རྩོམ་རིག་རབ་འབྱམས་པ་སྐུ་ཞབསChris Peacockལགས་ཀྱིས་བོད་ཡིག་ནས་དབྱིན་ཡིག་ཏུ་བསྒྱུར་བའི་ཚེ་རིང་དོན་གྲུབ་ཀྱི་བརྩམས་སྒྲུང་བདམས་བསྒྲིགས《བཙུན་ཡག་དང་བརྩམས་སྒྲུང་གཞན་དག》ཅེས་པ་ཉེ་ལམ་ཨ་རིའི་ཁོ་ལོམ་པི་ཡ་སློབ་ཆེན་དཔེ་སྐྲུན་ཁང་ནས་པར་སྐྲུན་འགྲེམ་སྤེལ་བྱས། དེབ་འདིར་《བཙུན་ཡག》དང་ 《ཝ་ནག་ལུང་བ》སོགས་བརྩམས་སྒྲུང15བདམས་ཡོད་པ་དང་། དེབ་དཀྱུས་མ(རིན་གོང་ཨ་སྒོར20)དང་སྤུས་ལེགས(རིན་གོང་ཨ་སྒོར60)རིགས་གཉིས་བཟོས་ཡོད། དེབ་འདི་དབྱིན་ཇིའི་ལིས་ཙི་སློབ་ཆེན་གྱིས2019ལོའི་ཟླ་གཉིས་པའི་དམིགས་བསལ་འོས་སྦྱོར་བརྩམས་སྒྲུང་དུ་བདམས་པ་དང་། དེ་དུས་དེབ་འདི་དང་རྩོམ་པ་པོར་འབྲེལ་བའི་བྱ་འགུལ་སྣ་ཚོགས་སྤེལ་རྒྱུ་རེད།(སློབ་གྲྭ་འདིར་ཟླ་རེར་རྩོམ་མཁན་རེ་དང་ཡང་ན་བརྩམས་ཆོས་རེ་དམིགས་བསལ་འོས་སྦྱོར་བྱེད་པའི་གོམས་སྲོལ་ཡོད།)དེབ་འདི་ད་དུང་དབྱིན་ཇིའི་བོད་ཀྱི་རིག་གནས་དྲ་བ་སྟེ་རི་མཐོ་ས་གཙང་དྲ་བས་དགུན་གནང་སྐབས་ཀྱི་དམིགས་བསལ་འོས་སྦྱོར་བརྩམས་སྒྲུང་དུ་བདམས་ཡོད་དོ།།
 

རྩོམ་སྒྲིག་པ། དབང་མོ།

                 (མཆོད་མེའི་པར་དབང་གཞན་གྱིས་དགོལ་མི་རུང)    

རྩོམ་ཁུངས། ངེད་དྲ་བ།