མཚོ་སྔོན་ཁྲི་ཤོར་རྒྱལ་མོའི་མཐའ་སྐོར་དུ་འདབ་ལག་རྒྱས་པའི་གསེར་ཆེན་རྫོང་མི་རིགས་སློབ་འབྲིང་གི་སློབ་མ་རྡོ་རྗེ་ཚེ་རིང་དང་རྡོ་རྗེ་དོན་འགྲུབ་གཉིས་ཀྱིས་རྩོམ་སྒྲིག་པའི་ངལ་བ་དང་དུ་བླངས་ཏེ། ལྷག་བསམ་རྣམ་དག་དང་བློ་བརྟན་འགྱུར་མེད་ཀྱིས<<རྭ་རྩེད>>ཅེས་པའི་དེབ་ཆུང་འདི་མེ་ཏོག་ཆུང་ཡང་ལྷ་རྫས་ཞེས་པའི་དཔེ་ལྟར། མི་འགྱང་བར་ཁ་བའི་ལྗོངས་ཀྱི་རིགས་མཐུན་སྤུན་གྲོགས་ཚོའི་སྤྱན་སྔར་ཕུལ་རྒྱུ་ཡིན་པས།
ཁྱེད་ཀློག་མཁན་རྣམས་ཀྱིས་རང་གི་ཕ་སྐད་ཀྱི་ལམ་ནས་རྩམ་དྲི་དང་མར་དྲི་མ་ཡལ་ལ། བྱམས་སེམས་དང་འཆམ་མཐུན་གྱིས་ཕྱུག་པའི་དེབ་ཆུང་འདིར་དགའ་གུས་དད་གསུམ་བྱས་ཏེ། མ་འོངས་པ་ན། དེབ་ཆུང་འདིའི་རྒྱུ་སྤུས་ཇེ་ལེགས་དང་ན་མཉམ་སྤུན་གྲོགས་ཡོངས་ཀྱི་རྩོམ་རྩལ་དང་རང་གི་རིག་གནས་ལ་དགའ་ཞེན་གྱི་འདུ་ཤེས་ཇེ་ཟབ་ཏུ་འགྲོ་ཐུབ་པར་སྨོན།
                                                                        ༢༠༡༣ལོའི་སྤྱི་ཟླ༣ཚེས་༡༤ཉིན།

རྩོམ་ཁུངས། ངེད་དྲ་བ།