༢༠༡༡ལོའི་སྤྱི་ཟླ་༦པའི་ཚེས་༡༨ཉིན་མཚོ་སྔོན་པོའི་མཚོ་ཁ་ནས་ཐོ་འགོད་བྱ་རྒྱུ།
དགོང་མོ་ཚོགས་མི་དག་གིས་རང་འདོད་ལྟར་བགྲོ་གླེང་བྱ་བ།
ཟླ་༦པའི་ཚེས་༡༩ཉིན་གྱི་སྔ་དྲོ་དངོས་གཞིའི་ཚོགས་འདུ་ཚོགས་པ།
དང་པོ།
མི་རབས་གསུམ་པའི་སོང་ཚར་བའི་ན་སོ་དྲུག་ཅན་གྱི་ལོ་རྒྱུས་ལ་ཕྱིར་དྲན་དང་སྤྱི་བསྡོམས་བྱེད་པ།
གཉིས་པ།
མི་རབས་གསུམ་པའི་ཚགས་དེབ་གཉིས་འགྲེམས་སྤེལ་བྱེད་པའི་མཛད་སྒོ་བསྡུ་རྒྱུ་དང་།   མིག་སྔའི་ཡིག་ཐོག་རྩོམ་ཡིག་གི་སྣང་ཚུལ་སྐོར་ལ་བགྲོ་གླེང་བྱ་རྒྱུ། 
གསུམ་པ། 
མི་རབས་གསུམ་པའི་རྐང་འཛིན་དྲ་བ་མཆོད་མེ་དྲ་བ་དང་དགེ་ཆོས་དྲ་བ་གཉིས་ལས་འཕྲོས་ཏེ་ད་ལྟའི་དྲ་བའི་རིག་གནས་ཀྱི་སྣང་ཚུལ་དང་འབྲེལ་བོད་ཀྱི་དྲ་ཐོག་རྩོམ་རིག་དང་སྙན་ངག་སྐོར་ལ་བགྲོ་གླེང་བྱེད་པ།
བཞི་བ།
 སྙན་ངག་གྱེར་འདོན།   ཚོགས་མི་རང་རང་གི་ཚབ་མཚོན་བརྩམས་ཆོས་སམ་རྩོམ་སྟེགས་སྟེང་གླེང་གཞི་ཆེ་བའི་སྙན་ངག་བརྩམས་ཆོས་ཤིག
ཕྱི་དྲོའི་འདུ་ཚོགས། 
དང་པོ།  
ལོ་ངོ་སུམ་ཅུའི་བོད་ཀྱི་སྙན་ངག་གསར་བའི་འཕེལ་རྒྱས་དང་འབྲེལ་སྙན་ངག་པ་རྒན་གྲས་འགའ་ཞིག་གི་སྙན་ངག་བརྩམས་ཆོས་སྐོར་ལ་ཞིབ་འཇུག་གིས་དེ་དག་གི་དགེ་སྐྱོན་སྐོར་གླེང་བ།
སྙན་ངག་བརྩམས་ཆོས།
ལྗང་བུའི༼གངས་དཀར་ལྷ་མོའི་བསླུ་བྲིད་ཀྱི་དབང་གིས༽
འཇུ་སྐལ་བཟང་གི༼དགེ་འདུན་ཆོས་འཕེལ༽
གཅན་མེ་སྟག་གི༼ཉི་ཟླ་རི་བོའི་སྙན་ཚིག༽
དཔའ་རྩེ་ཡི༼གནའ་བོའི་ཅོང་རྙིང༽
འབྲོང་གི༼ཆུང་མ་གཉིད་ཟིན།  ངས་སྙན་ངག་འབྲི་བཞིན་ཡོད༽
བྱ་གཞུང་དབྱངས་བྷའི་ལྷུག་རྩོམ་སྙན་ངག༼སྦྲ་ནག ཁེར་རྐྱང་གི་གཏམ་རྒྱུད་སྨུག་པོ༽སོགས།
གཉིས་པ། 
མི་རབས་གསུམ་པ་ཚུགས་ཚུན་གྱི་བོད་ཀྱི་སྙན་ངག་གསར་བའི་འཕེལ་རྒྱས་སྐོར་ལ་བགྲོ་གླེང་གིས་སྙན་ངག་རིང་མོ་འགའ་ཞིག་གི་དགེ་སྐྱོན་སྐོར་གླེང་བ།
སྙན་ངག་བརྩམས་ཆོས།
སྐྱབས་ཆེན་བདེ་གྲོལ་གྱི་༼འཇིག་ཉེན་གྱི་ཚོར་བ་ཐོག་མ༽
གཉན་གྱི་༼ལག་རྩལ༽
མདའ་བཙན་པོའི་༼དབུས་ལ་སོང་བའི་སྒྲུང༽
རེ་རྐང་གླིང་གི་༼སྨད་འཚོང་མ་སངས་རྒྱས་སྒྲོལ་མར་ཕུལ་བ༽
ཁྲི་སེམས་དཔའི་༼ཉི་འོད་ལམ་ལམ་ཁྲོད་ཀྱི་ལྷ་ས།  ཟླ་འོད་བསིལ་བསིལ་ཁྲོད་ཀྱི་ལྷ་ས༽
ངལ་རྫིའི་༼འདོད་ཁམས༽སོགས།
གསུམ་པ།
སྐྱབས་ཆེན་བདེ་གྲོལ་དང་མདའ་བཙན་པོ། མར་ཁུ་རྒྱལ་མཚན་གསུམ་གྱི་སྙན་ངག་སྐོར་གྱི་མི་སྒེར་བགྲོ་གླེང་ཚོགས་འདུ།
སྐྱབས་ཆེན་བདེ་གྲོལ།༼ང་གང་ན་ཡོད་པ་རེད༽
མདའ་བཙན་པོ། ༼ཁང་བ་འདིའི་ནང་དུ༽
མར་ཁུ་རྒྱལ་མཚན།༼བཤད་བཏང་ན་ཚང་མ་མིག་ཆུ་རེད༽
བཞི་བ།  མི་རབས་གསུམ་པའི་མ་འོངས་འཆར་གཞི་དང་འཕེལ་རྒྱས་ཀྱི་སྐོར་ལ་བགྲོ་གླེང་བྱེད་པ།
ལྔ་བ།     དངོས་ཞུས་གློག་བརྙན་སྐོར་གྱི་བཅར་འདྲི།
དགོང་མོ།   ཆང་སྟོན།
ཟླ་༦པའི་ཚེས་༢༠ཉིན་གྱི་སྔ་དྲོ་མཚོ་ཁའི་སྤྲོ་གསེང་།  སྙན་ངག་གྱེར་འདོན་བྱེད་པ་དང་གླུ་ལེན་པ་སོགས། 
ཕྱི་དྲོ།   འདུ་ཚོགས་གྲོལ་བ།  ཕྱིར་ལམ་དུ་ཞུགས་པ།
 

རྩོམ་ཁུངས། ངེད་དྲ་བ།