མི་རབས་གསུམ་པའི་སྐོར་ནས་ཞིབ་འཇུག་པ་ཞིག་གི་དྲི་བར་ལན་བཏབ་པ།

 
  ༡.ཁྱེད་ཀྱི་མིང་ལ་ཅི་ཟེར། མི་རབས་གསུམ་པར་དུས་ནམ་ཞུགས་པ་དང་ཅིའི་ཕྱིར་ཞུགས་པ་ཡིན་ནམ། ༼ཕྱིར་བུད་ཡོད་ན་ག་དུས་ཅིའི་ཕྱིར་བུད་པ་ཡིན།༽
   ལན། ངའི་མིང་ལ་སྐྱབས་ཆེན་བདེ་གྲོལ་ཟེར་གྱི་ཡོད། ༢༠༠༦ལོར་ངེད་ཅག་གིས་མི་རབས་གསུམ་པའི་མིང་ཐོག་ནས་སྙན་ངག་གི་འདུ་ཚོགས་ཤིག་བསྡུས་པ་དང་དེ་ནས་བཟུང་མི་རབས་གསུམ་པར་ཞུགས་པ་ཡིན་ཞེས་བཤད་ཆོག དེ་ལྟར་བྱེད་དོན་ནི་སྐབས་དེའི་འདུ་ཚོགས་སུ་གསལ་བ་ལྟར་དེ་སྔའི་སྙན་ངག་རྩོམ་ཐབས་མི་འདྲ་བ་གསུམ་སྟེ་མེ་ལོང་མའི་ལུགས་དང༌། དོན་གྲུབ་རྒྱལ་རང་གྲོལ་གྱི་ལུགས། འཇུ་སྐལ་བཟང་གི་ལུགས་བཅས་དང་གྱེས་ཕྱག་འཚལ་བ་དང་མི་རབས་གསུམ་པའི་བརྩམས་ཆོས་དེ་ཡིག་ཐོག་ཁོ་ན་ཙམ་མིན་པར་སྒྲོག་ཀློག་དང་བགྲོ་གླེང་གི་རྣམ་པས་མངོན་དུ་འཇུག་པ། སྙན་ངག་པ་གྲོགས་པོ་དག་མཉམ་དུ་འདུས་ཏེ་སྙན་ངག་དང་འབྲེལ་བའི་ཇ་སྟོན་དང་ཆང་སྟོན་སོགས་ལ་རོལ་ཕྱིར་ཡིན་སྙམ། ༢༠༡༡ལོར་ང་རང་ཚོགས་པ་དེ་ལས་ཕྱིར་བུད་པ་ཡིན། འོན་ཀྱང་འདིར་གསལ་བཤད་བྱེད་དོན་ཞིག་ནི་ངེད་ཅག་གིས་མི་རབས་གསུམ་པ་ཟེར་བའི་མིང་དེ་དང་པོར་འདོགས་དུས་དེ་ཉིད་ནང་དུ་ཞུགས་ཆོག་པ་དང་ཡང་ན་ནང་ནས་འབུད་ཆོག་སའི་སྤྱིར་བཏང་གི་ཚོགས་པ་ལྟ་བུ་ཞིག་མིན་པར། སྐབས་དེར་ལོ་ཚོད་ངེད་ཅག་དང་མཉམ་པའི་བོད་ཀྱི་སྙན་ངག་པ་ཡོངས་ཀྱི་སྤྱི་མིང་ལྟ་བུར་ངོས་འཛིན་གྱི་ཡོད། དཔེར་ན་ངེད་ཅག་གི་ཐེངས་དང་པོའི་འདུ་ཚོགས་སུ་ན་ཚོད་ངེད་ཅག་དང་མཉམ་པའི་མི་སུ་ཡིན་ཡང་དེར་ཞུགས་ཆོག་པའི་སྒོ་མོ་ཕྱེ་ཡོད་པར་མ་ཟད་མི་དེ་དག་གི་མིང་ནས་བགྲང་སྟེ་འདུ་ཚོགས་སུ་ཞུགས་མ་ཐུབ་པར་ཕངས་སེམས་བསྟན་ཡོད། ཡིན་ནའང་མི་འགའ་ཞིག་གིས་ཁོང་ཚོ་འཐད་མིན་ལ་མ་བལྟས་པར་མི་རབས་གསུམ་པ་རུ་བཙན་གྱིས་བཅུག་སོང་ཟེར་ནས་མི་འཐད་པའི་ཚིག་ཀྱང་སྨྲས་ཡོད་ཅིང་དེ་ནི་ཁོང་ཚོས་ངེད་ཅག་གི་སྐབས་དེའི་བསམ་འདུན་ལ་རྒྱུས་ལོན་མ་བྱས་པས་རེད། དཔེར་ན། འདུ་ཚོགས་དེ་བསྡུས་ནས་རིང་པོ་མ་ལོན་པར་འབའ་སེང་སྨྱོན་ལགས་རྐྱེན་ངན་གྱི་རྐྱེན་པས་སྐུ་གཤེགས་ཤིང་ངེད་ཚོས་ཁོང་ལ་མི་རབས་གསུམ་པའི་ཚོགས་མིར་བརྩིས་ཏེ་རྗེས་དྲན་གྱི་ལས་སྣ་ཚོགས་བསྒྲུབས་ཡོད། འོན་ཀྱང་༢༠༠༧ལོའི་ཟླ་དྲུག་པར་ཁྲི་སེམས་དཔས་མི་སྒེར་གྱི་ངོས་ནས་མི་རབས་གསུམ་པ་ལས་བུད་པ་ཡིན་ཞེས་གསལ་བསྒྲགས་ཤིག་སྤེལ་བ་དང་རྗེས་སུ་ད་དུང་མི་རེ་གཉིས་ཀྱིས་ང་རང་མི་རབས་གསུམ་པར་ཞུགས་པ་ཡིན་དང་ཡང་ན་གློ་བུར་བའི་ངང་ནས་བུད་པ་ཡིན་སོགས་དམིགས་ཡུལ་མི་གསལ་བའི་ཚིག་སྨྲས་པས་༢༠༠༧ལོའི་ཟླ་༨པའི་ནང་ནས་བཟུང་སྟེ་ཚོགས་མི་དག་སུ་ཡིན་གཏན་འཁེལ་མི་བྱེད་ཐབས་མེད་བྱུང་། དེ་ནི་ངེད་ཅག་གི་ཐོག་མའི་དམིགས་འདུན་དང་འགལ་བ་ཞིག་ཡིན་པ་དང་ཐབས་ཟད་རྗེས་ཀྱི་ཐབས་ཤིག་ཀྱང་ཡིན།
  ༢༠༡༡ལོར་ང་དང་གྲོགས་པོ་འགའང་སྙན་ངག་གི་ཚོགས་པ་དེ་ལས་ཕྱིར་བུད་པ་ཡིན། འབུད་དོན་ནི་ཚོགས་པའི་མིང་ཙམ་ལས་དེ་སྔའི་བསྒྲགས་གཏམ་གྱི་སྙིང་དོན་རྩ་བ་ནས་བོར་ཟིན་པ་དང་། ཚོགས་མི་མང་ཤོས་ནི་དེ་འདྲའི་མིང་སྐམ་ཁུར་ནས་སྡོད་པ་ལས་གསར་གཏོད་ཀྱི་སྤོབས་པས་དབུལ་བས་ཡིན། ཁོ་བོ་རང་ལ་མཚོན་ན། རང་ཉིད་ཞུགས་སའི་སྙན་ངག་གི་ཚོགས་པ་དེ་ནི་ཚ་ཚ་འུར་འུར་དང་། ཚེ་སྲོག་གི་དཔལ་གྱིས་བརྟས་པ། སྙིང་སྟོབས་དང་ཤེས་རབ་ཀྱིས་ཕྱུག་པ་ཞིག་ཡིན་འོས་པ་ལས་རྒན་པོ་འགས་སྡེ་དོན་གླེང་ས་ལྟ་བུ་ཞིག་ཏུ་གྱུར་སོང་ཚེ་དེ་ལས་ཚོར་བ་གསར་བ་ཅི་ཡང་མི་རྙེད།

 ༢.ཁྱེད་ཀྱིས་བལྟས་ན་མི་རབས་གསུམ་པ་ཟེར་བ་དེ་ཅི་འདྲ་ཞིག་ལ་ཟེར་གྱི་ཡོད་དམ།
  ལན། དེ་ནི་བདག་གིས་སྔོན་ཆད་ཐེངས་མང་པོར་བཤད་ཟིན་པ་སྟེ། དང་པོ་ང་ཚོས་གཅིག་ནས་དུས་རབས་ཉི་ཤུ་བའི་ལོ་རབས་བདུན་ཅུ་བ་དང་བརྒྱད་ཅུ་བའི་ནང་དུ་སྐྱེས་པའི་བོད་ཀྱི་སྙན་ངག་པ་ཚོའི་སྤྱི་མིང་དང་་གཉིས་ནས་རྩོམ་ཐབས་དང་བསམ་བློའི་ཆ་ནས་སྔོན་མའི་མི་རབས་གཉིས་ཀ་དང་མི་འདྲ་བའི་ཁྱད་ཆོས་ལྡན་པའི་སྙན་ངག་པའི་དཔུང་སྡེ་ཞིག་ལ་ཟེར་གྱི་ཡོད། འོན་ཀྱང་འདུ་ཚོགས་གཉིས་པ་ནས་བཟུང་སྟེ་ཚོགས་མི་གཏན་འཁེལ་བྱས་ཟིན་པའི་སྙན་ངག་གི་ཚོགས་པ་དེ་ལ་ངོས་འཛིན་གྱི་ཡོད།

  ༣.ཁྱེད་རང་གི་བསམ་པར་མི་རབས་གསུམ་པའི་སྙན་ངག་ལ་དེང་རབས་ཀྱི་མི་རབས་སྔོན་མ་རྣམས་ཀྱི་སྙན་ངག་དང་མ་འདྲ་བའི་ཁྱད་ཆོས་གང་དང་གང་འདུག  མི་རབས་གསུམ་པའི་སྙན་ངག་མི་རབས་སྔོན་མ་རྣམས་ལས་ཕར་བརྒལ་བྱས་ཡོད་དམ། ཡོད་ན་ཅི་ལྟར་ཡོད་པ་དཔེ་མཚོན་དང་བཅས་གསུང་རོགས།
  ལན། དེའང་འདུ་ཚོགས་ཐེངས་དང་པོའི་སྐབས་སུ་ཕྲན་གྱིས་འདི་ནི་ཡ་མ་གཟུགས་ཀྱི་འཇིག་རྟེན་ཡ་མ་གཟུགས་སུ་མཐོང་སའི་མེ་ལོང་ཆག་པོ་ཞིག་ལས་གཞན་ཅི་ཡང་མ་ཡིན་མོད་དེ་ཉིད་སློབ་དཔོན་དབྱུག་པ་ཅན་གྱི་ལག་གི་སྨྱུག་མ་ཚིགས་དྲུག་གི་དབྱུག་པ་དེ་དང་ཆོས་གླུ་ལེན་མཁན་ཚོའི་ཕྱག་གི་བསྟོད་པའི་ལྷ་དར་དཀར་བོ་དང་མི་འདྲ་ལ་དོན་གྲུབ་རྒྱལ་རང་གྲོལ་ལགས་ལྕེབས་སུ་འཇུག་བྱེད་ཀྱི་ལྕགས་ཐག་ཕྲ་མོ་དེ་དང་འཇུ་སྐལ་བཟང་ལགས་ཀྱིས་རྟག་པར་འབུད་དཀྲོལ་བྱེད་ཀྱིན་པའི་རང་སེམས་གསོ་བའི་རྒྱ་གླིང་དང་སྒྲ་སྙན་འབྲུག་མགོ་མ་དང་ཡང་མི་འདྲའོ།། ཏག་ཏག་ལྷ་ཡིན་ན་ཕྱག་ཆ་དང་བདུད་ཡིན་ན་མཚོན་ཆ་མི་འདྲ་བའི་དབང་བའི་ང་ཚོའི་མིང་ལ་མི་རབས་གསུམ་པ་ཟེར་བ་ཡིན་ཞེས་རང་གི་སེམས་ཀྱི་འདུན་པ་ཉིད་མཚོན་བྱེད་ཀྱི་སྐད་ཆ་དེ་འདྲ་ཞིག་ལབ་ཡོད། དེའང་མི་རབས་སྔོན་མ་གཉིས་ཀྱི་སྐབས་སུ་བོད་ཀྱི་སྙན་ངག་དེ་གསར་བརྗེའི་ཁ་གཡང་ལྟ་བུའི་འབོད་ཚིག་སྒྲོག་པ་དང་། ཚོར་བ་ཤུགས་དྲག་པོའི་ངང་ནས་རང་གི་བརྩེ་བ་མཚོན་པ། ཕྱི་རོལ་ཡུལ་ཀྱི་རྣམ་པ་གང་ཞིག་སྙན་ངག་པའི་མཐོང་སྣང་ལྟར་ཞིབ་འབྲི་བྱེད་པ་སོགས་སུ་འདུ་ཞིང་བརྗོད་བྱའང་སྤྱི་བམ་པ་དང་། རགས་པ་ཉིད་དུ་གྱུར་ཡོད། མི་རབས་གསུམ་པ་བས་སྨྱུག་ཁ་སྐྱེས་བུ་རང་ཉིད་ལ་བསྐོར་ཏེ་མི་རང་ཉིད་དང་སྤྱི་བའི་བར་གྱི་འགལ་བའི་ཆ་དེ་བཙལ་ནས་མི་རང་གི་རང་གི་རིན་ཐང་གམ་གོ་གནས་བསྐྱར་དུ་བཙལ་ཅིང་སྤྱི་བའི་སྣང་ངོ་ན་རྒྱུ་མཚན་མེད་པ་དག་ལ་གསར་དུ་རྒྱུ་མཚན་བཙལ་བ་རེད། དེ་ལྟ་བུའི་བསམ་བློས་སྣ་དྲངས་ཏེ་སྔོན་ཆད་ཀྱི་མེ་ཏོག་དང་། སྤྲིན་དཀར། སྤང་ལྗོངས། འབྲོང་གཡག་སོགས་ཀྱིས་གྲུབ་པའི་བོད་ཀྱི་སྙན་ངག་དེ་སྡོད་ཁང་དང་། སྨད་ཚོང་མ། རྐང་སྣམ་ཁ་ཐིག རོ་སྒམ་སོགས་ཀྱིས་གྲུབ་པའི་སྙན་ངག་གསར་བ་ཞིག་ཏུ་བཅོས་འདུག གསལ་པོར་བཤད་ན་མི་རབས་གསུམ་པ་ཚོས་མེ་ལོང་མའི་ལུགས་དང་། དོན་གྲུབ་རྒྱལ་གྱི་ལུགས། འཇུ་སྐལ་བཟང་གི་ལུགས་བཅས་སྙན་ངག་གི་ལམ་ཀ་དེ་གསུམ་པོ་སྲོལ་རྒྱུན་སྙན་ངག་ཏུ་ངོས་འཛིན་ཞིང་ཁོ་ཚོ་རང་གིས་འབྲི་བཞིན་པ་དེ་ད་གཟོད་སྙན་ངག་གསར་བར་རྩི་བཞིན་ཡོད།

