ཡང་ནས་ཡང་དུ།


མདང་དགོང་མཚན་དཀྱིལ་ལ་མལ་དུ་གཟིམས་པས

རྨི་ལམ་གཅིག་གིས་ཡང་ནས་ཡང་དུ་སྐོར་བ་བརྒྱབ་སོང

སྲང་ལམ་ཞིག་གི་སྣེར་བུད་རྗེས་ཁ་ཕྱིར་འཁོར་ཏེ་ཚུར་འོང་ཞིང

དེ་ནས་སླར་ཡང་དེའི་སྣེར་བུད་པ་བཞིན

ཨ་མྱེ་ནས་ཚ་བོ་དང་ཚ་བོ་དེ་སླར་ཡང་ཨ་མྱེ་རུ་གྱུར་བ་བཞིན

ན་ནིང་གི་སྤྲིན་དཀར་སླར་ཡང་མགོ་ཐོག་གི་ནམ་མཁར་འཐིབས་པ་བཞིན

བེའུ་དག་གཡག་རྒོད་དུ་གྱུར་རྗེས་བཤས་རར་བཙོང་ཞིང

ལྷས་རའི་ནང་གི་བེའུ་གཞན་དག་རིལ་བུ་བཞིན་འཕེལ་འོང་བ་བཞིན

གངས་རིའི་ཕ་རོལ་ནས་ཕ་ཡུལ་དྲན་པའི་གླུ་གཞས་ཤིག

གྷི་ཐར་དང་ས་ཁི་སི  སྨྱུག་གླིང རྣོ་སྦྲེང སྒྲ་སྙན་འབྲུག་མགོ་མ་སོགས་ལ་འགྲོགས་ནས

རེ་རེ་བཞིན་གྲགས་འོང་བ་བཞིན

མཛེས་མའི་ངོ་གདོང་དང་ཉིན་བྱེད་ཀྱི་ཞལ་རས་དེ

ཞོགས་པ་རེ་རེ་བཞིན་དུས་ཚོད་ཀྱི་ལག་པས་འཁྲུད་པ་བཞིན

ལས་བྱེད་པ་དག་གིས་ཡང་ནས་ཡང་དུ་ཟླ་ཕོགས་འཕར་བར་ཉེ་ཞེས་པའི

ཚིག་དེ་བསྐྱར་ཟློས་བྱེད་པ་བཞིན

དཔོན་པོ་དག་གིས་ཉིན་དང་མཚན་བྱས་ནས་ཤིང་མཁན་ཚོར་རྐུབ་སྟེགས་གསར་བ་བཟོ་རུ་འཇུག་པ་བཞིན

ཁྲོམ་སྲང་གི་མི་ཚོགས་དང   མི་ཚོགས་ཀྱི་འདོད་ཧམ

ཆུ་བུར་གྱི་མདེའུ་དང   བདུག་སྤོས་ཀྱི་ན་བུན

ཡང་ནས་ཡང་དུ་རྡེབ་པའི་མིག་གི་པར་སྒོ

སྲིད་པའི་སྨྱུག་སླེའི་ནང་གི་ཚེ་སྲོག་གི་སྒོ་ང་དག་དང་འདྲ་བར

ཡང་ནས་ཡང་དུ་སླེབ་སོང  ཡང་ནས་ཡང་དུ་སླེབ་སོང

                                         2010/5/6ཉིན་རྒྱ་ནག་གི་གྲོང་ཁྱེར་སྤོས་ལྡན་ནས།

 

 

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ཡང་ནས་ཡང་དུ།


མདང་དགོང་མཚན་དཀྱིལ་ལ་མལ་དུ་གཟིམས་པས

རྨི་ལམ་གཅིག་གིས་ཡང་ནས་ཡང་དུ་སྐོར་བ་བརྒྱབ་སོང

སྲང་ལམ་ཞིག་གི་སྣེར་བུད་རྗེས་ཁ་ཕྱིར་འཁོར་ཏེ་ཚུར་འོང་ཞིང

དེ་ནས་སླར་ཡང་དེའི་སྣེར་བུད་པ་བཞིན

ཨ་མྱེ་ནས་ཚ་བོ་དང་ཚ་བོ་དེ་སླར་ཡང་ཨ་མྱེ་རུ་གྱུར་བ་བཞིན

ན་ནིང་གི་སྤྲིན་དཀར་སླར་ཡང་མགོ་ཐོག་གི་ནམ་མཁར་འཐིབས་པ་བཞིན

བེའུ་དག་གཡག་རྒོད་དུ་གྱུར་རྗེས་བཤས་རར་བཙོང་ཞིང

ལྷས་རའི་ནང་གི་བེའུ་གཞན་དག་རིལ་བུ་བཞིན་འཕེལ་འོང་བ་བཞིན

གངས་རིའི་ཕ་རོལ་ནས་ཕ་ཡུལ་དྲན་པའི་གླུ་གཞས་ཤིག

གྷི་ཐར་དང་ས་ཁི་སི  སྨྱུག་གླིང རྣོ་སྦྲེང སྒྲ་སྙན་འབྲུག་མགོ་མ་སོགས་ལ་འགྲོགས་ནས

རེ་རེ་བཞིན་གྲགས་འོང་བ་བཞིན

མཛེས་མའི་ངོ་གདོང་དང་ཉིན་བྱེད་ཀྱི་ཞལ་རས་དེ

ཞོགས་པ་རེ་རེ་བཞིན་དུས་ཚོད་ཀྱི་ལག་པས་འཁྲུད་པ་བཞིན

ལས་བྱེད་པ་དག་གིས་ཡང་ནས་ཡང་དུ་ཟླ་ཕོགས་འཕར་བར་ཉེ་ཞེས་པའི

ཚིག་དེ་བསྐྱར་ཟློས་བྱེད་པ་བཞིན

དཔོན་པོ་དག་གིས་ཉིན་དང་མཚན་བྱས་ནས་ཤིང་མཁན་ཚོར་རྐུབ་སྟེགས་གསར་བ་བཟོ་རུ་འཇུག་པ་བཞིན

ཁྲོམ་སྲང་གི་མི་ཚོགས་དང   མི་ཚོགས་ཀྱི་འདོད་ཧམ

ཆུ་བུར་གྱི་མདེའུ་དང   བདུག་སྤོས་ཀྱི་ན་བུན

ཡང་ནས་ཡང་དུ་རྡེབ་པའི་མིག་གི་པར་སྒོ

སྲིད་པའི་སྨྱུག་སླེའི་ནང་གི་ཚེ་སྲོག་གི་སྒོ་ང་དག་དང་འདྲ་བར

ཡང་ནས་ཡང་དུ་སླེབ་སོང  ཡང་ནས་ཡང་དུ་སླེབ་སོང

                                         2010/5/6ཉིན་རྒྱ་ནག་གི་གྲོང་ཁྱེར་སྤོས་ལྡན་ནས།

 

 

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།