མཚོ་སྔོན་པོ་བོད་ཡིག་དྲ་བའི་འཕྲིན། ཉེ་སྔོན། 2012ལོའི<<མི་རིགས་ཀྱི་རྩོམ་རིག>>བྱ་དགའི་མིང་ཐོ་ཁྱབ་སྒྲོག་བྱས་ཤིང་། མིང་གྲགས་ཅན་གྱི་དཔྱད་འཇོག་པ་དང་རྩོམ་སྒྲིག་པ། ཡིག་སྒྱུར་ཆེད་མཁས་སོགས་བསྡོམས་པས་མི24གདན་འདྲེན་ཞུས་ཏེ་དཔྱད་འདེམ་པའི་འགན་ཁུར་བ་དང་། དེ་ཡང་ཐོག་མའི་དཔྱད་འདེམ་དང་མཐའ་མའི་དཔྱད་འདེམ།  དེ་མིན་ཡིག་ཤོག་འཕེན་པ་བཅས་ཀྱི་རྣམ་པར་བརྒྱུད<<མི་རིགས་ཀྱི་རྩོམ་རིག>>གི་རྒྱ་ཡིག་དང་བོད་ཡིག  སོག་ཡིག དེ་མིན་ཡུ་གུར་སྐད་སོགས་པར་གཞི6གི་བརྩམས་ཆོས25བདམས་ཐོན་བྱུང་།
        དེའི་ཁྲོད་བོད་རིགས་རྩོམ་པ་པོ་ཉི་མ་ཕན་ཐོགས་ཀྱི་བརྩམས་སྒྲུང<<གཞིས་སྒར་སྡེ་བའི་གཡང་འཛོམས>>(རྒྱ་ཡིག)ཞེས་པ་དང་།  རྡོ་རྗེ་ཚེ་བརྟན་ནམ་རེ་རྐང་གླིང་གིས་བསྒྱུར་བའི་བརྩམས་སྒྲུང<<འཛམ་གླིང་ན་ཆེས་མཛེས་པའི་བེམ་པོ་ཞིག>>(རྒྱ་ཡིག་ནས་བོད་ཡིག་ཏུ་བསྒྱུར)། སྐྱབས་ཆེན་བདེ་གྲོལ་གྱིས་བསྒྱུར་བའི་ལྷུག་རྩོམ<<ས་འོག་གི་རྨི་ལམ>>(རྒྱ་ཡིག་ནས་བོད་ཡིག་ཏུ་བསྒྱུར)། ལྷ་བྱམས་རྒྱལ་གྱི་བརྩམས་སྒྲུང<<ལམ་གྱི་ཉི་འོད>>(བོད་ཡིག)བཅས་ཚུད་ཡོད་པ་རེད།
  <<མི་རིགས་ཀྱི་རྩོམ་རིག>>ནི་ཀྲུང་གོའི་རྩོམ་པ་པོ་མཐུན་ཚོགས་ཀྱིས་གཙོ་སྒྲུབ་བྱས་པ་ཡིན་ལ་བོད་ཡིག་གི་<<མི་རིགས་ཀྱི་རྩོམ་རིག>>ནི་ལོ་རེར་འདོན་ཐེངས་དྲུག་ཡོད་པ་དང་། མིག་སྔའི་བར་བོད་ཡིག་གི་རྒྱལ་ཁབ་རིམ་པའི་རྩོམ་རིག་གི་དུས་དེབ་གཅིག་བུ་ཡིན་པ་རེད།

རྩོམ་ཁུངས། མཚོ་སྔོན་པོ་དྲ་བ།