༤.མི་རབས་གསུམ་པས་བོད་ཀྱི་སྙན་ངག་ལ་རྩོམ་ཐབས་དང་རྩོམ་སྟངས། བརྗོད་བྱ་གསར་བའི་རིགས་ངོ་སྤྲོད་ཅི་དང་ཅི་བྱས་ཡོད་དམ།
   ལན། དེའང་མི་རབས་གསུམ་པའི་སྙན་ངག་པ་དག་གི་རྩོམ་ཐབས་ཀྱང་རྦད་དེ་འདྲ་བ་མ་ཡིན་པར་རིགས་སྣ་ཚོགས་སུ་ངེས་ཤིང་། སྙན་ངག་པ་མི་གཅིག་གི་རྩོམ་སྟངས་ཀྱང་རྣམ་པ་སྣ་ཚོགས་སུ་ངེས་པས་དེ་དག་རེ་རེ་བཞིན་ངོ་སྤྲོད་པ་ནི་ཚེགས་ཆེ་བའི་ལས་ཀ་ཞིག་རེད། ལས་ཀ་དེ་ནི་བོད་ཀྱི་རྩོམ་རིག་ལ་ཞིབ་འཇུག་བྱེད་མཁན་ཚོའི་ལས་ཀ་ཞིག་ཀྱང་རེད་སྙམ། དཔེར་ན་རེ་རྐང་གླིང་དང་མདའ་བཙན་པོ་གཉིས་ཀྱི་རྩོམ་ཐབས་གཏན་ནས་མི་འདྲ་བ་དང་། ལྡོང་བུ་དང་མཚོ་བུ་དགའ་བདེ་གཉིས་ཀྱི་རྩོམ་ཐབས་ཀྱང་གཏན་ནས་འདྲ་བ་མ་རེད། འོན་ཀྱང་སྤྱིའི་ཆ་ནས་བརྟག་ན་དོན་གྲུབ་རྒྱལ་དང་འཇུ་སྐལ་བཟང་སོགས་ཀྱི་རྩོམ་ཐབས་དང་གཏན་ནས་མི་འདྲ་བའི་ལམ་ཀ་ཞིག་བདམས་པ་ནི་མི་རབས་གསུམ་པ་བ་ཚོའི་ཁྱད་ཆོས་གཙོ་བོ་རེད་སྙམ། དཔེར་ན་མདའ་བཙན་པོའི་སྙན་ངག་ནི་ཁ་རི་ཁ་ཐུག་གི་ཚོར་བ་ཤུགས་ཆེ་ཞིང་དམོད་ཚིག་གིས་ཀུན་ནས་ཁྱབ་པ་དང་། མཚོ་བུ་དགའ་བདེའི་སྙན་ངག་ནི་ལོ་རྒྱུས་ཀྱི་བརྡབ་གསིག་ཁྲོད་ནས་རང་གི་རིན་ཐང་བསྐྱར་དུ་འཚོལ་བའི་འདུན་པས་ཟིན་པ། རེ་རྐང་གླིང་གི་སྙན་ངག་ནི་སྲོལ་རྒྱུན་གྱི་ཀུན་སྤྱོད་ལ་འགྲན་སློང་བའི་སྙིང་སྟོབས་ཀྱིས་ཁེངས་པ། ལྡོང་བུའི་སྙན་ངག་ནི་གསང་བའི་འཇིག་རྟེན་ལ་དཔྱོད་པའི་ཤེས་རབ་ཀྱིས་བརྒྱན་པ། ཚེ་རིང་སྐྱིད་ཀྱི་སྙན་ངག་ནི་བུད་མེད་ཀྱི་བརྩེ་བ་དང་གདུང་བ་ཉིད་མཚོན་པའི་ཞི་དུལ་གྱིས་མཛེས་པ། རྨོག་ཤེར་གྱི་སྙན་ངག་ནི་ཐ་སྙད་དང་ཚིག་གི་བསླུ་བྲིད་ཀྱིས་དྲངས་པ་སོགས་ཁྱད་ཆོས་རྣམ་པ་སྣ་ཚོགས་འདུག  

 ༥.མི་རབས་གསུམ་པས་ད་དུང་ཡང་མང་ཆེ་བར་རང་མོས་སྙན་ངག་གི་ལུས་བེད་སྤྱོད་བྱེད་ཀྱིན་འདུག ཁོང་ཚོ་རང་གྲོལ་ལས་ཕར་བརྒལ་བྱས་ཡོད་དམ། རང་གྲོལ་དང་ལྗང་བུ་སོགས་ཀྱིས་རང་མོས་སྙན་ངག་འབྲི་སྟངས་ལ་ཡར་རྒྱས་གང་འདྲ་བཏང་ཡོད་དམ།
   ལན། སྤྱིར་བདག་ནི་རྩོམ་རིག་གི་ངོས་ནས་ཕར་བརྒལ་དང་འཕེལ་རྒྱས་ལ་སོགས་པའི་ཐ་སྙད་བེད་སྤྱོད་པར་དགའ་བོ་མེད། སྔོན་ཆད་ཀྱི་འབྲི་ཐབས་དང་མི་འདྲ་བ་ཞིག་ཡོད་པར་གྱུར་ཚེ་སྔོན་མའི་འབྲི་ཐབས་དེ་ཕུན་སུམ་ཚོགས་པར་བཏང་བ་རེད། དེའི་ཕྱིར་འབྲི་ཐབས་གསར་བའི་རིགས་ཀྱི་རིན་ཐང་ཡང་སྔོན་མ་ཉིད་ཕུན་སུམ་ཚོགས་པར་བཏང་བའི་ངོས་ནས་འཇོག་དགོས་པ་ལས་སྔོན་མ་ཉིད་མེད་པར་གཏོང་དགོས་པ་ལྟ་བུ་གཞིར་བཟུང་ན་མ་ལེགས་པར་སྙམ།   བདག་གིས་བསམ་ན། རང་གྲོལ་དང་ལྗང་བུ་གཉིས་ནི་བསམ་བློ་གཏོང་སྟངས་དང་། འཚོ་བ་རོལ་ཚུལ། སྙན་ངག་འབྲི་སྟངས། ཐོས་བསམ་བྱེད་སྟངས་སོགས་གང་གི་ཆ་ནས་ཀྱང་གཏན་ནས་མི་འདྲ་བའི་མི་གཉིས་ཡིན་པར་མ་ཟད། ལྗང་བུ་ལགས་ནི་དུས་སྐབས་དེའི་སྙན་ངག་པ་བྱིངས་དང་མི་འདྲ་བའི་སྙན་ངག་པ་ཞིག་ཀྱང་རེད། དེ་བས་དཔྱད་རྩོམ་རིང་མོ་ཞིག་གིས་མ་གཏོགས་སྐད་ཆ་ཐུང་ཐུང་ཞིག་གིས་དྲི་བ་འདིར་ལན་གདབ་དཀའ་བར་སྣང་།

༦.ལྗང་བུའི་གཟི་མིག་དགུ་བའི་སྙན་ངག་དང་མི་རབས་གསུམ་པའི་སྙན་ངག་གཉིས་ལ་འདྲ་ས་མང་པོ་ཞིག་འདུག་བསམ། ཕལ་བའི་ཐ་སྙད་བེད་སྤྱོད་གཏོང་སྟངས། ལྐོག་གྱུར་གྱི་བརྗོད་བྱ། རྟོག་གེའི་བསམ་བློ། གཟུགས་བརྙན་བཞེངས་སྟངས་དང་དཔེ་མཚོན་འཇོག་སྟངས་སོགས་ཀྱི་ཐད་འདྲ་ས་འདུག་སྙམ། ལྗང་བུའི་སྙན་ངག་གིས་ཁྱེད་ལ་བག་ཆགས་བཞག་ཡོད་དམ། ཡོད་ན་ཅི་ལྟར་བཞག་ཡོད་པ་དཔེ་མཚོན་དང་བཅས་གསུང་རོགས།
    ལན། བདག་གིས་བསམ་ན་ལྗང་བུ་དང་འཇུ་སྐལ་བཟང་གཉིས་ནི་བོད་ཀྱི་སྙན་ངག་པ་ཡག་ཤོས་གཉིས་ཀ་རེད་སྙམ། སྤྱིར་རང་གྲོལ་གྱི་རྗེས་ནས་བོད་ལ་རང་མོས་སྙན་ངག་གམ་དེང་རབས་སྙན་ངག་འབྲི་མཁན་མང་པོ་བྱུང་ཡོད་ནའང་མང་ཤོས་ཀྱིས་དཔེ་འགོད་སྟངས་དང་། གཟུགས་བཞེངས་སྟངས། ཚོར་བ་འབྲི་སྟངས་སོགས་མཐའ་དག་སྲོལ་རྒྱུན་གྱི་འབྲི་ཐབས་ལས་འདའ་མེད་ལ། སྤྱི་བའི་མཛེས་དཔྱོད་ཀྱི་ལྟ་བ་ལས་ཀྱང་འབུད་ཐུབ་མེད། བདག་གིས་ལོ་ན་ཕྲ་བའི་དུས་སུ་ལྗང་བུ་མ་ཟད་བོད་ཀྱི་ཅུང་གྲགས་ཆེ་བའི་སྙན་ངག་པ་མཐའ་དག་ལ་ལད་མོ་བྱས་མྱོང་བས་ཁོ་ཚོའི་བག་ཆགས་མེད་པ་ག་ལ་སྲིད། དེ་ལས་ལྗང་བུའི་བག་ཆགས་ནི་བབ་ཆགས་པའི་ཐ་སྙད་བཀོལ་སྟངས་དང་ལྷོད་ཆགས་པའི་ཚིག་བསྡེབ་རྒྱུ་སོགས་ཡིན་པར་སྙམ། དཔེར་ན་ལྗང་བུའི་སྙན་དེབ༼གཟི་མིག་དགུ་བ༽པར་སྐྲུན་མ་བྱས་པའི་སྔོན་དུ་མདོ་སྨད་ཕྱོགས་ཀྱི་སྙན་ངག་པའི་ཁྲོད་དུ་དབུས་སྐད་ཀྱི༼ག་རེ་འདུག༽སོགས་བེད་སྤྱོད་མཁན་ཉུང་ནའང་དེའི་རྗེས་སུ་དབུས་སྐད་ཀྱི་ཉམས་ལྷོད་པོ་དེ་དག་ལ་རེ་ཞིག་ཨ་གསར་བྱས་པ་རེད།

  ༧.ཉིད་ཀྱིས་བསམ་པར་ལྗང་བུའི་སྙན་ངག་ཡག་ཤོས་གང་རེད།
  ལན། ང་རང་ཆེས་དགའ་སའི་ལྗང་བུའི་སྙན་ངག་ནི༼ལྗང་བུའི་སྙན་ངག་དེབ༽ནང་གི་ཆེས་གོ་དཀའ་བའི་རིགས་དེ་དག་དང་། ༼གཟི་མིག་དགུ་བ༽འི་ཁྲོད་ཀྱི༼དྲི་བ༽དང་། ༼ནོར་བུ༽སོགས་ཡིན་པར་སྙམ། གོ་དཀའ་བ་དེ་དག་ནི་གབ་ལན་རྙེད་དཀའ་བའི་གབ་ཚིག་ཅིག་དང་བསླུ་བྲིད་བྱེད་མཁས་པའི་མཛེས་མ་ཞིག་དང་འདྲ་བར་ཁྱོད་ཀྱི་རྟོག་པའི་དབྱིངས་ནས་མི་ནུབ་པར་ཡོད་ཅིང་། ༼གཟི་མིག་དགུ་བ༽བའི་ནང་གི་སྙན་ངག་དེ་དག་ནི་རེག་ན་མེད་པར་འགྱུར་ཅིང་མ་བཅར་ན་གསལ་བོར་མི་མཐོང་བའི་མེ་ཏོག་རེ་དང་འདྲ་བར་ཤིན་ཏུ་མཛེས་པའི་གཟུགས་སུ་བཞེངས་ཡོད་པ་རེད།

༨.ཁྱེད་ཀྱིས་མི་རབས་གསུམ་པའི་ཚབ་མཚོན་སྙན་ངག་གང་དག་རེད་བསམ། སྙན་ངག་གང་དང་སྙན་ངག་པ་སུ་ཡག་ཤོས་རེད་བསམ།
  ལན། མི་རབས་གསུམ་པའི་ཚབ་མཚོན་སྙན་ངག་ནི་མདའ་བཙན་པོའི༼སློབ་ཁྲིད་སྟེགས་བུའི་ཁྲོད་ནས་རྩིས་རིག་ལ་སྡིགས་དམོད་བྱས་པ༽དང་། རེ་རྐང་གླིང་གི༼སྨད་འཚོང་མ་སངས་རྒྱས་སྒྲོལ་མར་ཕུལ་བ༽གུས་པོའི༼ཚོར་བ་རབ་རིབ༽སོགས་ཡིན་པར་སྙམ། མི་རབས་གསུམ་པའི་ཚགས་དེབ་སོགས་སུ་བཀོད་པའི་སྙན་ངག་དེ་དག་ནི་ཡག་ཤོས་རེད་སྙམ་ལ། སྙན་ངག་པ་ནི་མི་རབས་གསུམ་པའི་ཚབ་མཚོན་སྙན་ངག་པའི་བྱ་དགའ་ཐོབ་སའི་སྙན་ངག་པ་དེ་དག་ཡག་ཤོས་རེད་སྙམ།

