《མྱ་ངམ་ཐང》ཀློག་པ།
«མྱ་ངམ་ཐང»གི་སྒྱུ་རྩལ་ཞིང་ཁམས་ནི་དེང་རབས་རིང་ལུགས་ཀྱི་སྙན་ངག་ཀུན་ལས་
ནུབ་ཕྱོགས་རྩོམ་རིག་དཔྱད་བརྗོད་པ་གཙོ་བྱས་པའི་ཤར་ནུབ་དཔྱད་བརྗོད་པ་དག་གིས་ཀྱང་སོ་སོ་བའི་ལྟ་བར་གཞི་བཅས་ཏེ་སྙན་ངག་འདི་ལ་སྤྱིའི་ཆ་ནས་གོ་བ་ལེན་པ་ལས། བརྗོད་དོན་ཁ་ཤས་ལ་སོ་སོའི་ལྟ་ཚུལ་དང་དཔྱད་པ་མཆིས་པ་བཤད་མ་དགོས་མོད། རྩོམ་པ་ པོའི་མཆན་འགྲེལ་དང་འབྲེལ་ཡོད་དཔྱད་གཞི་རྨང་བྱས་པའི་སྟེང་སྙན་ངག་ཧྲིལ་བོའི་མཚོན་དོན་གྱི་སྐོར་ལ་ལྟ་བ་མང་པོ་དོན་གཅིག་གི་སྟེང་དུ་འབབ་པའང་གོར་མ་ཆག དེས་ན་ཁོ་བོས་
རྩོམ་པ་པོས་སྙན་ངག་ཏུ་བྲིས་པའི་མྱ་ངམ་ཐང་ནི་འདི་འདྲ་བ་ཞིག་སྟེ། དེ་རུ་ཆུ་དང་བྲལ་བས་རྩི་ཤིང་གི་རིགས་རྒྱས་པ་མེད་ཅིང་ས་གཞི་ཐམས་ཅད་སྐམ་ལ་སྐྱ་ཐང་ངེར་གནས་པ་མ་ཟད། གནས་དེར་འཚོ་བའི་སྐྱེ་བོ་ཐམས་ཅད་ལའང་དད་མོས་དང་ཕུགས་བསམ་མེད་
སྙན་ངག་འདིའི་བསྟན་དོན་གྱི་སྐོར་ལ་རྩོམ་པ་པོ་ཉིད་ནས“ཡུས་བཤད་དང་འཁང་ར”ཙམ་དུ་འདོད་ནའང༌། དེ་ནི་ཧེ་མིན་ཝེས“རྒད་པོ་ནི་རྒད་པོ་དང་རྒྱ་མཚོ་ནི་རྒྱ་མཚོ་ལས་གཞན་
སྙན་ངག་རིང་མོ་འདིའི་བརྗོད་བྱ་ཞིབ་ཏུ་གཤམ་གྱི་ཚན་པ་རེ་རེའི་དོན་བསྡུས་པར་ སྟོན་དུས་སྨྲ་བར་བྱ་བས་འདིར་སྤྲོ་བར་མི་བྱ། འདིར་གཙོ་བོ་སྙན་ངག་གི་སྒྱུ་རྩལ་ཐབས་ལམ་ གྱི་ཕྱོགས་ནས་རིམ་གྱིས་སྙན་ངག་རིང་མོ་འདིའི་མངོན་སུམ་དང་སྒྱུ་མའི་འཇིག་རྟེན་ལ་འཛུལ་བར་བྱའོ། །དུས་རབས་ཉི་ཤུ་བའི་ནུབ་ཕྱོགས་རྩོམ་མཁན་དག་ནི“སྒྱུ་རྩལ་གྱི་ཆེད་དུ་སྒྱུ་རྩལ་བྱེད་པ”ཞེས་པ་ཕྱོགས་རེ་བའི་རླུང་བུ་ངན་པ་སྟེ། སྙན་ངག་གི་རྣམ་པ་གཙོར་བཟུང་སྟེ་བརྗོད་
རྩོམ་པའི་ཁྱུ་མཆོག་ཅེས་སྙན་ངག་པས་ཕིང་རྡི་ལ་བསྔགས་པ་བརྗོད་པ་ནི་ཨ་རིའི་སྙན་ངག་པ་འདིས་ཨེལ་ཐུའི་གསར་རྩོམ་གྱི་ལས་ཀར་ཕྱོགས་གང་མང་ནས་རོགས་རམ་བྱས་ཡོད་པ་མ་ཟད། “མྱ་ངམ་ཐང”གསར་རྩོམ་ལ་བཟོ་བཅོས་བརྒྱབ་པར་བསྟོད་པའི་ཆེ་བ་བརྗོད་པའོ། །
