སྤྱི་ལོ2011ལོའི་ཟླ6པའི་ཚེས5སྟེ་འཛམ་གླིང་ཁོར་ཡུག་གི་ཉིན་མོར་རྒྱལ་ས་པེ་ཅིན་གྲོང་ཁྱེར་དུ་ཨ་རི་དང་ཀྲུང་གོ་རྒྱལ་ཁབ་གཉིས་ཀྱི་ཚོགས་པ་གཉིས་ཀྱིས་མཉམ་བསྒྲུབསSEE﹒TNCསྐྱེ་ཁམས་བྱ་དགའ་ཞེས་པའི་འགྲན་ཚོགས་ཤིག་བསྡུས། འགྲན་བསྡུར་གྱི་ཁ་གཏད་ཡུལ་གཙོ་བོ་ནི་མིག་སྔར་བསྒྲུབས་ཟིན་པའི་ཁོར་ཡུག་སྲུང་སྐྱོབ་ཀྱི་བྱ་བའི་རྣམ་གྲངས་དང་གྲུབ་འབྲས། ཁོར་ཡུག་སྲུང་སྐྱོབ་དགོས་པའི་དམིགས་ཡུལ་དང་ཁོར་ཡུག་ལ་བཟུང་བའི་ནང་བསམ་བློའི་འདུ་ཤེས་རྒྱུས་ལོན་ཐད་ནས་ཡིན་འདུག་ལ།
   བྱ་དགའ་འགྲན་རྩོད་ཀྱི་ཚོགས་ཞུགས་པ་རྒྱལ་ནང་གི་མི་རིགས་ཁག་གི་ཚོགས་པ་དང་མི་སྒེར་ཁྱོན་༢༨༠ལྷག་གིས་གྲུབ་ཡོད་པ་དང་།ཆེད་མཁས་དཔྱད་འདེམས་པ་དག་གིས་རིམ་པ་ལྟར་རྟིང་རྩོད་པ་ཚོགས་པ་དང་མི་སྒེར(28)བཀར་བའི་ཁྲོད་ནས་མི་སྒེར(12)དང་ཚོགས་པ(2)བཅས་ཁྱོན(14)ལ་རིམ་པ་ལྟར་བྱ་དགའ་དངོས་སུ་ཐོབ་པ་དང་། དཔྱད་འདེམས་པ་དག་གིས་དགའ་བསུ་སྐར་གྲངས་ཆེས་མཐོ་བ་ནི་གཉན་པོ་གཡུ་རྩེའི་སྐྱེ་ཁམས་ཁོར་ཡུག་སྲུང་སྐྱོབ་ཚོགས་པར་ཐོབ།
 
ཐེངས་འདིའི་བྱ་དགའི་རྟགས་མ་རྒྱལ་ཁའི་ངང་ལེན་མཁན་གཉན་ཚོགས་སྤྱི་ཚབ་པ་འཇུ་བཀྲ་ཤིས་བཟང་པོ།

གཉན་ཚོགས་ཀྱི་འཐུས་ཚབ་པ་མིང་སྲིང་གཉིས་ཀྱི་དཀའ་སྡུག་གི་བྱ་བའི་གྲུབ་འབྲས་ལོན་པའི་དྲན་རྟེན་པར།
བྱ་དགའ་དེ་གཉེར་མཁན་གྱི་རྒྱལ་ཁབ་ཀྱི་ཚོགས་པ་གཉིས་ལས་གཅིག་ནི་ TNCརང་བྱུང་ཁམས་སྲུང་སྐྱོབ་མཐུན་ཚོགས་ཡིན། དེ་ཉིད་སྤྱི་ལོ་གཅིག་དགུ་ལྔ་གཅིག་ལོར་ཨ་རིའི་ཧྥོ་ཇུས་ནུས་ཡ་ལྗོངས་སུ་དངོས་སུ་དབུ་ཚུགས་པའི་ཁོར་ཡུག་སྲུང་སྐྱོབ་ཀྱི་བྱ་དགའ་ཞིག་ཡིན་ལ། མིག་སྔར་ཨ་སྒོར་དུང་ཕྱུར(37)གྱི་མ་རྩ་དང་།ལོ་རེར་ཨ་སྒོར་དུང་ཕྱུར་བརྒྱད་ཀྱི་ཐེབས་རྩ་སྒྲུབ་ཐུབ་ཤིང་ཚོགས་མི་ཁྲི་ཕྲག་བརྒྱ་ཅན་གྱི་འཛམ་གླིང་སྟེང་ཆེས་ཆེ་བའི་སྲིད་གཞུང་མ་ཡིན་པའི་ཚོགས་པ་ཞིག་རེད། ཅིག་ཤོས་ཏེ་SEE(阿拉善)ཨ་ལ་ཧྲན་ཐེབས་རྩ་ཚོགས་པ་སྟེ་དེ་ཉིད་ཉིས་སྟོང་བརྒྱད་ལོར་ཀྲུང་གོའི་ཁེ་ལས་པས་གཙོ་སྒྲུབ་བྱས་པའི་ཚོགས་པ་ཞིག་ཡིན་ཞིང་། ཚོགས་པ་དབུ་ཚུགས་ནས་གྲུབ་འབྲས་ཆེད་ལས་ཀྱི་བྱ་བ་མི་ཉུང་བ་ཞིག་ལ་གྲུབ་འབྲས་མངོན་མྱོང་བའི་ཚོགས་པ་ཞིག་རེད་འདུག་གོ །  
 
 

རྩོམ་ཁུངས། སེང་རྡོར་དྲ་བ།