 ༩.ཁྱེད་ཀྱིས་རང་ཉིད་ཀྱི་སྙན་ངག་ཡག་ཤོས་དེ་གང་རེད་འདོད། ཁྱེད་ཀྱི་སྙན་ངག་གང་གིས་མི་རབས་གསུམ་པ་མཚོན་ཐུབ་ཀྱི་འདུག
  ལན། ཞིབ་ཏུ་བསམ་ན། བདག་གི་སྙན་ངག་རྣམས་ནི་དྲང་ཐིག་གཅིག་གི་སྟེང་དུ་བབས་པའི་འབུ་སྲིན་ཁྱུ་གཅིག་དང་འདྲ་བར་ལོགས་སུ་དགར་ཆོག་པ་ཞིག་དང་དམིགས་བསལ་བ་གང་ཡང་མེད་པར་སྙམ། དེ་བས་འདི་ནི་སྙན་ངག་ཡག་ཤོས་རེད་ཅེས་བསལ་རྒྱུ་དེ་ཤིན་ཏུ་དཀའ་བ་རེད། དེ་བསལ་རྒྱུ་ནི་ང་ལ་མཚོན་ན་མུན་དོང་ཞིག་ཏུ་ལྕེབས་རྒྱུ་ལས་དཀའ་བར་སྣང་། ངའི་སྙན་ངག་ལས༼མི་རབས་གསུམ་པ༽དང་། ༼ཚོར་བ་རབ་རིབ༽སོགས་ཀྱིས་མི་རབས་གསུམ་པ་མཚོན་གྱི་ཨེ་འདུག་གམ། དེའང་གསལ་པོ་ཞིག་ཤེས་མ་བྱུང་།

  ༡༠.མི་རབས་གསུམ་པས་དེང་རབས་བོད་ཀྱི་རྩོམ་རིག་ལ་གྲུབ་འབྲས་ཅི་ཞིག་བླངས་ཡོད་སྙམ།
  ལན། མི་རབས་གསུམ་པ་བོད་ཀྱི་རྩོམ་སྟེགས་སུ་བུད་མ་ཐག་མི་མང་པོ་ཞིག་གིས་ཡིན་མིན་གྱི་གཏམ་མང་པོ་ཞིག་ལབ་ཅིང་། ལྷག་པར་དུ་མི་རབས་གསུམ་པའི་ཁྱད་ཆོས་ནི་གཅེར་བུར་བུད་པ་ལྟ་བུར་ངོས་བཟུང་སྟེ་དེའི་གྲས་སུ་ཡོད་པ་ནི་ངོ་ཚ་དགོས་པའི་དོན་ཞིག་ཏུ་བརྩིས་ལ་དེའི་གྲས་སུ་ཞུགས་ཚེ་༼མི་ཁ༽འང་འཁོར་མྱོང་། དེ་འདྲའི་གླེང་གཞི་ནི་ཀློག་མཁན་རྣམས་མ་ཟད་ཟི་ལིང་སོགས་སུ་ཡོད་པའི་བོད་ཀྱི༼ཤེས་ཡོན་པ༽དག་གིས་བཟོས་པ་རེད། ཡིན་ནའང་ལྡོག་ཕྱོགས་ཀྱི་གླེང་གཞི་དེའི་ཞོར་དུ་མི་རབས་གསུམ་པས་བོད་ཀྱི་རྩོམ་སྟེགས་སུ་རིགས་དང་རྣམ་པ་མི་འདྲ་བའི་སྙན་ངག་འབོར་ཆེན་ཞིག་བསྐྱལ་ཡོང་ལ་རྗོད་སྟངས་དང་མཚོན་ཐབས་མི་འདྲ་བའི་སྙན་ངག་གི་འཇིག་རྟེན་ཞིག་ཀྱང་བཞེངས་ཡོད་པར་སྙམ། གསལ་པོར་བཤད་ན་འདུ་འཛོམས་ཀྱི་དུས་སུ་ཨ་རག་གིས་བད་དེ་འུར་རྒྱག་པ་ནི་མི་རབས་གསུམ་པ་ཚོར་མཚོན་ན་སྒེར་ངོས་ཀྱི་དོན་ཞིག་ཡིན་ལ་དེ་ནི་མགྲོན་ཁང་དང་ཟ་ཁང་གི་ནང་ལས་འདས་མེད། དེ་འདྲའི་དོན་ནི་མི་མང་པོ་འདུ་འཛོམས་བྱ་ས་གང་དུའང་མཐོང་རྒྱུ་ཡོད་པས་ཧ་ལས་དགོས་པ་ཞིག་མིན། ཧ་ལས་དགོས་པ་ནི་མི་རབས་གསུམ་པའི་མཛེས་པར་དཔྱོད་པའི་བློ་གསར་བ་དེ་ཡིན་ཞིང་དེ་ནི་བོད་ཀྱི་རྩོམ་རིག་གི་སྐྱེད་ཚལ་ལ་མཚོན་ན་སྔོན་ཆད་ཀྱི་པད་མ་དེ་མིན་པའི་ཁ་དོག་སྣ་ཚོགས་སུ་ངེས་པའི་རྒྱ་སེ་ཆུན་པོ་དེ་རེད།

  ༡༡.མི་རབས་གསུམ་པའི་སྙན་ངག་པ་མང་པོ་ཞིག་ལ་ཕལ་ཆེར་བློ་སྐྱེད་ནུབ་ཕྱོགས་ཀྱི་དེང་རབས་རིང་ལུགས་ཀྱི་སྙན་ངག་ལས་ཐེབས་ཀྱི་ཡོད་པ་འདྲ། ནུབ་ཕྱོགས་ཀྱི་སྙན་ངག་པ་སུས་ཁྱེད་ལ་ཤུགས་རྐྱེན་ཐེབས་ཡོད། རྩོམ་སྟངས་དང་མཚོན་ཐབས་གང་བློ་ལ་འབབ་ཤོས་རེད།  བོད་ཀྱི་དེང་རབས་རྩོམ་རིག་ཏུ་རྩོམ་ཐབས་དང་བསམ་བློའི་རིགས་ནང་འདྲེན་ཅི་ཞིག་བྱས་ཡོད།
   ལན། བདག་ལ་མཚོན་ན་ནུབ་ཀྱི་སྙན་ངག་པ་ཧྥ་རན་སེའི་བྷོ་དྷི་ལེར་(Charles Pierre Baudelaire)དང་ཨོ་སི་ཐྲི་ཡའི་ལེར་ཁེ(Rainer Maria Rilke) ཨ་རྗེན་ཐེན་གྱི་བྷོར་ཧེ་ཞི(Jorge Luis Borges)ལ་དགའ་གུས་ཚད་མེད་ཡོད།  རྩོམ་སྟངས་ཀྱི་ཆ་ནས་བསྡུས་བརྗོད་རིང་ལུགས་པའམ་མཚོན་དོན་རིང་ལུགས་པ་དང་། དངོས་ཡོད་ལས་བརྒལ་བའི་རིང་ལུགས་པ། ཡིད་བརྙན་པ་སོགས་ལ་དགའ་བོ་ཡོད། ནང་འདྲེན་བྱས་ཡོད་མེད་ཀྱི་ཐད་ནས་བཤད་ཁག་པོ་ཡིན་པ་འདྲ།

  ༡༢.དེང་རབས་རིང་ལུགས་ཟེར་བ་དེ་ཁྱེད་ཀྱིས་ཅི་འདྲ་ཞིག་ལ་ངོས་འཛིན་བྱེད་ཀྱི་ཡོད། ཁྱེད་ཀྱིས་བལྟས་ན་དེང་རབས་རིང་ལུགས་པའི་རྩོམ་ཐབས་ལེགས་ཤོས་རིགས་གང་དག་རེད་འདོད། ཁོང་ཚོའི་བསམ་བློའམ་ལྟ་གྲུབ་གཙོ་བོ་ཅི་རེད་བསམ།
  ལན། རྩོམ་རིག་ལོ་རྒྱུས་ཀྱི་ངོས་ནས་བདག་གིས་དེང་རབས་རིང་ལུགས་ཟེར་བ་དེ་མཐའ་དཔྱོད་དངོས་ཡོད་རིང་ལུགས་སོགས་ཀྱི་རྗེས་དང་བཟོ་ལས་གསར་བརྗེའི་རྗེས་ནས་བྱུང་བའི་ནུབ་ཀྱི་རྩོམ་ཐབས་གསར་བ་ཁག་ལ་གོ་བཞིན་ཡོད་ལ་བོད་ཀྱི་རྩོམ་རིག་ལ་མཚོན་ན་དེང་རབས་རིང་ལུགས་ཞེས་པའི་ཐ་སྙད་དེ་བེད་ཇི་ལྟར་སྤྱད་དགོས་པ་གསལ་བོ་ཤེས་ཀྱི་མེད། དེའང་དེང་རབས་ཞེས་པའི་ལྡོག་ཕྱོགས་ཀྱི་ཁ་གཏོད་ཡུལ་ནི་རང་བྱུང་ཡིན་ལ་མི་རྣམས་རང་བྱུང་གི་འཚོ་བ་དང་གྱེས་ཏེ་གྲོང་ཁྱེར་ཆེན་པོའི་འཕྲུལ་འཁོར་གྱི་ལྷུ་ལག་ལྟ་བུར་གྱུར་བའི་རྗེས་སུ་ད་གཟོད་དེང་རབས་ཞེས་པའི་ཐ་སྙད་དེ་བྱུང་བ་རེད་སྙམ། བདག་གིས་དེང་རབས་རིང་ལུགས་ཀྱི་རྩོམ་ཐབས་གང་ཡིན་ཡང་དགའ་བོ་བྱེད་ཀྱི་ཡོད། ཁོང་ཚོའི་བསམ་བློའམ་ལྟ་གྲུབ་ལའང་རྩོམ་བྱུང་ལོ་རྒྱུས་དང་རྩོམ་རིག་གི་གཞུང་ལུགས་ཁག་ཏུ་གསལ་བ་ལྟར་གོ་བ་ལེན་གྱི་ཡོད།

  ༡༣.ནུབ་ཕྱོགས་དེང་རབས་རིང་ལུགས་ནི་སྒྱུ་རྩལ་གྱི་ལས་འགུལ་ཆེན་མོ་ཞིག་ཡིན་དུས། ཁྱེད་ལ་དེང་རབས་སྙན་ངག་མ་གཏོགས། སྒྱུ་རྩལ་གྱི་རིགས་གཞན་དང་། ལོ་རྒྱུས། ཆབ་སྲིད། རྟོག་གེ་རིག་པ་སོགས་ལ་བཟུང་བའི་དེང་རབས་རིང་ལུགས་ཀྱི་ལངས་ཕྱོགས་རིགས་ལ་རྒྱུས་ལོན་ཡོད་དམ།  ཡོད་ན་གང་དག་ལ་རྒྱུས་མངའ་ཡོད་པ་གསུང་རོགས།
 ལན། སྤྱིར་བདག་ནི་སྙན་ངག་མ་གཏོགས་པའི་སྒྱུ་རྩལ་གྱི་རྣམ་པ་གཞན་དག་སྟེ་རོལ་མོ་དང་། རི་མོ། གློག་བརྙན་སོགས་ལ་ཤིན་ཏུ་དགའ་མོས་བྱེད་མཁན་ཞིག་ཡིན་པར་མ་ཟད་མཚན་ཉིད་རིག་པའི་ཕྱོགས་ལའང་སྤྲོ་བ་ཆེས་ཆེར་ཡོད་པ་ཞིག་ཡིན།  དཔེར་ན།  རི་མོ་བ་van Goghདང་། Salvador Dali དེ་མིན་Picassoསོགས་ཀྱི་སྒྱུ་རྩལ་གྱི་འཚོ་བ་ཇི་ལྟར་རོལ་བའི་སྐོར་ནི་བདག་ལ་མཚོན་ན་འགུག་ཤུགས་ཤིན་ཏུ་ཆེ་བ་ཞིག་རེད། ཧྥ་རན་སེའི་ཁུངས་འཆལ་བའི་ལུགས་ཀྱི་ཟློས་གར་བ་Eugene Ionescoལ་བཅར་འདྲི་བྱས་པའི་དེབ་ཅིག་ཡོད་པ་དེ་བདག་གིས་ཡང་དང་བསྐྱར་དུ་བཀླགས་པ་དང་། ཁོང་གི་ཟློས་གར་གྱི་འཁྲབ་གཞུང་དང་མི་ཚེའི་ལྟ་བ་ལ་གོ་བ་ཡག་པོ་ཞིག་ལོན་རྗེས་Albert Camusཡི་མཚན་ཉིད་རིག་པའི་གཞུང་དང་། བརྩམས་སྒྲུང་སོགས་ལ་ཞེ་དྲགས་དགའ་བོ་བྱུང་ཞིང་། མི་ཚེ་འདི་ཁུངས་མེད་ལུང་མེད་ཡིན་པའི་ལྟ་བ་དེ་རྒྱུད་ལ་བརྟན་པོར་ཆགས་པར་གྱུར། དེ་ནི་ཆུང་ངུའི་དུས་ནས་ནང་བསྟན་གྱི་བག་ཆགས་ཟབ་མོ་ཡོད་པ་དེ་ལ་འགྲེལ་བ་གསར་བ་ཞིག་བྱུང་བ་དང་འདྲ། བརྡ་འཕྲིན་གྱི་ཡོ་བྱད་ཤུགས་ཆེན་པོར་དར་བའི་དེང་གི་དུས་འདིར། བདག་གིས་བོད་ཀྱི་གྲོང་རྡལ་ཆུང་བ་ཞིག་ནས་གློག་བརྙན་དང་རོལ་དབྱངས་ཀྱིས་གཙོས་པའི་འཛམ་གླིང་གི་སྒྱུ་རྩལ་བརྩམས་ཆོས་སྣ་ཚོགས་པ་ཉམས་སུ་མྱོང་ཐུབ་ཀྱི་ཡོད་ལ། དེ་བཞིན་གོ་ལའི་སྟེང་བྱུང་བའི་གསར་བྱུང་གི་གནས་ཚུལ་མཐའ་དག་ཀྱང་ཅི་འདོད་དུ་ཐོས་ཐུབ་ཀྱི་ཡོད། དུས་རབས་ཉེར་གཅིག་པའི་རྗེས་ནས་བཟུང་སྒྱུ་རྩལ་གྱི་བརྩམས་ཆོས་ཅི་རིགས་ནི་སྔོན་ཆད་ལྟར་དེང་རབས་རིང་ལུགས་པའི་དངོས་འབྲས་མ་ཡིན་མོད་འོན་ཀྱང་ཡོ་རོབ་ཀྱི་གློག་བརྙན་མང་པོ་ནས་དེང་རབས་རིང་ལུགས་པའི་ལྟ་གྲུབ་ཀྱི་ཤུལ་རྗེས་ཙམ་མཐོང་ཡོང་གི་འདུག