«མྱ་ངམ་ཐང»ནི་སྤྱི་ལོ༡༩༢༡ལོ་ནས་རྩོམ་མགོ་གནངས་པ་དང་། ༡༩༢༢ལོའི་ལོ་ འགོར་ཨེལ་ཐུས་བརྩམས་གྲུབ་པའི་སྙན་ངག་རིང་མོ་དེ་ཁྱེར་ནས་ཕིང་རྡི་ལ་སྤྲད་ཅིང་ཐོག་མའི་རྐང་བ་བརྒྱད་བརྒྱ་ཡས་མས་ཀྱི་སྙན་ངག་རིང་མོ་དེ་ཕིང་རྡིའི་དགོངས་འཆར་དང་རོགས་ རམ་འོག་རྐང་བ་བཞི་བརྒྱ་དང་སོ་གསུམ་ལ་བཅོས། ད་ལྟ་རང་རེས་མཐོང་བའི་མ་ཕྱིའང་བཟོ་
སྙན་ངག་འདི་ལེའུ་འམ་ཚན་པ་ལྔ་རུ་ཕྱེ་ཡོད་ལ་ཚན་པ་རེ་རེའང་སྙན་ངག་རང་རྐྱ་བ་ རེ་རེར་གྲུབ་ཅིང་གཞི་གཅིག་ཏུ་བསྡུས་པས་བརྗོད་བྱའི་དོན་སྟོན་པ་དང་སྙན་ངག་གི་སྒྱུ་རྩལ་ ངོམས་པ་ལ་རིན་ཐང་ངེས་ཅན་ཞིག་མཆིས།
ཚན་པ་དང་པོ«གཤིན་པོའི་འདས་མཆོད»ཅེས་པར་གཙོ་བོ་ནུབ་ཕྱོགས་པའམ་མི་རབས་ཤིག་གི་རྣམ་ཤེས་བོར་ལ་བླ་སྲོག་སྟོར་བའི་ངང་ཚུལ་བྲིས་ཡོད། སྙན་ངག་མགོ་བརྩམས་མ་ཐག་
དེང་རབས་འཇིག་རྟེན་གྱི་ཟླ་བཞི་བ་ནི་དེ་ལས་ལྡོག་སྟེ་གདུག་རྩུབ་ཆེ་བའི་མྱ་ངམ་ཐང་ཁོ་ན་ ཡིན་པར་བརྗོད་ཡོད།
འདིར་རྩོམ་པ་པོས་ཟླ་བཞི་བ་ཞེས་དྲངས་པས་ཀྱང་ཁོའི་ཤེས་རྒྱ་ཡངས་ལ་ལུང་འདྲེན་
མདུན་དུ་ཕྱེ་བར་ནུས། མྱ་ངམ་ཐང་གི་ཕྱིའི་ཡུལ་ལྗོངས་མངོན་རྗེས་ཚིག་གི་རྒྱུ་བ་གློ་བུར་ཇེ་ མགྱོགས་སུ་སོང་ཞིང་ཐ་སྙད་ཀྱང་ཁ་སྐད་ཀྱི་ཕྱོགས་སུ་ཆས་ལ་དངོས་ཡོད་ཀྱི་ཡུལ་གྲུ་ཁ་ཤས་ མངོན། དེར་མཐུད་ནས་མཱ་རེས་དགའ་བ་ཆེན་པོས་འདས་པའི་དུས་ཀྱི་ཕྱིར་དྲན་འཁོད་མོད་ དེ་ནི་རྨི་ལམ་སྒྱུ་མ་ནང་བཞིན་མི་མངོན་པར་གྱུར་ཏེ་དུས་ད་ལྟ་ཉིད་ལ་མྱ་ངམ་ཐང་དུ་གྱར་ དགོས་པ་བཤད་ཡོད་པ་དང་། རྐང་བ་བཅུ་དགུ་ནས་སྙན་ངག་གི་ཚིག་སླར་ཡང་ཁ་སྐད་ནས་ བརྗིད་ཆེ་བའི་ཉམས་སུ་ཕྱོགས་ཏེ་གས་ཆག་ཏུ་གྱུར་པའི་སྣང་བརྙན་ཕོན་པོ་བསྟན་ལ་བྲག་ དམར་པོ་དེའི་གྲིབ་གཟུགས་སུ་གབ་པར་འཚལ་ཞེས་ནུབ་ཕྱོགས་ཀྱི་སྐྱེ་བོ་དག་དཀོན་མཆོག་ལ་དད་པ་སྐྱེས་ཚེ་གཟོད་ནས་མྱ་ངམ་ཐང་གི་སྡུག་བསྔལ་དང་འབྲལ་བར་བཤད་ཡོད། ཁོ་བོས་
