༄༅།།གྲོགས་པོ་རྣམ་པ།
  《ང་རོ》ཞེས་པའི་ལོ་དེབ་འདི་ནི་ཀྲུང་དབྱང་མི་རིགས་སློབ་ཆེན་བོད་རིག་པ་ཞིབ་འཇུག་གླིང་གི་ཞིབ་འཇུག་སློབ་མ་ཚོས་སྒྲིག་བཞིན་པའི་སྤྱི་ཚོགས་གླེང་བརྗོད་གཙོར་བྱས་པའི་ལྷུག་རྩོམ་དེབ་ཅིག་ཡིན། དེབ་འདི་ད་བར་དུ་ལོ་ལྔ་ལ་རྒྱུན་བསྐྱངས་ཤིང་། དེའི་རིང་བོད་ཡོངས་ཀྱི་མཁས་པ་དང་རྩོམ་པ་པོ་མང་པོས་ཐུགས་ཁུར་དང་རྒྱབ་སྐྱོར་གང་མང་གནང་བས། དེབ་ཀྱི་སྤུས་ཀ་དང་ནང་དོན་གང་ཐད་ནས་གྲ་རྒྱས་དང་ཕུན་སུམ་ཚོགས་སུ་ཕྱིན་ཡོད།
  ད་ལོ་ཡང་ཞིབ་འཇུག་སློབ་མ་ལོ་རིམ་གཉིས་པའི་སྐད་བརྡ་དང་རྩོམ་རིག་གི་ཆེད་ལས་པ་ཚོས་དང་དུ་བླངས་ནས་འདོན་ཐེངས་དྲུག་པ་པར་ཏུ་བསྐྲུན་པའི་སྟ་གོན་རྩོམ་བཞིན་ཡོད་ལ། སྔར་ལུགས་བཞིན་སྤྱི་ཚོགས་གླེང་བརྗོད་སྐོར་གྱི་རྩོམ་ཡིག་བོད་ཁུལ་ཡོངས་ནས་བསྡུ་རྒྱུ་ཡིན། གལ་ཏེ་སྐུ་ཉིད་ལ་འདིའི་སྐོར་གྱི་ཕྱག་རྩོམ་ལེགས་ཤོས་ཅི་རིགས་ཡོད་ན་ཕྱི་ལུགས་ཀྱི་ད་ལོའི་ཟླ་ལྔ་པའི་ཚེས་བཅོ་ལྔ་སྔོན་ལ་ངེད་རྩོམ་སྒྲིག་ཚོགས་པའི་ཆེད་བཀོལ་ཡིག་སྒམngaro2006@yahoo.com.cnལ་སྐུར་གནང་རོགས་དང་། ངེད་ཅག་གིས་རྗེས་མར་ཉིད་ལ་བཀའ་དྲིན་མཚོན་ཕྱིར་དེབ་སྤུས་ལེགས་རེ་ལེགས་སྐྱེས་སུ་ཕུལ་ཡོང་ངེས་ཡིན།
  ལྷད་མར་འབྲེལ་བ་བྱ་བདེ་བའི་ཕྱིར་ཏུ་སྐུ་ཉིད་ཀྱིས་ཕྱག་རྩོམ་མཇུག་ཏུ་མཚན་དངོས་དང་བཞུགས་གནས་ཁ་གསལ། ཞལ་པར་ཨང་གྲངས་བཅས་དགོད་རོགས། ཕྱག་རྩོམ་གྱི་ཡིག་གཟུགས་ཡག་ཤོས་བྱུང་ན་ཧི་མ་ལ་ཡ་བཀོལ་གནང་རོགས། དེ་མིན་ཐུགས་དོགས་ག་རེ་ཡོད་ན་བརྡ་ཐོ་འདིའི་གཤམ་ལ་འགོད་པའམ<<ང་རོ>>ཡི་ཆེད་བཀོལ་ཡིག་སྒམngaro2006@yahoo.com.cnལ་ཕྱག་འཕྲིན་སྐུར་གནང་རོགས།
        ༢༠༡༢ལོའི་ཟླ༣པའི་ཚེས༡༣ཉིན་ 《ང་རོ》རྩོམ་སྒྲིག་ཚོགས་པས་ཕུལ།

རྩོམ་ཁུངས། ངེད་དྲ་བ།