ཁྱི་སྨྱོན་ཞིག་ལ་བྲིས་པའི་གླུ་ཚིག་ཅིག༼གླུ་ཚིག༽
ཐ་གུ་མེ་ཡིས་ཚིག་ཀྱང་།།
ཐལ་བ་མཐོང་ཐབས་མི་འདུག།
སྟོང་བ་ཡིན་པས་མིན་ན།།
སོ་གཅིག་བཏབ་ཀྱང་ཆོག་པ།།
ཐལ་བ་མཐོང་ཐབས་མི་འདུག།
སྟོང་བ་ཡིན་པས་མིན་ན།།
སོ་གཅིག་བཏབ་ཀྱང་ཆོག་པ།།
ཕྱེ་ལེབ་ཁྲ་ཁྲ་ཞིག་གིས།།
གཤོག་པའི་ཚོན་ཁྲ་ངོམ་ནས།།
རྩིག་པའི་ཁྲི་ལ་བཞུགས་པ།།
ངོ་སོ་ཅན་གྱི་རྟགས་རེད།།
གཤོག་པའི་ཚོན་ཁྲ་ངོམ་ནས།།
རྩིག་པའི་ཁྲི་ལ་བཞུགས་པ།།
ངོ་སོ་ཅན་གྱི་རྟགས་རེད།།
ཆུ་སྤྲིན་ཡར་ལ་འཁྲིགས་ཀྱང་།།
ཆུ་ཐིགས་གཅིག་ཀྱང་མ་ལྷུང་།།
གཟུགས་མེད་ཨ་ཇོ་གཡུ་འབྲུག།
ངར་སྐད་ཐེངས་ཤིག་སྒྲོག་དང་།།
ཆུ་ཐིགས་གཅིག་ཀྱང་མ་ལྷུང་།།
གཟུགས་མེད་ཨ་ཇོ་གཡུ་འབྲུག།
ངར་སྐད་ཐེངས་ཤིག་སྒྲོག་དང་།།
ཤེལ་གྱིས་བྱས་པའི་ཐང་ཆེན།།
གཟུགས་བརྙན་བརྒྱ་དང་བརྒྱད་ཅུ།།
ཕར་ལ་མཆེ་བ་བགྲད་པས།།
ཚུར་ལའང་མཆེ་བ་བགྲད་བྱུང་།།
གཟུགས་བརྙན་བརྒྱ་དང་བརྒྱད་ཅུ།།
ཕར་ལ་མཆེ་བ་བགྲད་པས།།
ཚུར་ལའང་མཆེ་བ་བགྲད་བྱུང་།།
བདག་པོ་བྲོས་པའི་ཤུལ་ཏུ།།
ལྷམ་དང་ཞྭ་མོ་བསྐྱུར་འདུག།
ལྷམ་ཀོག་ཟ་ཐབས་བྱས་ཀྱང་།།
ཞྭ་མོ་ཟ་ཐབས་མི་འདུག།
ལྷམ་དང་ཞྭ་མོ་བསྐྱུར་འདུག།
ལྷམ་ཀོག་ཟ་ཐབས་བྱས་ཀྱང་།།
ཞྭ་མོ་ཟ་ཐབས་མི་འདུག།
སྲིད་པའི་རྨ་ཁ་རལ་སོང་།།
འབུ་སྲིན་ཚང་དུ་གྱུར་སོང་།།
ཁྲག་དང་དྲི་མ་ཆད་སོང་།།
དབུགས་ཀྱང་གློ་བུར་འགག་སོང་།།
འབུ་སྲིན་ཚང་དུ་གྱུར་སོང་།།
ཁྲག་དང་དྲི་མ་ཆད་སོང་།།
དབུགས་ཀྱང་གློ་བུར་འགག་སོང་།།
དྲི་མེད་བཅོ་ལྔའི་ཟླ་བ།།
ལེན་འདོད་བློ་ལ་སྐྱེས་ནས།།
མཇུག་མ་སྒྲེང་སྒྲེང་བྱས་པ།།
སུ་དང་གང་ལའང་མ་བཤད།།
ལེན་འདོད་བློ་ལ་སྐྱེས་ནས།།
མཇུག་མ་སྒྲེང་སྒྲེང་བྱས་པ།།
སུ་དང་གང་ལའང་མ་བཤད།།
ལྕགས་ཐག་མེད་པས་མིན་ན།།
ང་རང་དམ་དུ་འདོགས་རོགས།།
བཏགས་རྗེས་ཇ་ཞིག་བླུད་རོགས།།
ཇ་ལ་ཚྭ་ཁུ་གདབ་རོགས།།
ང་རང་དམ་དུ་འདོགས་རོགས།།
བཏགས་རྗེས་ཇ་ཞིག་བླུད་རོགས།།
ཇ་ལ་ཚྭ་ཁུ་གདབ་རོགས།།
ཁྱི་མོ་ཆུང་ཆུང་ཞིག་ཀྱང་།།
ང་ཡི་གམ་ནས་བཏགས་ཏེ།།
ཉིན་མཚན་མེད་པའི་གླུ་གཞས།།
གཏོང་བའི་གོ་སྐབས་བསྩལ་རོགས།།
2011/3/15
ང་ཡི་གམ་ནས་བཏགས་ཏེ།།
ཉིན་མཚན་མེད་པའི་གླུ་གཞས།།
གཏོང་བའི་གོ་སྐབས་བསྩལ་རོགས།།
2011/3/15
རྩོམ་ཁུངས། ངེད་དྲ་བ།