རྒྱང་རིང་གི་རྣམ་པ།༼འགྱུར་མ༽
མེ་རེན·སོར་སི་ཀ༼རོ་མ་ནེ་ཡ༽(marin sorescu,1936-1996)ཡིས་བརྩམས།
གལ་སྲིད་ཁྱོད་ཉིད་བདག་དང་ཅུང་ཙམ་བྲལ་ཚེ
བདག་སེམས་ཀྱི་བརྩེ་བ་ནི
འུ་གཉིས་བར་གྱི་མཁའ་དབུགས་ཇི་བཞིན་སྦོས་པར་འགྱུར
གལ་སྲིད་ཁྱོད་ཉིད་བདག་དང་རིང་དུ་གྱེས་ཚེ
བདག་གིས་རི་རབ་བམ་གཙང་བོ་འམ
ཡང་ན་འུ་གཉིས་ཀྱི་བར་དུ་ཡོད་པའི་གྲོང་ཁྱེར་དང་ལྷན་ཅིག
ཁྱོད་ཉིད་ཤིན་ཏུ་དྲན་ངེས
གལ་སྲིད་ཁྱོད་ཉིད་བདག་དང་གཏན་དུ་བྲལ་ཏེ
ས་གཞིའི་ཕ་མཐར་ཕྱིན་ཚེ།
ཁྱོད་ཀྱི་གྲིབ་མ་ཉི་མ་དང་ཟླ་བའི་ངོས་སམ
གནམ་གྱི་ཕྱེད་ཀ་མཐིང་མདོག་དང་ལྡན་པ་དེའི་ངོས་སུ་ཟུག་པར་འགྱུར།
༼༢༠༡༢ལོའི་ཟླ་༨པའི་ཚེས་༢༤ཉིན་སྐྱབས་ཆེན་བདེ་གྲོལ་གྱིས་བསྒྱུར༽
རྩོམ་ཁུངས། ངེད་དྲ་བ།