  ༡༤.དེང་རབས་རིང་ལུགས་ཟེར་བ་འདི་ལོ་རྒྱུས། ཆབ་སྲིད་དང་དཔལ་འབྱོར་སོགས་ཀྱི་འཕེལ་འགྲོས་གློ་བུར་བ་མང་པོ་ཞིག་ལ་བལྟོས་ནས་ཡོང་བ་དེའི་སྐོར་ལ་ཁྱེད་ཀྱིས་ལྟ་ཀློག་སོགས་བྱས་ཡོད་དམ། ཡོད་ན་རྒྱུས་ལོན་བྱས་པ་དེས་ཉིད་ཀྱི་སྙན་ངག་ལ་བག་ཆགས་ཐེབས་ཡོད་དམ།
  ལན། དེའི་སྐོར་རྩོམ་རིག་ལོ་རྒྱུས་སོགས་ལས་ཐེངས་མང་པོར་བཀླགས་པ་ཡིན། དེས་མཐའ་གཅིག་ཏུ་བདག་ལ་ཤུགས་རྐྱེན་ཐེབས་ཡོད་ཅེས་བཤད་དཀའ། ཡིན་ནའང་ཨ་རིའི་Beat Generationཞེས་པའི་སྙན་ངག་གི་ཚོགས་པ་དེས་འཆལ་བོའི་སྤྱོད་པ་སྣ་ཚོགས་དང་བཅས་མི་མང་གི་དབུས་ནས་སྙན་ངག་ཀློག་པའི་ཚུལ་དེ་ཅི་ལྟ་བུ་ཞིག་ཡིན་ནམ་ཞེས་རང་གི་སེམས་ནས་རྟོག་བཟོ་བྱ་དགོས་འདུག་ཅིང་སྐབས་ལ་ལར་དེ་ནི་རང་གིས་དངོས་སུ་བརྒྱུད་ཟིན་པའི་འཚོ་བའི་ལམ་ཀ་ཞིག་ཡིན་པའི་སྣང་བའང་སྟེར། བདག་གིས་བསམ་ན་འཛམ་གླིང་གི་སྙན་ངག་པ་ཡོངས་ལ་ཐུན་མོང་གི་གཤིས་སྤྱོད་ཅིག་ཡོད་པ་འདྲ་སྟེ། དེ་ནི་མངོན་སུམ་གྱི་འཇིག་རྟེན་ལས་འདས་པའི་རྟོག་པའི་འཇིག་རྟེན་ཞིག་ལ་གནས་བཅས་ཏེ། གཞན་དང་མི་འདྲ་བའི་སྤྱོད་ལམ་ཞིག་སྐྱོང་བ་དེ་རེད།

  ༡༥.དེང་རབས་རིང་ལུགས་ཀྱི་སྒྱུ་རྩལ་ཐབས་ལམ་དང་བསམ་བློ་སོགས་དེང་རབས་བོད་ཀྱི་སྤྱི་ཚོགས་དང་རིག་གནས་ལ་གོ་རྟོགས་ཐོབ་པར་ཕན་ནམ།
   ལན། དེ་དངོས་གནས་བཤད་ཁག་པོ་འདུག དགོངས་དག

  ༡༦.བོད་ཀྱི་དགེ་རྒན་ཆེན་མོ་དང་ཤེས་ལྡན་མི་སྣ་གལ་ཆེན་རིགས་ཀྱིས་མི་རབས་གསུམ་པའི་སྙན་ངག་དང་། ལྷག་པར་དུ་ཆགས་སྲེད་བརྗོད་བྱར་བྱས་པའི་སྙན་ངག་ལ་སྐྱོན་བརྗོད་ཚ་ནན་བྱས་ཡོད་པ་རེད་ཟེར། ཡིན་ནའང་ཡིག་ཐོག་ཏུ་དེ་འདྲ་མཐོང་རྒྱུ་ཉུང་། ཁྱེད་ལ་རྩོམ་ཡིག་དེ་འདྲ་ངོ་སྤྲོད་བྱ་རྒྱུ་ཡོད་དམ།
  ལན། ཁོ་ཚོས་ཐད་ཀར་དགག་པ་བརྒྱབ་པའི་རྩོམ་བྲིས་པ་བདག་གིས་ཀྱང་མཐོང་མ་མྱོང་། ཁོ་ཚོས་དེ་འདྲའི་དགག་པ་དེ་ཕལ་ཆེར་སློབ་ཁྲིད་བྱེད་དུས་དང་ཚོགས་འདུ་འཚོགས་དུས། ཡང་ན་ཇ་ཁ་ཆང་ཁ་ནས་བརྒྱབ་པ་ཡིན་ངེས།

  ༡༧.ཁྱེད་ཀྱིས་མི་རབས་གསུམ་པར་བློ་གཟུ་བོས་གདེང་འཇོག་བྱས་པའི་རྩོམ་དེ་འདྲ་མཐོང་མྱོང་ངམ།
  ལན། གང་ལྟར་མི་རབས་གསུམ་པའི་སྐོར་ནས་ཡིན་མིན་གྱི་རྩོམ་སྣ་ཚོགས་བྲིས་ཡོད་པ་མཆོད་མེ་དྲ་བ་དང་དགེ་ཆོས་དྲ་བའི་མི་རབས་གསུམ་པ་ཞེས་པའི་ལེ་ཚན་དུ་གསལ་བས་དེར་གཟིགས་པར་ཞུ།

  ༡༨.མི་རབས་གསུམ་པའི་མི་སྒེར་གྱི་གཤིས་ཀ་གཅིག་པུ་མ་ཡིན་པར་མི་རབས་གསུམ་པའི་སྙན་ངག་རང་ལ་དཔྱད་རྩོམ་བྲིས་པ་དེ་འདྲ་ཡོད་དམ།
  ལན། དེ་འདྲའི་དཔྱད་རྩོམ་མང་པོ་འདུག དཔེར་ན་ཀྲུང་དབྱང་མི་རིགས་སློབ་ཆེན་གྱི་ཞིབ་འཇུག་སློབ་མ་ལྡོང་བུ་ལགས་ཀྱི་མཐར་ཕྱིན་དཔྱད་རྩོམ་ནི་མི་རབས་གསུམ་པའི་སྙན་ངག་མང་པོ་དཔེར་དྲངས་ནས་བྲིས་པ་ཞིག་ཡིན་ལ། ཡང་སློབ་གྲྭ་དེ་ག་ནས་ད་ལོ་མཐར་ཕྱིན་འགྱུར་གྱི་ཞིབ་འཇུག་སློབ་མ་བྱམས་ཕྲུག་བན་ཏེ་མཁར་ལགས་ཀྱི་མཐར་ཕྱིན་དཔྱད་རྩོམ་ཡང་ཕྲན་གྱི་བརྩམས་ཆོས་ལ་དམིགས་སུ་དཔྱད་པ་ཞིག་ཡིན། དེ་བཞིན་ནུབ་བྱང་མི་རིགས་སློབ་ཆེན་གྱི་དངོས་གཞིའི་སློབ་མ་འཇམ་དཔལ་རྡོ་རྗེ་ལགས་ཀྱི་མཐར་ཕྱིན་དཔྱད་རྩོམ་ཡང་ཆེད་དུ་མི་རབས་གསུམ་པའི་སྙན་ངག་ལ་དཔྱད་པ་ཞིག་ཡིན་སྐད།

  ༡༩.ཉིད་ཀྱི་བསམ་པར་མི་རབས་གསུམ་པའི་སྙན་ངག་གི་བཟང་ཆ་དང་སྐྱོན་ཆ་གཙོ་བོ་རྣམས་གང་དག་རེད་བསམ།
  ལན། བཟང་ཆ་ནི་སྔོན་ཆད་ཀྱི་རྩོམ་སྟངས་སྣ་ཚོགས་དང་མི་འདྲ་བའི་རྩོམ་ཐབས་གསར་བ་ཞིག་གིས་བོད་ཀྱི་སྙན་ངག་གི་སྐྱེད་ཚལ་རྣམ་པར་བརྒྱན་པ་དང་། ཞན་ཆ་ནི་བོད་ཀྱི་སྙན་ངག་པ་བྱིངས་བཞིན་དཔེ་ཀློག་གི་མྱོང་བ་ཉུང་བ་དང་། སྒྱུ་རྩལ་གྱི་རྟོག་པ་དམའ་ཞིང་། དེ་ཡི་མཐུ་ཡིས་གསར་གཏོད་ཀྱི་སྤོབས་པའང་ཞན་པར་བྱས་པ་དེ་རེད་སྙམ།

  ༢༠.ད་ལྟ་མི་རབས་གསུམ་པའི་གནས་སྟངས་གང་འདྲ་ཡིན། ཁོང་ཚོའི་ཚོགས་པ་འཐོར་བ་ཡིན་ནམ། ཤོག་ཁ་གཉིས་སུ་གྱེས་པ་ཡིན་ནམ། སྐྱབས་ཆེན་བདེ་གྲོལ་དང་མདའ་བཙན་པོ་སོགས་ཚོགས་པ་ལས་ཐོན་པ་ཡིན་ན་ཚོགས་པའི་ངོ་བོ་འགྱུར་ཡོད་དམ།
  ལན། གང་ལྟར་ཕྲན་དང་མདའ་བཙན་པོ། མཚོ་བུ་དགའ་བདེ། རྨོག་ཤེར་སོགས་དེ་ལས་བུད་ཡོད་པ་དང་། བུད་རྗེས་མི་རབས་གསུམ་པའི་དོན་མཐའ་དག་ངེད་ཅག་དང་འབྲེལ་བ་མེད་ཅེས་བཤད་ཡོད། ཤུལ་ཏུ་ཡོད་པ་དེ་དག་གིས་མི་རབས་གསུམ་པའི་མིང་ཐོག་ནས་ལས་ཀ་ཅི་ཞིག་བསྒྲུབ་ཀྱང་རུང་ངེད་ཅག་ལ་འབྲེལ་བ་ཡོད་པ་མ་ཡིན། གུས་ཕྲན་རང་ངོས་ནས་མི་རབས་གསུམ་པ་ཞེས་པ་དེ་ནི་བོད་ཀྱི་རྩོམ་སྟེགས་སུ་འཁྱུག་ཙམ་བྱས་པའི་གློག་དམར་ཞིག་ལ་ངོས་འཛིན་བཞིན་ཡོད་ཅིང་ད་ལྟ་དེ་ཉིད་ཕྱིར་དྲན་བྱ་རྒྱུ་ཞིག་ལས་ཅི་ཡང་མིན་པར་འདོད། གསལ་པོར་བཤད་ན་གུས་ཕྲན་རང་གི་སེམས་ནས་ཚོགས་པ་དེ་འཇིག་ཟིན་པ་ཡིན།

  ༢༡.ཁྱེད་རང་ལ་བག་ཆགས་ཆེས་གཏིང་ཟབ་འཇོག་མཁན་གྱི་བོད་ཀྱི༼གནའ་དེང་གི༽རྩོམ་པ་པོ་སུ་སུ་ཡོད། ཁྱེད་རང་འདང་རྩིས་ཆེ་བའི་བོད་ཀྱི་བརྩམས་ཆོས་ཤ་ཁས་ཤིག་ངོ་སྤྲོད་གནང་རོགས།
  ལན། ང་རང་ཆེས་དགའ་སའི་བོད་ཀྱི་རྩོམ་པ་པོ་རྣམས་ནི་རྗེ་ཙོང་ཁ་བ་དང་། ཞང་ཞུང་ཆོས་དབང་གྲགས་པ། མི་ལ་རས་པ། གུང་ཐང་བསྟན་པའི་སྒྲོན་མེ། སྒིས་སྟེང་བློ་བཟང་དཔལ་ལྡན། རྡོ་སྦིས་དགེ་བཤེས། དགེ་འདུན་ཆོས་འཕེལ། ལྗང་བུ། གཅན་མེ་སྟག་བཅས་ཡིན་ལ་དེ་སྔ་མི་རབས་གསུམ་པའི་ནང་ཞུགས་པའི་སྙན་ངག་པ་དག་གི་བརྩམས་ཆོས་ལའང་དགའ་བོ་ཡོད།

   རང་གི་ནུས་ཚོད་ཀྱིས་དྲི་ལན་ཞིབ་ཚགས་རྒྱག་རོགས་ཞུ།  ཐུགས་རྗེ་ཆེ། ཁྱེད་ཚོ་ཁ་དྲོ། བཀྲ་ཤིས།