མིང་དུ་གྲགས་པའི་མངོན་ཤེས་མའི་ལག་ཏུའང་གདུག་རྩུབ་ཀྱིས་བསྡམས་པའི་ཏག་སེ་ཐོགས་པ་མ་ཟད། ཕོ་ལུས་མོ་བྱད་དུ་སྤྲས་པའི་ཆ་ལུགས་དང་ཨེལ་ཐུས་སྙན་ངག་ནང་གི་ཕོ་ མོའི་དབྱེ་བ་གཅིག་ཏུ་བསྲེས་པ་གཉིས་མཐུན་པར་སྣང་བས་ཟུར་ཟའི་ཉམས་ཤིག་མངོན་པར་འདོད་ལ།ལྷ་སྒྲུང་དང་གཏམ་རྒྱུད་ནང་གི་མི་སྣ་དྲངས་པ་བརྒྱུད་ནས་འཆི་བ་དང་འབྲེལ་བའི་སྙན་ངག་གི་བརྗོད་བྱ་ཇེ་ཟབ་ཏུ་བཏང་ཞིང༌།“མཛེས་སྡུག་ལྡན་པའི་སྐྱེས་མ”དང་དུག་གི་མེ་ཏོག་དྲངས་ཏེ་ཧྥེ་ཉི་ཀིའི་ཆུ་བ་དང་ཧྥོ་རྡི་ནཱ་རྒྱལ་སྲས།སི་མེ་ནཱ་ཚོང་བ༼མིག་གཅིག་ཅན་གྱི་ཚོང་བ༽བཅས་འདོད་སྲེད་ཀྱི་ཆུར་བྱིངས་པའི་མི་སྣ་དག་དང་སྐྱེ་འཕེལ་གྱི་ནུས་པ་ཉམས་པའི་ཉ་བའི་དབང་བོ་བྲིས་ཡོད།སོ་སོ་སི་ཁྲེ་སིའི་མངོན་ཤེས་ཀྱི་ནུས་པར་ཚད་ཡོད་པའི་དབང་གིས་རྒྱབ་ཏུ་བསྐུངས་པའི་དངོས་པོ་དེ་ཅི་ཡིན་པ་རྟོགས་ཐབས་བྲལ་ཞིང་འགེགས་གསོད་བཏང་བའི་མི་སྟེ་ཇེའུ་ཟ་མ་རྙེད་པར་སྐྱེ་བོ་དག་འདོད་པའི་ཆུའི་ནང་དུ་འཆི་བར་སྔངས་པའི་གནས་བབ་བརྗོད་ཡོད་ལ།མི་ཚོགས་ཀྱིས་ཨ་ལོང་ཞིག་ལ་སྐོར་བ་རྒྱག་པ་མཐོང་ཞེས་པས་གོང་དུ་བརྗོད་པའི་འཁོར་ལོ་ཞེས་པའི་དོན་སྟོན་པ་མིན་ནམ་སྙམ་ལ་ནང་བ་སངས་རྒྱས་པའི་འཁོར་བའི་ལྟ་བའང་འདུས་ པར་སེམས།
རྐང་བ་ང་དགུ་ནས་རྩོམ་པ་པོས་སྨིག་རྒྱུ་དང་འདྲ་བའི་ལོན་ཊོན་གྲོང་ཁྱེར་བྲིས་ཡོད། ཨེལ་ཐུས་ལོན་ཊོན་གྲོང་ཁྱེར་ཞིབ་འབྲི་བྱས་པ་དེ་ཏན་ཐེས་བྲིས་པའི་དུས་རབས་བར་མའི་མྱ་ ངམ་ཐང་དང་རྦོ་རྡི་ལེར་གྱི་ཕ་རི་སིའི་ཉམས་སྣང་དང་འགྲན་འཇོག་པའི་ཚད་དུ་སླེབས་ཡོད་པར་དཔྱད་བརྗོད་པ་ལ་ལས་སྨྲ་ལ། རྩོམ་པ་པོ་ཁོང་གིས་ཀྱང་ཏན་ཐེ་དང་རྦོ་རྡི་ལེར་གྱི་སྙན་ཚིག ཝེབ་སི་ཐཱར་གྱི་སྐྱོ་གླུ་དྲངས་ཏེ་དེང་རབས་ལོན་ཊོན་གྱི་མྱ་ངམ་ཐང་གི་རྣམ་པ་བརྗོད་ ཡོད་ཅིང་ཝེབ་སི་ཐཱར་གྱི་སྙན་ཚིག་དེ་ཚན་པ་དང་པོའི་མགོའི«གཤིན་པོའི་འདས་མཆོད»དང་འབྲེལ་བ་དམ་པོའི་སྐྱོ་གླུ་རུ་ངོས་བཟུང་ཆོག
