག་སློབ་གླིང་གི་སྐད་བརྡ་དང་རྩོམ་རིག་ཆེད་ལས་ཀྱི་ཞིབ་འཇུག་སློབ་མས་གཙོ་གཉེར་བྱེད་བཞིན་པའི་སྤྱི་ཚོགས་གླེང་བརྗོད་ཐད་ཀྱི་ལོ་དེབ་ཅིག་ཡིན། ནང་དོན་ལ་བོད་ཀྱི་སྐད་ཡིག་དང་རྩོམ་རིག ལོ་རྒྱུས། ནང་བསྟན། སློབ་གསོ། བཅར་འདྲི། སྐྱེ་ཁམས་སོགས་གནད་དུ་བཟུང་བའི་གནའ་དེང་སྤྱི་ཚོགས་སུ་བྱུང་དང་འབྱུང་བཞིན་པའི་དངོས་ཡོད་གནད་དོན་གང་རུང་ཡིན་ཆོག ༼ང་རོ༽དེབ་གསུམ་པ་བཀྲམ་རྗེས་སྤྱི་ཚོགས་སུ་གདེང་འཇོག་ཅུང་ལེགས་པོ་ཐོབ་ལ། ད་ལོ་ཡང་མུ་མཐུད་དུ་དེབ་བཞི་པ་པར་དུ་བསྐྲུན་རྒྱུ་ཡིན་པས་རྒྱ་ཆེའི་སྨྱུག་ཐོགས་པ་ཀུན་གྱིས་རང་རང་གི་དགའ་ཁ་འཁྱེར་སོ་ལྟར་སྤྱི་ཚོགས་གླེང་བརྗོད་སྐོར་གྱི་ལྗགས་རྩོམ་སྣ་ཚོགས་ཤིག་བསྐུར་གནང་ཡོང་རྒྱུ་མཁྱེན་མཁྱེན།
གཞན་ད་ལོའི་དེབ་འདིར༼བོན་དང་བོད༽ཅེས་པའི་ཁ་བྱང་གཅིག་པའི་རྩོམ་ཡིག་ལེ་ཚན་ཞིག་ཀྱང་བཀོད་སྒྲིག་བྱ་བརྩི་ཡིན་པས་མོས་པ་ཡོད་པའི་སྨྱུག་ཐོགས་པ་དག་རྩོམ་འབྲིའི་བྱ་འགུལ་འདིར་ཞུགས་པར་དགའ་བསུ་ཞུ།
_________________
༡ རྩོམ་བསྡུའི་དུས་ཡུན། 2009ལོའི་སྤྱི་ཟླ9པའི་ཚེས10ལ་རྩོམ་བསྡུ་མཚམས་འཇོག་རྒྱུ་ཡིན།
༢ ས་གནས། 北京市海淀区中央民族大学藏学院08级研究生班
གློག་རྡུལ་ཡིག་སྒམ། ngaro2006@yahoo.com.cn(ཡིག་གཟུགས་གང་རུང་ཡིན་ཆོག)
༣ འབྲེལ་གཏུག་བྱེད་ཡུལ། པདྨ་རིག་འཛིན། བཀྲ་ཤིས་དཔལ་ལྡན། 13146061595
༼ང་རོ༽རྩོམ་སྒྲིག་ཚན་ཆུང་གིས་ཕུལ།
རྩོམ་ཁུངས། རྩོམ་སྒྲིག་ཁང་།