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

མི་རབས་གསུམ་པའི་སྐོར་ནས་ཞིབ་འཇུག་པ་ཞིག་གི་དྲི་བར་ལན་བཏབ་པ།

 
  ༡.ཁྱེད་ཀྱི་མིང་ལ་ཅི་ཟེར། མི་རབས་གསུམ་པར་དུས་ནམ་ཞུགས་པ་དང་ཅིའི་ཕྱིར་ཞུགས་པ་ཡིན་ནམ། ༼ཕྱིར་བུད་ཡོད་ན་ག་དུས་ཅིའི་ཕྱིར་བུད་པ་ཡིན།༽
   ལན། ངའི་མིང་ལ་སྐྱབས་ཆེན་བདེ་གྲོལ་ཟེར་གྱི་ཡོད། ༢༠༠༦ལོར་ངེད་ཅག་གིས་མི་རབས་གསུམ་པའི་མིང་ཐོག་ནས་སྙན་ངག་གི་འདུ་ཚོགས་ཤིག་བསྡུས་པ་དང་དེ་ནས་བཟུང་མི་རབས་གསུམ་པར་ཞུགས་པ་ཡིན་ཞེས་བཤད་ཆོག དེ་ལྟར་བྱེད་དོན་ནི་སྐབས་དེའི་འདུ་ཚོགས་སུ་གསལ་བ་ལྟར་དེ་སྔའི་སྙན་ངག་རྩོམ་ཐབས་མི་འདྲ་བ་གསུམ་སྟེ་མེ་ལོང་མའི་ལུགས་དང༌། དོན་གྲུབ་རྒྱལ་རང་གྲོལ་གྱི་ལུགས། འཇུ་སྐལ་བཟང་གི་ལུགས་བཅས་དང་གྱེས་ཕྱག་འཚལ་བ་དང་མི་རབས་གསུམ་པའི་བརྩམས་ཆོས་དེ་ཡིག་ཐོག་ཁོ་ན་ཙམ་མིན་པར་སྒྲོག་ཀློག་དང་བགྲོ་གླེང་གི་རྣམ་པས་མངོན་དུ་འཇུག་པ། སྙན་ངག་པ་གྲོགས་པོ་དག་མཉམ་དུ་འདུས་ཏེ་སྙན་ངག་དང་འབྲེལ་བའི་ཇ་སྟོན་དང་ཆང་སྟོན་སོགས་ལ་རོལ་ཕྱིར་ཡིན་སྙམ། ༢༠༡༡ལོར་ང་རང་ཚོགས་པ་དེ་ལས་ཕྱིར་བུད་པ་ཡིན། འོན་ཀྱང་འདིར་གསལ་བཤད་བྱེད་དོན་ཞིག་ནི་ངེད་ཅག་གིས་མི་རབས་གསུམ་པ་ཟེར་བའི་མིང་དེ་དང་པོར་འདོགས་དུས་དེ་ཉིད་ནང་དུ་ཞུགས་ཆོག་པ་དང་ཡང་ན་ནང་ནས་འབུད་ཆོག་སའི་སྤྱིར་བཏང་གི་ཚོགས་པ་ལྟ་བུ་ཞིག་མིན་པར། སྐབས་དེར་ལོ་ཚོད་ངེད་ཅག་དང་མཉམ་པའི་བོད་ཀྱི་སྙན་ངག་པ་ཡོངས་ཀྱི་སྤྱི་མིང་ལྟ་བུར་ངོས་འཛིན་གྱི་ཡོད། དཔེར་ན་ངེད་ཅག་གི་ཐེངས་དང་པོའི་འདུ་ཚོགས་སུ་ན་ཚོད་ངེད་ཅག་དང་མཉམ་པའི་མི་སུ་ཡིན་ཡང་དེར་ཞུགས་ཆོག་པའི་སྒོ་མོ་ཕྱེ་ཡོད་པར་མ་ཟད་མི་དེ་དག་གི་མིང་ནས་བགྲང་སྟེ་འདུ་ཚོགས་སུ་ཞུགས་མ་ཐུབ་པར་ཕངས་སེམས་བསྟན་ཡོད། ཡིན་ནའང་མི་འགའ་ཞིག་གིས་ཁོང་ཚོ་འཐད་མིན་ལ་མ་བལྟས་པར་མི་རབས་གསུམ་པ་རུ་བཙན་གྱིས་བཅུག་སོང་ཟེར་ནས་མི་འཐད་པའི་ཚིག་ཀྱང་སྨྲས་ཡོད་ཅིང་དེ་ནི་ཁོང་ཚོས་ངེད་ཅག་གི་སྐབས་དེའི་བསམ་འདུན་ལ་རྒྱུས་ལོན་མ་བྱས་པས་རེད། དཔེར་ན། འདུ་ཚོགས་དེ་བསྡུས་ནས་རིང་པོ་མ་ལོན་པར་འབའ་སེང་སྨྱོན་ལགས་རྐྱེན་ངན་གྱི་རྐྱེན་པས་སྐུ་གཤེགས་ཤིང་ངེད་ཚོས་ཁོང་ལ་མི་རབས་གསུམ་པའི་ཚོགས་མིར་བརྩིས་ཏེ་རྗེས་དྲན་གྱི་ལས་སྣ་ཚོགས་བསྒྲུབས་ཡོད། འོན་ཀྱང་༢༠༠༧ལོའི་ཟླ་དྲུག་པར་ཁྲི་སེམས་དཔས་མི་སྒེར་གྱི་ངོས་ནས་མི་རབས་གསུམ་པ་ལས་བུད་པ་ཡིན་ཞེས་གསལ་བསྒྲགས་ཤིག་སྤེལ་བ་དང་རྗེས་སུ་ད་དུང་མི་རེ་གཉིས་ཀྱིས་ང་རང་མི་རབས་གསུམ་པར་ཞུགས་པ་ཡིན་དང་ཡང་ན་གློ་བུར་བའི་ངང་ནས་བུད་པ་ཡིན་སོགས་དམིགས་ཡུལ་མི་གསལ་བའི་ཚིག་སྨྲས་པས་༢༠༠༧ལོའི་ཟླ་༨པའི་ནང་ནས་བཟུང་སྟེ་ཚོགས་མི་དག་སུ་ཡིན་གཏན་འཁེལ་མི་བྱེད་ཐབས་མེད་བྱུང་། དེ་ནི་ངེད་ཅག་གི་ཐོག་མའི་དམིགས་འདུན་དང་འགལ་བ་ཞིག་ཡིན་པ་དང་ཐབས་ཟད་རྗེས་ཀྱི་ཐབས་ཤིག་ཀྱང་ཡིན།
  ༢༠༡༡ལོར་ང་དང་གྲོགས་པོ་འགའང་སྙན་ངག་གི་ཚོགས་པ་དེ་ལས་ཕྱིར་བུད་པ་ཡིན། འབུད་དོན་ནི་ཚོགས་པའི་མིང་ཙམ་ལས་དེ་སྔའི་བསྒྲགས་གཏམ་གྱི་སྙིང་དོན་རྩ་བ་ནས་བོར་ཟིན་པ་དང་། ཚོགས་མི་མང་ཤོས་ནི་དེ་འདྲའི་མིང་སྐམ་ཁུར་ནས་སྡོད་པ་ལས་གསར་གཏོད་ཀྱི་སྤོབས་པས་དབུལ་བས་ཡིན། ཁོ་བོ་རང་ལ་མཚོན་ན། རང་ཉིད་ཞུགས་སའི་སྙན་ངག་གི་ཚོགས་པ་དེ་ནི་ཚ་ཚ་འུར་འུར་དང་། ཚེ་སྲོག་གི་དཔལ་གྱིས་བརྟས་པ། སྙིང་སྟོབས་དང་ཤེས་རབ་ཀྱིས་ཕྱུག་པ་ཞིག་ཡིན་འོས་པ་ལས་རྒན་པོ་འགས་སྡེ་དོན་གླེང་ས་ལྟ་བུ་ཞིག་ཏུ་གྱུར་སོང་ཚེ་དེ་ལས་ཚོར་བ་གསར་བ་ཅི་ཡང་མི་རྙེད།

 ༢.ཁྱེད་ཀྱིས་བལྟས་ན་མི་རབས་གསུམ་པ་ཟེར་བ་དེ་ཅི་འདྲ་ཞིག་ལ་ཟེར་གྱི་ཡོད་དམ།
  ལན། དེ་ནི་བདག་གིས་སྔོན་ཆད་ཐེངས་མང་པོར་བཤད་ཟིན་པ་སྟེ། དང་པོ་ང་ཚོས་གཅིག་ནས་དུས་རབས་ཉི་ཤུ་བའི་ལོ་རབས་བདུན་ཅུ་བ་དང་བརྒྱད་ཅུ་བའི་ནང་དུ་སྐྱེས་པའི་བོད་ཀྱི་སྙན་ངག་པ་ཚོའི་སྤྱི་མིང་དང་་གཉིས་ནས་རྩོམ་ཐབས་དང་བསམ་བློའི་ཆ་ནས་སྔོན་མའི་མི་རབས་གཉིས་ཀ་དང་མི་འདྲ་བའི་ཁྱད་ཆོས་ལྡན་པའི་སྙན་ངག་པའི་དཔུང་སྡེ་ཞིག་ལ་ཟེར་གྱི་ཡོད། འོན་ཀྱང་འདུ་ཚོགས་གཉིས་པ་ནས་བཟུང་སྟེ་ཚོགས་མི་གཏན་འཁེལ་བྱས་ཟིན་པའི་སྙན་ངག་གི་ཚོགས་པ་དེ་ལ་ངོས་འཛིན་གྱི་ཡོད།

  ༣.ཁྱེད་རང་གི་བསམ་པར་མི་རབས་གསུམ་པའི་སྙན་ངག་ལ་དེང་རབས་ཀྱི་མི་རབས་སྔོན་མ་རྣམས་ཀྱི་སྙན་ངག་དང་མ་འདྲ་བའི་ཁྱད་ཆོས་གང་དང་གང་འདུག  མི་རབས་གསུམ་པའི་སྙན་ངག་མི་རབས་སྔོན་མ་རྣམས་ལས་ཕར་བརྒལ་བྱས་ཡོད་དམ། ཡོད་ན་ཅི་ལྟར་ཡོད་པ་དཔེ་མཚོན་དང་བཅས་གསུང་རོགས།
  ལན། དེའང་འདུ་ཚོགས་ཐེངས་དང་པོའི་སྐབས་སུ་ཕྲན་གྱིས་འདི་ནི་ཡ་མ་གཟུགས་ཀྱི་འཇིག་རྟེན་ཡ་མ་གཟུགས་སུ་མཐོང་སའི་མེ་ལོང་ཆག་པོ་ཞིག་ལས་གཞན་ཅི་ཡང་མ་ཡིན་མོད་དེ་ཉིད་སློབ་དཔོན་དབྱུག་པ་ཅན་གྱི་ལག་གི་སྨྱུག་མ་ཚིགས་དྲུག་གི་དབྱུག་པ་དེ་དང་ཆོས་གླུ་ལེན་མཁན་ཚོའི་ཕྱག་གི་བསྟོད་པའི་ལྷ་དར་དཀར་བོ་དང་མི་འདྲ་ལ་དོན་གྲུབ་རྒྱལ་རང་གྲོལ་ལགས་ལྕེབས་སུ་འཇུག་བྱེད་ཀྱི་ལྕགས་ཐག་ཕྲ་མོ་དེ་དང་འཇུ་སྐལ་བཟང་ལགས་ཀྱིས་རྟག་པར་འབུད་དཀྲོལ་བྱེད་ཀྱིན་པའི་རང་སེམས་གསོ་བའི་རྒྱ་གླིང་དང་སྒྲ་སྙན་འབྲུག་མགོ་མ་དང་ཡང་མི་འདྲའོ།། ཏག་ཏག་ལྷ་ཡིན་ན་ཕྱག་ཆ་དང་བདུད་ཡིན་ན་མཚོན་ཆ་མི་འདྲ་བའི་དབང་བའི་ང་ཚོའི་མིང་ལ་མི་རབས་གསུམ་པ་ཟེར་བ་ཡིན་ཞེས་རང་གི་སེམས་ཀྱི་འདུན་པ་ཉིད་མཚོན་བྱེད་ཀྱི་སྐད་ཆ་དེ་འདྲ་ཞིག་ལབ་ཡོད། དེའང་མི་རབས་སྔོན་མ་གཉིས་ཀྱི་སྐབས་སུ་བོད་ཀྱི་སྙན་ངག་དེ་གསར་བརྗེའི་ཁ་གཡང་ལྟ་བུའི་འབོད་ཚིག་སྒྲོག་པ་དང་། ཚོར་བ་ཤུགས་དྲག་པོའི་ངང་ནས་རང་གི་བརྩེ་བ་མཚོན་པ། ཕྱི་རོལ་ཡུལ་ཀྱི་རྣམ་པ་གང་ཞིག་སྙན་ངག་པའི་མཐོང་སྣང་ལྟར་ཞིབ་འབྲི་བྱེད་པ་སོགས་སུ་འདུ་ཞིང་བརྗོད་བྱའང་སྤྱི་བམ་པ་དང་། རགས་པ་ཉིད་དུ་གྱུར་ཡོད། མི་རབས་གསུམ་པ་བས་སྨྱུག་ཁ་སྐྱེས་བུ་རང་ཉིད་ལ་བསྐོར་ཏེ་མི་རང་ཉིད་དང་སྤྱི་བའི་བར་གྱི་འགལ་བའི་ཆ་དེ་བཙལ་ནས་མི་རང་གི་རང་གི་རིན་ཐང་གམ་གོ་གནས་བསྐྱར་དུ་བཙལ་ཅིང་སྤྱི་བའི་སྣང་ངོ་ན་རྒྱུ་མཚན་མེད་པ་དག་ལ་གསར་དུ་རྒྱུ་མཚན་བཙལ་བ་རེད། དེ་ལྟ་བུའི་བསམ་བློས་སྣ་དྲངས་ཏེ་སྔོན་ཆད་ཀྱི་མེ་ཏོག་དང་། སྤྲིན་དཀར། སྤང་ལྗོངས། འབྲོང་གཡག་སོགས་ཀྱིས་གྲུབ་པའི་བོད་ཀྱི་སྙན་ངག་དེ་སྡོད་ཁང་དང་། སྨད་ཚོང་མ། རྐང་སྣམ་ཁ་ཐིག རོ་སྒམ་སོགས་ཀྱིས་གྲུབ་པའི་སྙན་ངག་གསར་བ་ཞིག་ཏུ་བཅོས་འདུག གསལ་པོར་བཤད་ན་མི་རབས་གསུམ་པ་ཚོས་མེ་ལོང་མའི་ལུགས་དང་། དོན་གྲུབ་རྒྱལ་གྱི་ལུགས། འཇུ་སྐལ་བཟང་གི་ལུགས་བཅས་སྙན་ངག་གི་ལམ་ཀ་དེ་གསུམ་པོ་སྲོལ་རྒྱུན་སྙན་ངག་ཏུ་ངོས་འཛིན་ཞིང་ཁོ་ཚོ་རང་གིས་འབྲི་བཞིན་པ་དེ་ད་གཟོད་སྙན་ངག་གསར་བར་རྩི་བཞིན་ཡོད།