«མིག་མངས་རྩེ་བ»ཞེས་པའི་ཚན་པ་འདིར་རྩོམ་པ་པོས་རྒྱུན་ལྡན་མིན་པའི་ཕོ་མོའི་བརྩེ་དུངས་དང་འཇིག་རྟེན་མཐུན་འཇུག་བྲིས་ཡོད་ལ་འདི་ནི་མྱ་ངམ་ཐང་གི་ཁྱད་ཆོས་གཙོ་བོར་ངེས།«མིག་མངས་རྩེ་བ»ཟེར་བ་འདིའི་གཏམ་རྒྱུད་རྒྱབ་ལྗོངས་ནི་གཡོ་ཟོལ་དང་ལྐོག་གྲོས་ཀྱིས་ཕོ་མོ་གཉིས་ལ་འདོད་པ་སྤྱོད་དུ་བཅུག་པའི་འཁྲབ་གཞུང་ཞིག་ཡིན་ལ་རྩོམ་པ་པོས་གནའ་དཔེ་དེང་སྤྱོད་ཀྱིས་དེང་རབས་ཀྱི་སྐྱེ་བོ་དག་ལ་བརྩེ་དུངས་ཟོལ་མེད་དང་གཡའ་དག་པ་ཞིག་མེད་པ་མཚོན་ཡོད།མགོ་བརྩམས་མ་ཐག་ཏུ་མཐོ་རིམ་སྤྱི་ཚོགས་ཀྱི་སྐྱེས་མ་ཞིག་གི་རྒྱས་སྤྲོས་ཆེ་ལ་སྙིང་བོས་དབེན་པའི་འཚོ་བ་བྲིས་ཤིང་ཧྥེ་ལོ་མེལ་ཀ་ལ་པིང་ཀར་གྱུར་པའི་གཏམ་རྒྱུད་ཀྱིས་སྙན་ངག་གི་བརྗོད་བྱ“ལོག་གཡེམ”ཞེས་པ་གཏིང་ཇེ་ཟབ་ཏུ་བཏང་ཡོད་ལ་མོས་སྔར་བཞིན་སྐད་སྒྲོག་ཅིང་འཇིག་རྟེན་གྱིས་ཀྱང་སྔར་བཞིན་རྗེས་སུ་སྙེག་ཅེས་ད་ལྟ་བའི་ཚིག་བཀོལ་ཏེ་འཇིག་རྟེན་དུ་ད་ལྟའང་ལས་དེ་རིགས་དར་གྱིན་པ་སྟོན།
རྐང་བ་བརྒྱ་དང་བཅུ་གཅིག་པ་ནས་མགོ་བརྩམས་པའི་ཁ་བརྡས་གསོབ་གཟུགས་བཞིན་སྟོང་བའི་སྐྱེ་བོ་དེའི་ནང་སེམས་བྲིས་ཡོད་ལ་ཕིང་རྡི་ལྟར་ན་དེ་ནི་ཨེལ་ཐུ་ལྕམ་མོ་ནད་ཀྱིས་མནར་བའི་སྐབས་ཀྱི་སེམས་ཁམས་ཡིན་པར་སྙམ།མུ་ཏིག་དེ་དག་སྔོན་ཆད་ཁོའི་མིག་ཟུང་ཡིན་པ་དྲན་ཞེས་པ་ཤིག་སེ་ཕེར་གྱི«ཆར་རླུང་འཚུབ་མ»ཡི་སྐྱོ་གླུ་ལས་དྲངས་ཤིང་ཆགས་སྲེད་ཀྱི་ཆུའི་ནང་གི་འཆི་བ་ཤུགས་སུ་སྟོན་ལ་གཤམ་གྱི་ཨོ་ཨོ་ཨོ་ཨོ་ཤིག་སེ་ཕེར་སེའི་གཞས་ཆུང་ཞེས་པ་དང་གཅིག་ཏུ་སྦྲེལ་ཆོག དེའི་རྗེས་སུ་ཆང་ཁང་ཆུང་ངུ་ཞིག་ཏུ་སྐྱེས་མ་གཉིས་ཀྱིས་འཛེམ་བག་ མེད་པར་འདོད་སྲེད་དང་མངལ་འབྱིན་པ་སོགས་ཀྱི་ཁ་བརྡ་བྱེད་པ་བྲིས་ཡོད་ལ།དེ་དང་མཉམ་དུ་ཆང་ཁང་སྒོ་གཏན་པའི་དུས་ཚོད་ལ་ཐོན་པ་བྲིས་ཏེ་ཚེ་སྲོག་གི་རྒྱུ་བ་འགགས་པར་ཉེ་བའི་དོན་ཤུགས་སུ་སྟོན་ལ་དེ་བསྐྱར་ཟློས་བྱས་པས་དུས་ཚོད་ཉམས་དང་དོན་སྟོན་པར་ནུས་པ་ཁྱད་པར་བ་ཐོན།མཇུག་ཏུ་ཤིག་སེ་ཕེར་གྱི་བརྩམས་ཆོས«ཧམ་ལེ་ཀྲི»ནང་གི་ཨོ་ཧྥེ་ལི་ཡཱ་