ཕྱི་ཟླ་༥བའི་ཚེས་༡༥ཉིན། རྒྱལ་ཁོངས་མེག་སི་ཁོ་ཡིན་པའི་རྩོམ་པ་པོ་གྲགས་ཅན་ཀར་ལོ་ཟི་ཧྥོ་ཨུན་ཐེལ་ཟི་མཆོག་(Carlos Fuentes)མེག་སི་ཁོ་གྲོང་གི་སྨན་ཁང་ཞིག་ནས་སྐུ་གཤེགས་འདུག ཁོང་ནི་སི་ཕེན་སྐད་ཀྱི་རྩོམ་སྟེགས་སུ་སྙན་གྲགས་ཤིན་ཏུ་ཆེ་བའི་ལྷུག་རྩོམ་པ་དང་བརྩམས་སྒྲུང་མཁན་ཞིག་ཡིན་པ་དང་། ཁོང་གི་བརྩམས་ཆོས་འཛམ་གླིང་གི་ཡིག་རིགས་སྣ་ཚོགས་སུ་བསྒྱུར་ཡོད་ཅིང་ལ་ཏེན་ཨ་རིའི་གླིང་གི་རྩོམ་རིག་ལ་ཤུགས་རྐྱེན་ཆེན་པོ་ཐེབས་ཡོད།
  ཁོང་སྐུ་གཤེགས་པ་དེ་ནི་མེག་སི་ཁོའི་རྒྱལ་ཁབ་ལ་མཚོན་ན་གྱོང་གུན་ཆེན་པོ་ཞིག་ཡིན་ཞེས་མེག་སི་ཁོའི་གཞུང་ཕྱོགས་ནས་འགྲེལ་བརྗོད་བྱས་འདུག

རྩོམ་ཁུངས། ངེད་དྲ་བ།