༤.མི་རབས་གསུམ་པས་བོད་ཀྱི་སྙན་ངག་ལ་རྩོམ་ཐབས་དང་རྩོམ་སྟངས། བརྗོད་བྱ་གསར་བའི་རིགས་ངོ་སྤྲོད་ཅི་དང་ཅི་བྱས་ཡོད་དམ།
   ལན། དེའང་མི་རབས་གསུམ་པའི་སྙན་ངག་པ་དག་གི་རྩོམ་ཐབས་ཀྱང་རྦད་དེ་འདྲ་བ་མ་ཡིན་པར་རིགས་སྣ་ཚོགས་སུ་ངེས་ཤིང་། སྙན་ངག་པ་མི་གཅིག་གི་རྩོམ་སྟངས་ཀྱང་རྣམ་པ་སྣ་ཚོགས་སུ་ངེས་པས་དེ་དག་རེ་རེ་བཞིན་ངོ་སྤྲོད་པ་ནི་ཚེགས་ཆེ་བའི་ལས་ཀ་ཞིག་རེད། ལས་ཀ་དེ་ནི་བོད་ཀྱི་རྩོམ་རིག་ལ་ཞིབ་འཇུག་བྱེད་མཁན་ཚོའི་ལས་ཀ་ཞིག་ཀྱང་རེད་སྙམ། དཔེར་ན་རེ་རྐང་གླིང་དང་མདའ་བཙན་པོ་གཉིས་ཀྱི་རྩོམ་ཐབས་གཏན་ནས་མི་འདྲ་བ་དང་། ལྡོང་བུ་དང་མཚོ་བུ་དགའ་བདེ་གཉིས་ཀྱི་རྩོམ་ཐབས་ཀྱང་གཏན་ནས་འདྲ་བ་མ་རེད། འོན་ཀྱང་སྤྱིའི་ཆ་ནས་བརྟག་ན་དོན་གྲུབ་རྒྱལ་དང་འཇུ་སྐལ་བཟང་སོགས་ཀྱི་རྩོམ་ཐབས་དང་གཏན་ནས་མི་འདྲ་བའི་ལམ་ཀ་ཞིག་བདམས་པ་ནི་མི་རབས་གསུམ་པ་བ་ཚོའི་ཁྱད་ཆོས་གཙོ་བོ་རེད་སྙམ། དཔེར་ན་མདའ་བཙན་པོའི་སྙན་ངག་ནི་ཁ་རི་ཁ་ཐུག་གི་ཚོར་བ་ཤུགས་ཆེ་ཞིང་དམོད་ཚིག་གིས་ཀུན་ནས་ཁྱབ་པ་དང་། མཚོ་བུ་དགའ་བདེའི་སྙན་ངག་ནི་ལོ་རྒྱུས་ཀྱི་བརྡབ་གསིག་ཁྲོད་ནས་རང་གི་རིན་ཐང་བསྐྱར་དུ་འཚོལ་བའི་འདུན་པས་ཟིན་པ། རེ་རྐང་གླིང་གི་སྙན་ངག་ནི་སྲོལ་རྒྱུན་གྱི་ཀུན་སྤྱོད་ལ་འགྲན་སློང་བའི་སྙིང་སྟོབས་ཀྱིས་ཁེངས་པ། ལྡོང་བུའི་སྙན་ངག་ནི་གསང་བའི་འཇིག་རྟེན་ལ་དཔྱོད་པའི་ཤེས་རབ་ཀྱིས་བརྒྱན་པ། ཚེ་རིང་སྐྱིད་ཀྱི་སྙན་ངག་ནི་བུད་མེད་ཀྱི་བརྩེ་བ་དང་གདུང་བ་ཉིད་མཚོན་པའི་ཞི་དུལ་གྱིས་མཛེས་པ། རྨོག་ཤེར་གྱི་སྙན་ངག་ནི་ཐ་སྙད་དང་ཚིག་གི་བསླུ་བྲིད་ཀྱིས་དྲངས་པ་སོགས་ཁྱད་ཆོས་རྣམ་པ་སྣ་ཚོགས་འདུག  

 ༥.མི་རབས་གསུམ་པས་ད་དུང་ཡང་མང་ཆེ་བར་རང་མོས་སྙན་ངག་གི་ལུས་བེད་སྤྱོད་བྱེད་ཀྱིན་འདུག ཁོང་ཚོ་རང་གྲོལ་ལས་ཕར་བརྒལ་བྱས་ཡོད་དམ། རང་གྲོལ་དང་ལྗང་བུ་སོགས་ཀྱིས་རང་མོས་སྙན་ངག་འབྲི་སྟངས་ལ་ཡར་རྒྱས་གང་འདྲ་བཏང་ཡོད་དམ།
   ལན། སྤྱིར་བདག་ནི་རྩོམ་རིག་གི་ངོས་ནས་ཕར་བརྒལ་དང་འཕེལ་རྒྱས་ལ་སོགས་པའི་ཐ་སྙད་བེད་སྤྱོད་པར་དགའ་བོ་མེད། སྔོན་ཆད་ཀྱི་འབྲི་ཐབས་དང་མི་འདྲ་བ་ཞིག་ཡོད་པར་གྱུར་ཚེ་སྔོན་མའི་འབྲི་ཐབས་དེ་ཕུན་སུམ་ཚོགས་པར་བཏང་བ་རེད། དེའི་ཕྱིར་འབྲི་ཐབས་གསར་བའི་རིགས་ཀྱི་རིན་ཐང་ཡང་སྔོན་མ་ཉིད་ཕུན་སུམ་ཚོགས་པར་བཏང་བའི་ངོས་ནས་འཇོག་དགོས་པ་ལས་སྔོན་མ་ཉིད་མེད་པར་གཏོང་དགོས་པ་ལྟ་བུ་གཞིར་བཟུང་ན་མ་ལེགས་པར་སྙམ།   བདག་གིས་བསམ་ན། རང་གྲོལ་དང་ལྗང་བུ་གཉིས་ནི་བསམ་བློ་གཏོང་སྟངས་དང་། འཚོ་བ་རོལ་ཚུལ། སྙན་ངག་འབྲི་སྟངས། ཐོས་བསམ་བྱེད་སྟངས་སོགས་གང་གི་ཆ་ནས་ཀྱང་གཏན་ནས་མི་འདྲ་བའི་མི་གཉིས་ཡིན་པར་མ་ཟད། ལྗང་བུ་ལགས་ནི་དུས་སྐབས་དེའི་སྙན་ངག་པ་བྱིངས་དང་མི་འདྲ་བའི་སྙན་ངག་པ་ཞིག་ཀྱང་རེད། དེ་བས་དཔྱད་རྩོམ་རིང་མོ་ཞིག་གིས་མ་གཏོགས་སྐད་ཆ་ཐུང་ཐུང་ཞིག་གིས་དྲི་བ་འདིར་ལན་གདབ་དཀའ་བར་སྣང་།

༦.ལྗང་བུའི་གཟི་མིག་དགུ་བའི་སྙན་ངག་དང་མི་རབས་གསུམ་པའི་སྙན་ངག་གཉིས་ལ་འདྲ་ས་མང་པོ་ཞིག་འདུག་བསམ། ཕལ་བའི་ཐ་སྙད་བེད་སྤྱོད་གཏོང་སྟངས། ལྐོག་གྱུར་གྱི་བརྗོད་བྱ། རྟོག་གེའི་བསམ་བློ། གཟུགས་བརྙན་བཞེངས་སྟངས་དང་དཔེ་མཚོན་འཇོག་སྟངས་སོགས་ཀྱི་ཐད་འདྲ་ས་འདུག་སྙམ། ལྗང་བུའི་སྙན་ངག་གིས་ཁྱེད་ལ་བག་ཆགས་བཞག་ཡོད་དམ། ཡོད་ན་ཅི་ལྟར་བཞག་ཡོད་པ་དཔེ་མཚོན་དང་བཅས་གསུང་རོགས།
    ལན། བདག་གིས་བསམ་ན་ལྗང་བུ་དང་འཇུ་སྐལ་བཟང་གཉིས་ནི་བོད་ཀྱི་སྙན་ངག་པ་ཡག་ཤོས་གཉིས་ཀ་རེད་སྙམ། སྤྱིར་རང་གྲོལ་གྱི་རྗེས་ནས་བོད་ལ་རང་མོས་སྙན་ངག་གམ་དེང་རབས་སྙན་ངག་འབྲི་མཁན་མང་པོ་བྱུང་ཡོད་ནའང་མང་ཤོས་ཀྱིས་དཔེ་འགོད་སྟངས་དང་། གཟུགས་བཞེངས་སྟངས། ཚོར་བ་འབྲི་སྟངས་སོགས་མཐའ་དག་སྲོལ་རྒྱུན་གྱི་འབྲི་ཐབས་ལས་འདའ་མེད་ལ། སྤྱི་བའི་མཛེས་དཔྱོད་ཀྱི་ལྟ་བ་ལས་ཀྱང་འབུད་ཐུབ་མེད། བདག་གིས་ལོ་ན་ཕྲ་བའི་དུས་སུ་ལྗང་བུ་མ་ཟད་བོད་ཀྱི་ཅུང་གྲགས་ཆེ་བའི་སྙན་ངག་པ་མཐའ་དག་ལ་ལད་མོ་བྱས་མྱོང་བས་ཁོ་ཚོའི་བག་ཆགས་མེད་པ་ག་ལ་སྲིད། དེ་ལས་ལྗང་བུའི་བག་ཆགས་ནི་བབ་ཆགས་པའི་ཐ་སྙད་བཀོལ་སྟངས་དང་ལྷོད་ཆགས་པའི་ཚིག་བསྡེབ་རྒྱུ་སོགས་ཡིན་པར་སྙམ། དཔེར་ན་ལྗང་བུའི་སྙན་དེབ༼གཟི་མིག་དགུ་བ༽པར་སྐྲུན་མ་བྱས་པའི་སྔོན་དུ་མདོ་སྨད་ཕྱོགས་ཀྱི་སྙན་ངག་པའི་ཁྲོད་དུ་དབུས་སྐད་ཀྱི༼ག་རེ་འདུག༽སོགས་བེད་སྤྱོད་མཁན་ཉུང་ནའང་དེའི་རྗེས་སུ་དབུས་སྐད་ཀྱི་ཉམས་ལྷོད་པོ་དེ་དག་ལ་རེ་ཞིག་ཨ་གསར་བྱས་པ་རེད།

  ༧.ཉིད་ཀྱིས་བསམ་པར་ལྗང་བུའི་སྙན་ངག་ཡག་ཤོས་གང་རེད།
  ལན། ང་རང་ཆེས་དགའ་སའི་ལྗང་བུའི་སྙན་ངག་ནི༼ལྗང་བུའི་སྙན་ངག་དེབ༽ནང་གི་ཆེས་གོ་དཀའ་བའི་རིགས་དེ་དག་དང་། ༼གཟི་མིག་དགུ་བ༽འི་ཁྲོད་ཀྱི༼དྲི་བ༽དང་། ༼ནོར་བུ༽སོགས་ཡིན་པར་སྙམ། གོ་དཀའ་བ་དེ་དག་ནི་གབ་ལན་རྙེད་དཀའ་བའི་གབ་ཚིག་ཅིག་དང་བསླུ་བྲིད་བྱེད་མཁས་པའི་མཛེས་མ་ཞིག་དང་འདྲ་བར་ཁྱོད་ཀྱི་རྟོག་པའི་དབྱིངས་ནས་མི་ནུབ་པར་ཡོད་ཅིང་། ༼གཟི་མིག་དགུ་བ༽བའི་ནང་གི་སྙན་ངག་དེ་དག་ནི་རེག་ན་མེད་པར་འགྱུར་ཅིང་མ་བཅར་ན་གསལ་བོར་མི་མཐོང་བའི་མེ་ཏོག་རེ་དང་འདྲ་བར་ཤིན་ཏུ་མཛེས་པའི་གཟུགས་སུ་བཞེངས་ཡོད་པ་རེད།

༨.ཁྱེད་ཀྱིས་མི་རབས་གསུམ་པའི་ཚབ་མཚོན་སྙན་ངག་གང་དག་རེད་བསམ། སྙན་ངག་གང་དང་སྙན་ངག་པ་སུ་ཡག་ཤོས་རེད་བསམ།
  ལན། མི་རབས་གསུམ་པའི་ཚབ་མཚོན་སྙན་ངག་ནི་མདའ་བཙན་པོའི༼སློབ་ཁྲིད་སྟེགས་བུའི་ཁྲོད་ནས་རྩིས་རིག་ལ་སྡིགས་དམོད་བྱས་པ༽དང་། རེ་རྐང་གླིང་གི༼སྨད་འཚོང་མ་སངས་རྒྱས་སྒྲོལ་མར་ཕུལ་བ༽གུས་པོའི༼ཚོར་བ་རབ་རིབ༽སོགས་ཡིན་པར་སྙམ། མི་རབས་གསུམ་པའི་ཚགས་དེབ་སོགས་སུ་བཀོད་པའི་སྙན་ངག་དེ་དག་ནི་ཡག་ཤོས་རེད་སྙམ་ལ། སྙན་ངག་པ་ནི་མི་རབས་གསུམ་པའི་ཚབ་མཚོན་སྙན་ངག་པའི་བྱ་དགའ་ཐོབ་སའི་སྙན་ངག་པ་དེ་དག་ཡག་ཤོས་རེད་སྙམ།