གྱེས་ཁ་མའི་འཁྲབ་ཚིག་བཀོད་དེ་ཚན་པ་ཧྲིལ་བོ་སྐྱོ་ཉམས་ཆེན་པོས་བསྡུས་ཡོད་ལ་ཨོ་ཧྥེ་ལི་ཡཱའི་བརྩེ་དུངས་ལའང་འབྲས་བུ་མ་བྱུང་བར་ཆུའི་ནང་དུ་འདས་པའི་གཏམ་རྒྱུད་ཀྱི་ཤུགས་ལ་འདོད་པའི་ཆུར་ཤི་བའི་བརྗོད་བྱ་དྲངས་ཏེ།མྱ་ངམ་ཐང་གི་ཕོ་མོའི་འབྲེལ་བ་སྟེ་བྲག་རྡོའི་གསེང་དུ་གཙང་ཆབ་ཀྱི་སྒྲ་དབྱངས་མེད་ནའང་ཆུའི་ནང་དུ་འཆི་བ་ཡོད་པ་གསལ་བོར་བསྟན་ཡོད།
«མེའི་གདམས་པ»ཞེས་པའི་ཚན་པ་འདིའི་སྒྲིག་གཞི་ཅུང་རྙོག་འཛིང་ཆེ་ལ་མགོ་བརྩམས་མ་ཐག་སི་ཕེན་སུར་གྱི་ཉམས་དགའ་བའི་ཐམ་སི་གཙང་བོ་དང་དེང་རབས་ཀྱི་སྦག་བཙོག་གི་རྣམ་པ་གཉིས་ལ་གཤིབ་བསྡུར་བྱས་ཤིང་ཤི་བའི་གཙང་བོ་ལས་ཉ་མོ་འཛིན་ཞེས་པས་ཉ་བའི་དབང་བོ་ལ་འཕྲོས་ནས་བརྗོད་ཆོག གཞན་ཉ་མོ་འཛིན་པས་གཉིས་སྦྱོར་གྱི་ལས་གོ་ནའང་ ཤི་བའི་གཙང་བོ་ལས་ཅི་ཡང་འཛིན་དུ་མེད་པ་བསྟན་ཞིང་ཆུའི་ནང་དུ་འདས་པ་ལ་རིམ་གྱིས་འཕྲོས་ཆོག དེའི་འོག་ཏུ་བསྐྱར་དུ་གནའ་བོའི་སྙན་ཚིག“དུས་ཀྱི་འཁོར་ལོ”དང“རྔ་དུང་དང་ རྔོན་པའི་སྒྲ་དབྱངས”ཞེས་པ“རླངས་འཁོར་དང་དུང་བརྡའི་སྐད་སྒྲ”ཞེས་དེང་རབས་ཅན་དུ་བསྒྱུར་ཅིང༌།“ཨ་ཁི་ཐེའན་ཁྲིད་ནས་ཏེ་ནཱ་ལ་འཕྲད་དུ་འཇུག་པ”ཞེས་པ“སི་ཝེན་ཉིའུ་ཕོར་ཐིར་ལྕམ་མོ་ལ་འཕྲད་དུ་འཇུག”ཅེས་གནའ་དེང་གཤིབ་བསྡུར་གྱི་ལམ་ནས་བྲིས་ཤིང་དེང་གི་ཕོ་མོ་གཉིས་བར་གྱི་ལོག་གཡེམ་བསྟན་ཡོད།ཆོས་ཁང་ནང་གི་བྱིས་པ་ཚོའི་གླུ་སྐད་དང་རྐང་བ་སྔོན་མའི་འཆལ་པོའི་གཞས་གཉིས་གཤིབ་བསྡུར་མཛད་ཅིང་བྱ་སྐད་ཀྱིས་སྙན་ངག་གི་བརྗོད་བྱ་འཆལ་སྤྱོད་གཙོ་བོར་བཟུང་ཡོད།དེའི་འཕྲོར་སླར་ཡང་སྨིག་རྒྱུའི་གྲོང་ཁྱེར་ལོན་ཊོན་བྲིས་ཤིང་གཙོ་བོར་ཡིག་གཏག་པ་དང་ལས་ཚན་པ་གཉིས་བར་གྱི་བརྩེ་བས་དབེན་ཞིང་དམར་རྗེན་རྗེན་གྱི་འཆལ་སྤྱོད་བྲིས་ཏེ་མི་གཤིས་དང་བླ་སྲོག་གིས་སྟོང་བའི་སེམས་ཅན་རིགས་ཤིག་གི་ཉམ་ང་བའི་གནས་བབ་བསྟན་ཡོད།
