༄༅། །རྒྱ་ཆེ་བའི་ཁྱིམ་བདག་དང་སྙིང་ཉེ་བའི་སློབ་གྲོགས་རྣམ་པ།
   ཉེ་ལམ་མི་ལོ་བཅུ་གཉིས་རིང་དུ་སློབ་ཆུང་བོད་སྐད་ཡིག་གི་འཆད་སྟེགས་སུ་བརྩོན་འགྲུས་ཀྱི་གོམ་ཁ་ལྷོད་མ་མྱོང་མཁན་དགེ་རྒན་བྱ་གཞུང་དབང་ཆེན་ཚེ་རིང་ལགས་ནས་གསར་དུ་བསྒྲིགས་པའི་སློབ་ཆུང་བོད་སྐད་ཡིག་གི་བསྐྱར་སྦྱང་ཀུན་འདུས་ཞེས་པའི་དཔེ་དེབ་ཅིག་རྩོམ་སྒྲིག་གནང་འདུག་ཅིང་། དེབ་འདི་བྱུང་ཚུན་དུ་མཚོ་ལྷོ་ས་ཁུལ་གྱི་ཀོས་ནན་དང་། ཐུན་ཏེ། ཞིན་ཧེ། ཁྲི་ཀ་བཅས་ཀྱི་སློབ་གྲྭ་ཆུང་འབྲིང་གི་དགེ་སློབ་རྣམས་ཀྱི་དགའ་བསུ་མི་དམན་པ་ཐོབ་ལ། དེའི་ཁྱད་ཆོས་གཙོ་བོ་ནི།
༡ སློབ་ཚན300 ལྷག་ལས་བྱུང་བའི་དྲི་བ་དྲིས་ལན1145ཡིས་སློབ་ཆུང་ལོ་རིམ་དང་པོ་ནས་དྲུག་པའི་བར་གྱི་སློབ་ཚན་རེ་རེའི་ནང་དོན་མ་ལུས་དབྱེ་ཞིབ་བྱས་ཡོད་པས། དགེ་སློབ་ཀུན་ལ་ཕན་ཐོགས་ཆེ།
༢ ཐ་སྙད་དཀའ་འགྲེལ720 དང་དཔེ་ཆོས་དཀའ་འགྲེལ67 མངོན་བརྗོད་དཀའ་འགྲེལ74 ལྷག་གིས་བོད་ཡིག་ཐོག་མར་སྦྱང་མཁན་དག་ལ་ཕན་ཡོན་བསྐྲུན་ཡོད།
༣  བོད་ཀྱི་རྒྱལ་རབས་རིམ་བྱོན་སོགས་ཀྱིས་གཙོས་པའི་བོད་ཀྱི་ལོ་རྒྱུས་ཤེས་བྱ་དང་། མི་སྣ་འོས་སྦྱོར། གཏམ་དཔེ། རྟ་བཤད། རིགས་རུས་ཆོ་འབྲང་། ཕྱུགས་ཟོག་གི་མིང་གི་འདོགས་སྟངས། ཁེད་བཅས་བཀོད་པ་དེས་སློབ་མ་ལས་གཞན་བོད་རང་གི་རིག་གནས་ལ་དུང་བ་ཟབ་པའི་ཁྱིམ་བདག་དག་ལའང་ཕན་ཐོགས་ཆེ།
༤ ཉེར་མཁོ་ཐ་སྙད་སྐད་གཉིས་ཤན་སྦྱར334 ལྷག་གིས་བོད་སྐད་དག་མ་བཤད་པར་མཐུན་རྐྱེན་བསྐྲུན་ཡོད།
༥   ཉེར་སྤྱོད་ཡིག་རིགས་འབྲི་དཔེ་སྟེ། བརྡ་སྦྱོར་དང་། གཡོར་ཡིག གནང་ཞུ་ཡི་གེ འཕྲིན་ཡིག་བཅས་ཀྱི་འབྲི་དཔེས་སློབ་མའི་རྩོམ་ཡིག་འབྲི་བར་རྨང་གཞི་བཏིང་ཡོད།
  མདོར་ན། ད་ལྟའི་སློབ་ཆུང་གི་དགེ་རྒན་དང་སློབ་མ། སྡེ་བའི་ན་གཞོན། སློབ་མའི་ཁྱིམ་བདག དགོན་པའི་བན་ཆུང་དག་ལ་མཁོ་གལ་ཆེ་བ་མ་ཟད། བོད་སྐད་ཡིག་གི་རྨང་གཞི་ཞན་པའི་སློབ་འབྲིང་གི་སློབ་མ་དང་རྒྱ་ཡིག་སློབ་གྲྭ་འགྲིམ་པའི་བོད་ཕྲུག  མདོར་ན་བོད་སྐད་ཡིག་གི་ཆུ་ཚད་སློབ་ཆུང་ཙམ་ཡིན་མཁན་སུ་ལའང་མཁོ་གལ་ཤིན་ཏུ་ཆེ། 
དཔེ་དེབ་ད་ལྟ་བཙོང་བཞིན་པའི་སྒང་ཡིན་པས། མཁོ་མི་བྱུང་ན་ཁ་པར 15597352119 ལ་བསྐོར།
 

རྩོམ་ཁུངས། ངེད་དྲ་བ།