 ༩.ཁྱེད་ཀྱིས་རང་ཉིད་ཀྱི་སྙན་ངག་ཡག་ཤོས་དེ་གང་རེད་འདོད། ཁྱེད་ཀྱི་སྙན་ངག་གང་གིས་མི་རབས་གསུམ་པ་མཚོན་ཐུབ་ཀྱི་འདུག
  ལན། ཞིབ་ཏུ་བསམ་ན། བདག་གི་སྙན་ངག་རྣམས་ནི་དྲང་ཐིག་གཅིག་གི་སྟེང་དུ་བབས་པའི་འབུ་སྲིན་ཁྱུ་གཅིག་དང་འདྲ་བར་ལོགས་སུ་དགར་ཆོག་པ་ཞིག་དང་དམིགས་བསལ་བ་གང་ཡང་མེད་པར་སྙམ། དེ་བས་འདི་ནི་སྙན་ངག་ཡག་ཤོས་རེད་ཅེས་བསལ་རྒྱུ་དེ་ཤིན་ཏུ་དཀའ་བ་རེད། དེ་བསལ་རྒྱུ་ནི་ང་ལ་མཚོན་ན་མུན་དོང་ཞིག་ཏུ་ལྕེབས་རྒྱུ་ལས་དཀའ་བར་སྣང་། ངའི་སྙན་ངག་ལས༼མི་རབས་གསུམ་པ༽དང་། ༼ཚོར་བ་རབ་རིབ༽སོགས་ཀྱིས་མི་རབས་གསུམ་པ་མཚོན་གྱི་ཨེ་འདུག་གམ། དེའང་གསལ་པོ་ཞིག་ཤེས་མ་བྱུང་།

  ༡༠.མི་རབས་གསུམ་པས་དེང་རབས་བོད་ཀྱི་རྩོམ་རིག་ལ་གྲུབ་འབྲས་ཅི་ཞིག་བླངས་ཡོད་སྙམ།
  ལན། མི་རབས་གསུམ་པ་བོད་ཀྱི་རྩོམ་སྟེགས་སུ་བུད་མ་ཐག་མི་མང་པོ་ཞིག་གིས་ཡིན་མིན་གྱི་གཏམ་མང་པོ་ཞིག་ལབ་ཅིང་། ལྷག་པར་དུ་མི་རབས་གསུམ་པའི་ཁྱད་ཆོས་ནི་གཅེར་བུར་བུད་པ་ལྟ་བུར་ངོས་བཟུང་སྟེ་དེའི་གྲས་སུ་ཡོད་པ་ནི་ངོ་ཚ་དགོས་པའི་དོན་ཞིག་ཏུ་བརྩིས་ལ་དེའི་གྲས་སུ་ཞུགས་ཚེ་༼མི་ཁ༽འང་འཁོར་མྱོང་། དེ་འདྲའི་གླེང་གཞི་ནི་ཀློག་མཁན་རྣམས་མ་ཟད་ཟི་ལིང་སོགས་སུ་ཡོད་པའི་བོད་ཀྱི༼ཤེས་ཡོན་པ༽དག་གིས་བཟོས་པ་རེད། ཡིན་ནའང་ལྡོག་ཕྱོགས་ཀྱི་གླེང་གཞི་དེའི་ཞོར་དུ་མི་རབས་གསུམ་པས་བོད་ཀྱི་རྩོམ་སྟེགས་སུ་རིགས་དང་རྣམ་པ་མི་འདྲ་བའི་སྙན་ངག་འབོར་ཆེན་ཞིག་བསྐྱལ་ཡོང་ལ་རྗོད་སྟངས་དང་མཚོན་ཐབས་མི་འདྲ་བའི་སྙན་ངག་གི་འཇིག་རྟེན་ཞིག་ཀྱང་བཞེངས་ཡོད་པར་སྙམ། གསལ་པོར་བཤད་ན་འདུ་འཛོམས་ཀྱི་དུས་སུ་ཨ་རག་གིས་བད་དེ་འུར་རྒྱག་པ་ནི་མི་རབས་གསུམ་པ་ཚོར་མཚོན་ན་སྒེར་ངོས་ཀྱི་དོན་ཞིག་ཡིན་ལ་དེ་ནི་མགྲོན་ཁང་དང་ཟ་ཁང་གི་ནང་ལས་འདས་མེད། དེ་འདྲའི་དོན་ནི་མི་མང་པོ་འདུ་འཛོམས་བྱ་ས་གང་དུའང་མཐོང་རྒྱུ་ཡོད་པས་ཧ་ལས་དགོས་པ་ཞིག་མིན། ཧ་ལས་དགོས་པ་ནི་མི་རབས་གསུམ་པའི་མཛེས་པར་དཔྱོད་པའི་བློ་གསར་བ་དེ་ཡིན་ཞིང་དེ་ནི་བོད་ཀྱི་རྩོམ་རིག་གི་སྐྱེད་ཚལ་ལ་མཚོན་ན་སྔོན་ཆད་ཀྱི་པད་མ་དེ་མིན་པའི་ཁ་དོག་སྣ་ཚོགས་སུ་ངེས་པའི་རྒྱ་སེ་ཆུན་པོ་དེ་རེད།

  ༡༡.མི་རབས་གསུམ་པའི་སྙན་ངག་པ་མང་པོ་ཞིག་ལ་ཕལ་ཆེར་བློ་སྐྱེད་ནུབ་ཕྱོགས་ཀྱི་དེང་རབས་རིང་ལུགས་ཀྱི་སྙན་ངག་ལས་ཐེབས་ཀྱི་ཡོད་པ་འདྲ། ནུབ་ཕྱོགས་ཀྱི་སྙན་ངག་པ་སུས་ཁྱེད་ལ་ཤུགས་རྐྱེན་ཐེབས་ཡོད། རྩོམ་སྟངས་དང་མཚོན་ཐབས་གང་བློ་ལ་འབབ་ཤོས་རེད།  བོད་ཀྱི་དེང་རབས་རྩོམ་རིག་ཏུ་རྩོམ་ཐབས་དང་བསམ་བློའི་རིགས་ནང་འདྲེན་ཅི་ཞིག་བྱས་ཡོད།
   ལན། བདག་ལ་མཚོན་ན་ནུབ་ཀྱི་སྙན་ངག་པ་ཧྥ་རན་སེའི་བྷོ་དྷི་ལེར་(Charles Pierre Baudelaire)དང་ཨོ་སི་ཐྲི་ཡའི་ལེར་ཁེ(Rainer Maria Rilke) ཨ་རྗེན་ཐེན་གྱི་བྷོར་ཧེ་ཞི(Jorge Luis Borges)ལ་དགའ་གུས་ཚད་མེད་ཡོད།  རྩོམ་སྟངས་ཀྱི་ཆ་ནས་བསྡུས་བརྗོད་རིང་ལུགས་པའམ་མཚོན་དོན་རིང་ལུགས་པ་དང་། དངོས་ཡོད་ལས་བརྒལ་བའི་རིང་ལུགས་པ། ཡིད་བརྙན་པ་སོགས་ལ་དགའ་བོ་ཡོད། ནང་འདྲེན་བྱས་ཡོད་མེད་ཀྱི་ཐད་ནས་བཤད་ཁག་པོ་ཡིན་པ་འདྲ།

  ༡༢.དེང་རབས་རིང་ལུགས་ཟེར་བ་དེ་ཁྱེད་ཀྱིས་ཅི་འདྲ་ཞིག་ལ་ངོས་འཛིན་བྱེད་ཀྱི་ཡོད། ཁྱེད་ཀྱིས་བལྟས་ན་དེང་རབས་རིང་ལུགས་པའི་རྩོམ་ཐབས་ལེགས་ཤོས་རིགས་གང་དག་རེད་འདོད། ཁོང་ཚོའི་བསམ་བློའམ་ལྟ་གྲུབ་གཙོ་བོ་ཅི་རེད་བསམ།
  ལན། རྩོམ་རིག་ལོ་རྒྱུས་ཀྱི་ངོས་ནས་བདག་གིས་དེང་རབས་རིང་ལུགས་ཟེར་བ་དེ་མཐའ་དཔྱོད་དངོས་ཡོད་རིང་ལུགས་སོགས་ཀྱི་རྗེས་དང་བཟོ་ལས་གསར་བརྗེའི་རྗེས་ནས་བྱུང་བའི་ནུབ་ཀྱི་རྩོམ་ཐབས་གསར་བ་ཁག་ལ་གོ་བཞིན་ཡོད་ལ་བོད་ཀྱི་རྩོམ་རིག་ལ་མཚོན་ན་དེང་རབས་རིང་ལུགས་ཞེས་པའི་ཐ་སྙད་དེ་བེད་ཇི་ལྟར་སྤྱད་དགོས་པ་གསལ་བོ་ཤེས་ཀྱི་མེད། དེའང་དེང་རབས་ཞེས་པའི་ལྡོག་ཕྱོགས་ཀྱི་ཁ་གཏོད་ཡུལ་ནི་རང་བྱུང་ཡིན་ལ་མི་རྣམས་རང་བྱུང་གི་འཚོ་བ་དང་གྱེས་ཏེ་གྲོང་ཁྱེར་ཆེན་པོའི་འཕྲུལ་འཁོར་གྱི་ལྷུ་ལག་ལྟ་བུར་གྱུར་བའི་རྗེས་སུ་ད་གཟོད་དེང་རབས་ཞེས་པའི་ཐ་སྙད་དེ་བྱུང་བ་རེད་སྙམ། བདག་གིས་དེང་རབས་རིང་ལུགས་ཀྱི་རྩོམ་ཐབས་གང་ཡིན་ཡང་དགའ་བོ་བྱེད་ཀྱི་ཡོད། ཁོང་ཚོའི་བསམ་བློའམ་ལྟ་གྲུབ་ལའང་རྩོམ་བྱུང་ལོ་རྒྱུས་དང་རྩོམ་རིག་གི་གཞུང་ལུགས་ཁག་ཏུ་གསལ་བ་ལྟར་གོ་བ་ལེན་གྱི་ཡོད།

  ༡༣.ནུབ་ཕྱོགས་དེང་རབས་རིང་ལུགས་ནི་སྒྱུ་རྩལ་གྱི་ལས་འགུལ་ཆེན་མོ་ཞིག་ཡིན་དུས། ཁྱེད་ལ་དེང་རབས་སྙན་ངག་མ་གཏོགས། སྒྱུ་རྩལ་གྱི་རིགས་གཞན་དང་། ལོ་རྒྱུས། ཆབ་སྲིད། རྟོག་གེ་རིག་པ་སོགས་ལ་བཟུང་བའི་དེང་རབས་རིང་ལུགས་ཀྱི་ལངས་ཕྱོགས་རིགས་ལ་རྒྱུས་ལོན་ཡོད་དམ།  ཡོད་ན་གང་དག་ལ་རྒྱུས་མངའ་ཡོད་པ་གསུང་རོགས།
 ལན། སྤྱིར་བདག་ནི་སྙན་ངག་མ་གཏོགས་པའི་སྒྱུ་རྩལ་གྱི་རྣམ་པ་གཞན་དག་སྟེ་རོལ་མོ་དང་། རི་མོ། གློག་བརྙན་སོགས་ལ་ཤིན་ཏུ་དགའ་མོས་བྱེད་མཁན་ཞིག་ཡིན་པར་མ་ཟད་མཚན་ཉིད་རིག་པའི་ཕྱོགས་ལའང་སྤྲོ་བ་ཆེས་ཆེར་ཡོད་པ་ཞིག་ཡིན།  དཔེར་ན།  རི་མོ་བ་van Goghདང་། Salvador Dali དེ་མིན་Picassoསོགས་ཀྱི་སྒྱུ་རྩལ་གྱི་འཚོ་བ་ཇི་ལྟར་རོལ་བའི་སྐོར་ནི་བདག་ལ་མཚོན་ན་འགུག་ཤུགས་ཤིན་ཏུ་ཆེ་བ་ཞིག་རེད། ཧྥ་རན་སེའི་ཁུངས་འཆལ་བའི་ལུགས་ཀྱི་ཟློས་གར་བ་Eugene Ionescoལ་བཅར་འདྲི་བྱས་པའི་དེབ་ཅིག་ཡོད་པ་དེ་བདག་གིས་ཡང་དང་བསྐྱར་དུ་བཀླགས་པ་དང་། ཁོང་གི་ཟློས་གར་གྱི་འཁྲབ་གཞུང་དང་མི་ཚེའི་ལྟ་བ་ལ་གོ་བ་ཡག་པོ་ཞིག་ལོན་རྗེས་Albert Camusཡི་མཚན་ཉིད་རིག་པའི་གཞུང་དང་། བརྩམས་སྒྲུང་སོགས་ལ་ཞེ་དྲགས་དགའ་བོ་བྱུང་ཞིང་། མི་ཚེ་འདི་ཁུངས་མེད་ལུང་མེད་ཡིན་པའི་ལྟ་བ་དེ་རྒྱུད་ལ་བརྟན་པོར་ཆགས་པར་གྱུར། དེ་ནི་ཆུང་ངུའི་དུས་ནས་ནང་བསྟན་གྱི་བག་ཆགས་ཟབ་མོ་ཡོད་པ་དེ་ལ་འགྲེལ་བ་གསར་བ་ཞིག་བྱུང་བ་དང་འདྲ། བརྡ་འཕྲིན་གྱི་ཡོ་བྱད་ཤུགས་ཆེན་པོར་དར་བའི་དེང་གི་དུས་འདིར། བདག་གིས་བོད་ཀྱི་གྲོང་རྡལ་ཆུང་བ་ཞིག་ནས་གློག་བརྙན་དང་རོལ་དབྱངས་ཀྱིས་གཙོས་པའི་འཛམ་གླིང་གི་སྒྱུ་རྩལ་བརྩམས་ཆོས་སྣ་ཚོགས་པ་ཉམས་སུ་མྱོང་ཐུབ་ཀྱི་ཡོད་ལ། དེ་བཞིན་གོ་ལའི་སྟེང་བྱུང་བའི་གསར་བྱུང་གི་གནས་ཚུལ་མཐའ་དག་ཀྱང་ཅི་འདོད་དུ་ཐོས་ཐུབ་ཀྱི་ཡོད། དུས་རབས་ཉེར་གཅིག་པའི་རྗེས་ནས་བཟུང་སྒྱུ་རྩལ་གྱི་བརྩམས་ཆོས་ཅི་རིགས་ནི་སྔོན་ཆད་ལྟར་དེང་རབས་རིང་ལུགས་པའི་དངོས་འབྲས་མ་ཡིན་མོད་འོན་ཀྱང་ཡོ་རོབ་ཀྱི་གློག་བརྙན་མང་པོ་ནས་དེང་རབས་རིང་ལུགས་པའི་ལྟ་གྲུབ་ཀྱི་ཤུལ་རྗེས་ཙམ་མཐོང་ཡོང་གི་འདུག