“གྲུ་མཇུག་ནི་དམར་སེར་གྱི་མདངས་སྤྲོ་ལ།གསེར་ཆུ་བྱུགས་པའི་ཉ་ལྩིབས་ཕྱི་སྐོགས་འདྲ་བར་གྲུབ”ཅེས་པ་ནི་སྙན་ངག་འདིའི་ཚན་པ་གཉིས་པའི་མགོའི“མོ་སྡོད་སའི་རྐུབ་སྟེགས་གསེར་ཁྲི་དང་འདྲ་བར།རྡོ་ཀ་མ་རུའི་སྟེང་འོད་དུ་འཚེར”ཞེས་པ་དང་བསྡུར་ཆོག འོག་ཏུ་རེ་ནཱ་ གཙང་བོའི་ན་ཆུང་མ་གསུམ་དང་ཐམ་སི་གཙང་བོའི་ན་ཆུང་མ་གསུམ་གཤིབ་བསྡུར་བྱས་ཏེ་དེང་གི་འཆལ་སྤྱོད་བྲིས་ཡོད་ལ་འཛམ་གླིང་ཤར་ནུབ་ཀྱི་འདོད་སྲེད་མེ་ལྕེས་ཐལ་བར་བཟོ་དགོས་པའི་ལྟ་བས་ཚན་པ་འདིའི་མཇུག་བསྡུས་ཡོད།
“མེའི་གདམས་པ”ཞེས་པའི་ཚན་པ་འདིའི་བསྟན་དོན་གཙོ་བོའང་དེང་རབས་སྐྱེ་བོ་དག་གིས་ཀུན་སྤྱོད་ལས་རིང་དུ་འདས་པའི་ཆགས་པའི་མེ་ལྕེ་གཞིལ་དགོས་པར་གདམས་པ་དེ་ཡིན་ལ་རྩོམ་པ་པོས་གནའ་དེང་ཟུང་འབྲེལ་གྱིས་ཡུལ་དུས་ཀྱི་བར་སྟོང་བརྒལ་ཞིང་སྙན་ངག་རྩོམ་ཐབས་ཀྱིས་ཆ་ནས་ཀྱང་ཁ་སྐད་དང་བབ་ཆེ་བའི་ཚིག ཟློས་གར་གྱི་ཁེར་ལབ་སོགས་གཞི་གཅིག་ ཏུ་བསྲེས་ཏེ་ཕུན་སུམ་ཚོགས་པར་སྤྱད་ཡོད་པས་སྒྱུ་རྩལ་འདོན་སྤེལ་ལ་ནུས་པ་གལ་ཆེན་ཐོན་པ་སྨྲས་མ་དགོས།
ཚན་པ་བཞི་བ་ནི་སྙན་ངག་རིང་མོ་འདིའི་ནང་ཆེས་ཐུང་བའི་ཚན་པ་ཞིག་ཡིན་ལ་བརྗོད་བྱ་ཉིང་བསྡུས་ཆེ་ལ་རྙོག་འཛིང་ལྡན་པ་ཞིག་ཀྱང་ངོ༌། །«ཆུར་ཤི་བ»ཞེས་པ་ནི་ཚན་པ་གསུམ་པའི“མེར་ཤི་བ”དང་བསྡུར་ནས་ཀློག་ཆོག་ལ།དཔྱད་བརྗོད་པ་ཁ་ཅིག་གིས་ཚན་པ་འདིས་ཁྲོད་ཀྱི་ཤི་བ་ལས་བསྐྱར་དུ་གསོན་པའི་དོན་སྟོན་གྱི་ཡོད་པར་འདོད།ཡིན་ནའང་ཚན་པ་ཧྲིལ་བོར་སྔོན་ཆད་བྱད་བཞིན་མཛེས་ལ་སྟོབས་ཀྱིས་ཆེ་བའི་ཧྥེལ་པ་ཟི་ཆུར་ཤི་བ་བྲིས་ཏེ་ཕངས་སེམས་དང་སྐྱོ་གདུང་གི་ཉམས་ཀྱིས་ཁེངས་ཡོད།
ཚན་པ་འདིའི་ཐོག་མའི་མ་ཕྱི་ལ་རྐང་བ་གོ་གསུམ་ཡོད་ཅིང་རྗེས་མར་ཕིང་རྡིས་བཟོ་བཅོས་བྱས་ཏེ་རྐང་བ་བཅུར་གྲུབ་ལ་ཚན་པ་འདི་ཨེལ་ཐུས༡༩༡༦ནས༡༩༡༧བར་ཧྥ་རན་སེའི་ཡི་གེར་འཁོད་པའི་སྙན་ངག«གསོལ་ཁང་དུ»ཞེས་པའི་མཇུག་གི་རྐང་བ་བདུན་དུ་མཐོང༌།
