རང་གི་རིག་གནས་རྒྱུན་འཛིན་དང་རིག་གནས་གསར་བ་ནང་འདྲེན་བྱས་ཏེ། རང་རེའི་སྐད་ཡིག་གི་སྲོག་དབང་གསར་བ་གསོ་བའི་རྩ་དོན་གཞིར་བཞག་ཐོག མིག་སྔར་ཤིན་ཏུ་ནས་ཀྱང་ཁ་ཚ་དགོས་གཏུག་ཡིན་པའི་རྒྱབ་ཁབ་ཕྱི་ནང་གི་རིག་གནས་སློབ་གསོའི་སྙིང་བཅུད་བསྡུ་ལེན་ལེགས་པར་བྱེད་པའི་ཆར་ཡང་དང་དོད་ཆེར་སྐྱེད་པའི་དམ་བཅའ་སྔོན་དུ་བཏང་སྟེ། བོད་ཡུལ་ཆོལ་ཁ་གསུམ་གྱི་ཡ་གྱལ། མདོ་སྨད་རྟ་ཡི་ཆོལ་ཁའི་ས་ཡི་ཐིག་ལེ། རྨ་ཁུག་མགོ་ནོར་བུ་དགའ་འཁྱིལ་གྱི་དཀྱིལ་སྙིང་། གླིང་ལྷ་སྡེ་དཀར་པོའི་ནང་བཅུད་གཅེས་པའི་ནོར་བུ་རྟ་མཆོག་རིན་པོ་ཆེའམ་རྟ་འདོ་བ་བསམ་པའི་དོན་གྲུབ་སྟེ་ཕ་ཨ་ཁུའི་སྲོག་གི་འཚེར་ཡ། ལྷ་རྟ་མགྲིན་དམར་པོའི་སྤྲུལ་བ། རྨ་ཁུག་རྟ་བ་ཚང་གི<<ཅང་ཤེས་དཀར་པོ>>ཞེས་པའི་ལོ་དེབ་གསར་དུ་བསྐྲུན་ཡོད་ཅིང་། དེབ་ཀྱི་མཚོན་རྟགས་ཇི་བཞིན། སྤྲིན་དཀར་བང་རིམ་དབུས་ནས།། དངོས་གྲུབ་སྦྲང་ཆར་བབས་སོང་།། ཞེས་པའི་དངོས་གྲུབ་ཀྱི་སྦྲང་ཆར་དེ་ཆོལ་གསུམ་ས་གཞིའི་ཕང་བ་འཇོ་བའི་སྨོན་འདུན་ཡང་མཆིས་སོ།། 

(མཆོད་མེའི་པར་དབང་གཞན་གྱིས་དགོལ་མི་རུང)

རྩོམ་ཁུངས། ངེད་དྲ་བ།