  ༡༤.དེང་རབས་རིང་ལུགས་ཟེར་བ་འདི་ལོ་རྒྱུས། ཆབ་སྲིད་དང་དཔལ་འབྱོར་སོགས་ཀྱི་འཕེལ་འགྲོས་གློ་བུར་བ་མང་པོ་ཞིག་ལ་བལྟོས་ནས་ཡོང་བ་དེའི་སྐོར་ལ་ཁྱེད་ཀྱིས་ལྟ་ཀློག་སོགས་བྱས་ཡོད་དམ། ཡོད་ན་རྒྱུས་ལོན་བྱས་པ་དེས་ཉིད་ཀྱི་སྙན་ངག་ལ་བག་ཆགས་ཐེབས་ཡོད་དམ།
  ལན། དེའི་སྐོར་རྩོམ་རིག་ལོ་རྒྱུས་སོགས་ལས་ཐེངས་མང་པོར་བཀླགས་པ་ཡིན། དེས་མཐའ་གཅིག་ཏུ་བདག་ལ་ཤུགས་རྐྱེན་ཐེབས་ཡོད་ཅེས་བཤད་དཀའ། ཡིན་ནའང་ཨ་རིའི་Beat Generationཞེས་པའི་སྙན་ངག་གི་ཚོགས་པ་དེས་འཆལ་བོའི་སྤྱོད་པ་སྣ་ཚོགས་དང་བཅས་མི་མང་གི་དབུས་ནས་སྙན་ངག་ཀློག་པའི་ཚུལ་དེ་ཅི་ལྟ་བུ་ཞིག་ཡིན་ནམ་ཞེས་རང་གི་སེམས་ནས་རྟོག་བཟོ་བྱ་དགོས་འདུག་ཅིང་སྐབས་ལ་ལར་དེ་ནི་རང་གིས་དངོས་སུ་བརྒྱུད་ཟིན་པའི་འཚོ་བའི་ལམ་ཀ་ཞིག་ཡིན་པའི་སྣང་བའང་སྟེར། བདག་གིས་བསམ་ན་འཛམ་གླིང་གི་སྙན་ངག་པ་ཡོངས་ལ་ཐུན་མོང་གི་གཤིས་སྤྱོད་ཅིག་ཡོད་པ་འདྲ་སྟེ། དེ་ནི་མངོན་སུམ་གྱི་འཇིག་རྟེན་ལས་འདས་པའི་རྟོག་པའི་འཇིག་རྟེན་ཞིག་ལ་གནས་བཅས་ཏེ། གཞན་དང་མི་འདྲ་བའི་སྤྱོད་ལམ་ཞིག་སྐྱོང་བ་དེ་རེད།

  ༡༥.དེང་རབས་རིང་ལུགས་ཀྱི་སྒྱུ་རྩལ་ཐབས་ལམ་དང་བསམ་བློ་སོགས་དེང་རབས་བོད་ཀྱི་སྤྱི་ཚོགས་དང་རིག་གནས་ལ་གོ་རྟོགས་ཐོབ་པར་ཕན་ནམ།
   ལན། དེ་དངོས་གནས་བཤད་ཁག་པོ་འདུག དགོངས་དག

  ༡༦.བོད་ཀྱི་དགེ་རྒན་ཆེན་མོ་དང་ཤེས་ལྡན་མི་སྣ་གལ་ཆེན་རིགས་ཀྱིས་མི་རབས་གསུམ་པའི་སྙན་ངག་དང་། ལྷག་པར་དུ་ཆགས་སྲེད་བརྗོད་བྱར་བྱས་པའི་སྙན་ངག་ལ་སྐྱོན་བརྗོད་ཚ་ནན་བྱས་ཡོད་པ་རེད་ཟེར། ཡིན་ནའང་ཡིག་ཐོག་ཏུ་དེ་འདྲ་མཐོང་རྒྱུ་ཉུང་། ཁྱེད་ལ་རྩོམ་ཡིག་དེ་འདྲ་ངོ་སྤྲོད་བྱ་རྒྱུ་ཡོད་དམ།
  ལན། ཁོ་ཚོས་ཐད་ཀར་དགག་པ་བརྒྱབ་པའི་རྩོམ་བྲིས་པ་བདག་གིས་ཀྱང་མཐོང་མ་མྱོང་། ཁོ་ཚོས་དེ་འདྲའི་དགག་པ་དེ་ཕལ་ཆེར་སློབ་ཁྲིད་བྱེད་དུས་དང་ཚོགས་འདུ་འཚོགས་དུས། ཡང་ན་ཇ་ཁ་ཆང་ཁ་ནས་བརྒྱབ་པ་ཡིན་ངེས།

  ༡༧.ཁྱེད་ཀྱིས་མི་རབས་གསུམ་པར་བློ་གཟུ་བོས་གདེང་འཇོག་བྱས་པའི་རྩོམ་དེ་འདྲ་མཐོང་མྱོང་ངམ།
  ལན། གང་ལྟར་མི་རབས་གསུམ་པའི་སྐོར་ནས་ཡིན་མིན་གྱི་རྩོམ་སྣ་ཚོགས་བྲིས་ཡོད་པ་མཆོད་མེ་དྲ་བ་དང་དགེ་ཆོས་དྲ་བའི་མི་རབས་གསུམ་པ་ཞེས་པའི་ལེ་ཚན་དུ་གསལ་བས་དེར་གཟིགས་པར་ཞུ།

  ༡༨.མི་རབས་གསུམ་པའི་མི་སྒེར་གྱི་གཤིས་ཀ་གཅིག་པུ་མ་ཡིན་པར་མི་རབས་གསུམ་པའི་སྙན་ངག་རང་ལ་དཔྱད་རྩོམ་བྲིས་པ་དེ་འདྲ་ཡོད་དམ།
  ལན། དེ་འདྲའི་དཔྱད་རྩོམ་མང་པོ་འདུག དཔེར་ན་ཀྲུང་དབྱང་མི་རིགས་སློབ་ཆེན་གྱི་ཞིབ་འཇུག་སློབ་མ་ལྡོང་བུ་ལགས་ཀྱི་མཐར་ཕྱིན་དཔྱད་རྩོམ་ནི་མི་རབས་གསུམ་པའི་སྙན་ངག་མང་པོ་དཔེར་དྲངས་ནས་བྲིས་པ་ཞིག་ཡིན་ལ། ཡང་སློབ་གྲྭ་དེ་ག་ནས་ད་ལོ་མཐར་ཕྱིན་འགྱུར་གྱི་ཞིབ་འཇུག་སློབ་མ་བྱམས་ཕྲུག་བན་ཏེ་མཁར་ལགས་ཀྱི་མཐར་ཕྱིན་དཔྱད་རྩོམ་ཡང་ཕྲན་གྱི་བརྩམས་ཆོས་ལ་དམིགས་སུ་དཔྱད་པ་ཞིག་ཡིན། དེ་བཞིན་ནུབ་བྱང་མི་རིགས་སློབ་ཆེན་གྱི་དངོས་གཞིའི་སློབ་མ་འཇམ་དཔལ་རྡོ་རྗེ་ལགས་ཀྱི་མཐར་ཕྱིན་དཔྱད་རྩོམ་ཡང་ཆེད་དུ་མི་རབས་གསུམ་པའི་སྙན་ངག་ལ་དཔྱད་པ་ཞིག་ཡིན་སྐད།

  ༡༩.ཉིད་ཀྱི་བསམ་པར་མི་རབས་གསུམ་པའི་སྙན་ངག་གི་བཟང་ཆ་དང་སྐྱོན་ཆ་གཙོ་བོ་རྣམས་གང་དག་རེད་བསམ།
  ལན། བཟང་ཆ་ནི་སྔོན་ཆད་ཀྱི་རྩོམ་སྟངས་སྣ་ཚོགས་དང་མི་འདྲ་བའི་རྩོམ་ཐབས་གསར་བ་ཞིག་གིས་བོད་ཀྱི་སྙན་ངག་གི་སྐྱེད་ཚལ་རྣམ་པར་བརྒྱན་པ་དང་། ཞན་ཆ་ནི་བོད་ཀྱི་སྙན་ངག་པ་བྱིངས་བཞིན་དཔེ་ཀློག་གི་མྱོང་བ་ཉུང་བ་དང་། སྒྱུ་རྩལ་གྱི་རྟོག་པ་དམའ་ཞིང་། དེ་ཡི་མཐུ་ཡིས་གསར་གཏོད་ཀྱི་སྤོབས་པའང་ཞན་པར་བྱས་པ་དེ་རེད་སྙམ།

  ༢༠.ད་ལྟ་མི་རབས་གསུམ་པའི་གནས་སྟངས་གང་འདྲ་ཡིན། ཁོང་ཚོའི་ཚོགས་པ་འཐོར་བ་ཡིན་ནམ། ཤོག་ཁ་གཉིས་སུ་གྱེས་པ་ཡིན་ནམ། སྐྱབས་ཆེན་བདེ་གྲོལ་དང་མདའ་བཙན་པོ་སོགས་ཚོགས་པ་ལས་ཐོན་པ་ཡིན་ན་ཚོགས་པའི་ངོ་བོ་འགྱུར་ཡོད་དམ།
  ལན། གང་ལྟར་ཕྲན་དང་མདའ་བཙན་པོ། མཚོ་བུ་དགའ་བདེ། རྨོག་ཤེར་སོགས་དེ་ལས་བུད་ཡོད་པ་དང་། བུད་རྗེས་མི་རབས་གསུམ་པའི་དོན་མཐའ་དག་ངེད་ཅག་དང་འབྲེལ་བ་མེད་ཅེས་བཤད་ཡོད། ཤུལ་ཏུ་ཡོད་པ་དེ་དག་གིས་མི་རབས་གསུམ་པའི་མིང་ཐོག་ནས་ལས་ཀ་ཅི་ཞིག་བསྒྲུབ་ཀྱང་རུང་ངེད་ཅག་ལ་འབྲེལ་བ་ཡོད་པ་མ་ཡིན། གུས་ཕྲན་རང་ངོས་ནས་མི་རབས་གསུམ་པ་ཞེས་པ་དེ་ནི་བོད་ཀྱི་རྩོམ་སྟེགས་སུ་འཁྱུག་ཙམ་བྱས་པའི་གློག་དམར་ཞིག་ལ་ངོས་འཛིན་བཞིན་ཡོད་ཅིང་ད་ལྟ་དེ་ཉིད་ཕྱིར་དྲན་བྱ་རྒྱུ་ཞིག་ལས་ཅི་ཡང་མིན་པར་འདོད། གསལ་པོར་བཤད་ན་གུས་ཕྲན་རང་གི་སེམས་ནས་ཚོགས་པ་དེ་འཇིག་ཟིན་པ་ཡིན།

  ༢༡.ཁྱེད་རང་ལ་བག་ཆགས་ཆེས་གཏིང་ཟབ་འཇོག་མཁན་གྱི་བོད་ཀྱི༼གནའ་དེང་གི༽རྩོམ་པ་པོ་སུ་སུ་ཡོད། ཁྱེད་རང་འདང་རྩིས་ཆེ་བའི་བོད་ཀྱི་བརྩམས་ཆོས་ཤ་ཁས་ཤིག་ངོ་སྤྲོད་གནང་རོགས།
  ལན། ང་རང་ཆེས་དགའ་སའི་བོད་ཀྱི་རྩོམ་པ་པོ་རྣམས་ནི་རྗེ་ཙོང་ཁ་བ་དང་། ཞང་ཞུང་ཆོས་དབང་གྲགས་པ། མི་ལ་རས་པ། གུང་ཐང་བསྟན་པའི་སྒྲོན་མེ། སྒིས་སྟེང་བློ་བཟང་དཔལ་ལྡན། རྡོ་སྦིས་དགེ་བཤེས། དགེ་འདུན་ཆོས་འཕེལ། ལྗང་བུ། གཅན་མེ་སྟག་བཅས་ཡིན་ལ་དེ་སྔ་མི་རབས་གསུམ་པའི་ནང་ཞུགས་པའི་སྙན་ངག་པ་དག་གི་བརྩམས་ཆོས་ལའང་དགའ་བོ་ཡོད།

   རང་གི་ནུས་ཚོད་ཀྱིས་དྲི་ལན་ཞིབ་ཚགས་རྒྱག་རོགས་ཞུ།  ཐུགས་རྗེ་ཆེ། ཁྱེད་ཚོ་ཁ་དྲོ། བཀྲ་ཤིས།

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།