ཚན་པ་རྗེས་མ«གློག་དམར་གྱི་གཏམ»ཞེས་པ་ནི་ཇེའུ་ཟས་དཀའ་སྡུག་མྱངས་པའི་བྱུང་རིམ་ནས་མགོ་བརྩམས་ཏེ་དེང་གི་མི་རྣམས་ལ་དད་མོས་དང་ཡིད་ཆེས་བྲལ་བའི་ངང་ཚུལ་གྱིས་བཟོད་པ་ཏོག་ཙམ་བསྣམས་ནས་འཆི་བར་ཉེ་བ་བསྟན་ཞིང༌།དེང་གི་མྱ་ངམ་ཐང་གི་ཁྱད་ཆོས་གཙོ་བོའང་རིག་གནས་ཉམས་རྒུད་དང་དད་མོས་བྲལ་བ་ཡིན་པར་བརྗོད་དེ།བྲག་རྡོ་ལས་ཆུ་མོས་སྟོང་ཞིང་རྔུལ་ཆུ་སྐམ་སྟེ་རྐང་བ་བྱེ་མར་ཟུག་ལ་རི་བོ་འདས་པོའི་ཁ་ལས་སོ་སྲིན་མཆེད་པས་ཆུ་གཏོང་བར་མི་བྱེད་པའི་མྱ་ངམ་ཐང་གི་རྣམ་པ་དབུགས་རྒྱུན་གཅིག་གིས་ཤར་མར་བྲིས་ཡོད།ཇེའུ་ཟ་བསྐྱར་དུ་གསོན་ཏེ་མི་རྣམས་ཀྱི་ཉེ་འགྲམ་དུ་རྒྱུ་ནའང་དེ་དག་གིས་མཐོང་བར་མ་གྱུར་ལ།མྱ་ངམ་ཐང་ལ་ཆར་ཆུ་མཁོ་མོད་གཞའ་རླུང་ཞིག་ལས་མ་བསྩལ་བར་སྨིག་རྒྱུའི་གྲོང་གིས་ཁེངས་ཤིང་ཅོང་ཁང་མགོ་མཇུག་ལྡོག་སྟེ་བར་སྣང་དུ་དཔྱངས་ཏེ་ཕྱིར་དྲན་གྱི་ཅོང་བརྡ་བསྒྲགས་ནས་དུས་ཚོད་སྟོན་ལ།རྫིང་བུ་སྟོང་བ་དང་ཁྲོན་པ་སྐམ་པོ་ལས་རོལ་དབྱངས་འཁྱར་འོངས་པའི་ཉམ་ང་ལ་ཞེད་སྣང་སྐྱེད།ལྷའི་ཕོར་བ་འཚོལ་བའི་ལམ་ཁའི་ཉེན་ཁས་བསྐོར་བའི་ཆོས་ཁང་དེའང་སྟོང་ཞིང་རལ་བའི་ཁང་སྟོང་ཞིག་ལས་ལྷག་མེད་པའི་རྣམ་པ་བྲིས།དེའི་འཕྲོར་གློག་དམར་གྱི་གཏམ་དྲངས་ཏེ་སྦྱིན་པ་དང་བརྩེ་བ།དུལ་བ་བཅས་ནི་དེང་རབས་ཀྱི་མི་རྣམས་ལ་མཁོ་བའི་ལེགས་བཤད་ཡིན་པར་གདམས་ཡོད་ལ་སྐུ་དྲག་ཝུ་རྒོལ་ནོ་དང་ཁོའི་བུ་གཉིས།ཚ་བོ་གཉིས་མཉམ་གཅིག་ཏུ་ལྕོག་མཁར་ཞིག་ལ་བཅུག་སྟེ་ལྟོགས་ཤིར་ཐེབས་པའི་གཏམ་རྒྱུད་དང༌།ང་རྒྱལ་གྱིས་བརླགས་པའི་དཔའ་རྒོད།ཧྥེལ་མེལ་འཇོལ་མོར་གྱུར་པའི་ལྷ་སྒྲུང༌།ཧིར་ཉི་མོ་སྨྱོས་པའི་གཏམ་རྒྱུད་དྲངས་ཏེ་ཚན་པ་འདིའི་བརྗོད་བྱ་གཙོ་བོ་སྦྱིན་པ་དང་བརྩེ་བ།དུལ་བ་བཅས་སྟོན་པ་ལ་མཐོར་འདེགས་ཀྱི་ནུས་པ་ཐོན་ཡོད།གཙང་འགྲམ་དུ་ཉ་མོ་འཛིན་པ་ལས་ཉ་བའི་དབང་བོ་ཤུགས་སུ་སྟོན་ལ་མེ་དཔུང་དུ་གབ་པས་མི་རྣམས་ཀྱི་བླ་སྲོག་ལ་སྦྱངས་བ་ཐོབ་དགོས་པ་མཚོན་ལ།དེ་ལྟར་བྱས་ཚེ་མི་རྣམས་ལ་བསམ་ཡུལ་ལས་འདས་པའི་བདེ་བའང་ཐོབ་ངེས་པར་བརྗོད་ཡོད།
ནུབ་ཕྱོགས་རྩོམ་རིག་དཔྱད་བརྗོད་ཁ་ཤས་ཀྱིས་སྙན་ངག་རིང་མོ་འདིས་མི་རབས་ཤིག་གི་གནས་བབ་མཚོན་ཡོད་པར་སྨྲས་ཏེ་བསྟོད་པ་ཆེ་རུ་མཛད་ཡོད་པ་དང་།ལ་ཤས་ཀྱིས་ཚིག་གི་ཆག་རོ་དང་ལུང་གི་བཏུས་རོ་ཙམ་ལས་ཅི་ཡང་མིན་པས་གསར་གཏོད་རང་བཞིན་ཅི་ཡང་མི་ལྡན་པར་བཤད་དེ་རྩོམ་བཙོག་ཅིག་ལས་མིན་པར་འདོད་ཡོད།གང་ལྟར་དེང་རབས་རང་བཞིན་ལྡན་པའི་སྙན་ངག་རིང་མོ་འདི«ཚད་གཞི»དུས་དེབ་ཏུ་བཀོད་པ་ནས་བཟུང་།དྲང་ལྡོག་ཅི་རིགས་ཀྱི་དཔྱད་བརྗོད་ཤ་མོ་བརྡོལ་བ་བཞིན་བྱུང་ཡོད་པ་དང་།ཚ་ཚ་འུར་འུར་གྱི་དཔྱད་པའི་རྩོམ་ཡིག་ཀྱང་མང་དུ་སྤེལ་ཡོད་པས།དུས་རབས་རང་བཞིན་གྱི་སྙན་ངག་རིང་མོ་ཞིག་ཏུ་གྱུར་པ་མ་ཟད།ནུབ་ཕྱོགས་དེང་རབས་རྩོམ་རིག་གི་ཚབ་མཚོན་བརྩམས་ཆོས་སུ་གྱུར།ཕྱོགས་གཞན་ཞིག་ནས་ཨེལ་ཐུ་རང་གིས་སྤེལ་བའི་རྩོམ་རིག་དགག་གཞག་གི་དཔྱད་རྩོམ་དེ་དག་དང་།སྐབས་དེར་ནུབ་ཕྱོགས་རྩོམ་རིག་གཞུང་ལུགས་ཀྱི་གར་སྟེགས་སུ་མྱུ་གུ་འབུས་བཞིན་པའི“དགག་གཞག་གསར་བ”ཡི་དཔྱད་རྩོམ་དེ་དག་ཁོའི་བརྩམས་ཆོས་འདི་དང་གཞན་དག་རྩོམ་རིག་གར་སྟེགས་སུ་དར་བའི་རྒྱུ་གལ་ཆེན་ཞིག་ཏུ་གྱུར།མི་མང་པོ་ཞིག་གིས་ཁོའི་མི་ཚེའི་ལོ་རྒྱུས་དང་སྦྲེལ་ཏེ་བརྩམས་ཆོས་འདི་ལ་དཔྱད་པ་གཏང་གི་ཡོད་ལ།དེའི་སྐོར་གྱི་བརྩམས་ཆོས་ཀྱང་མང་པོ་ཞིག་བྱུང་ཡོད་མོད།ཁོའི་མི་ཚེའི་ལོ་རྒྱུས་གསལ་བོ་ཞིག་ད་དུང་ཡང་རྒྱུས་ལོན་བྱ་ཐུབ་མེད།ཁོའི་སྒེར་གྱི་འཕྲིན་ཡིག་དང་རྩོམ་ཡིག་སྐོར་ཅིག་ཁོ་འདས་རྗེས་རིམ་གྱིས་སྤྱི་ལ་བསྒྲགས་ཡོད་པ་དང་།སྐོར་ཅིག་ཁོའི་ཁ་ཆེམས་ནང་བཞིན་ཕྱི་ལོ༢༠༢༠ལོ་ལ་མ་གཏོགས་ཕྱི་ལ་ཁྱབ་སྤེལ་བྱས་མི་ཆོག་པར་འདུག་པས།ཁོའི་མི་ཚེའི་ལོ་རྒྱུས་འབྲི་བ་པོ་དང་རྩོམ་རིག་དཔྱད་བརྗོད་པ་དག་ལ་དཀའ་ངལ་མི་ཆུང་བ་ཞིག་བཟོས་ཡོད།འདི་ཡང་སྙན་ངག་རིང་མོ་འདིའི་བསྟན་དོན་གྱི་སྐོར་ལ་འགྲེལ་བ་སྣ་ཚོགས་པ་ཞིག་ཡོད་པའི་རྒྱུ་ཞིག་ཏུ་རྩི་ཆོག
རྩོམ་ཁུངས། ངེད་དྲ་བ།